GENESIS 26:5 - Ottawa New Testament Penteteuch and Psalms 1874

⁵ Oonje Abraham kebezindung nindinwawin, kuhya keguhnuhwandung nekuhgaundwawin, nekuhgequawinun, nindenahkoonegawinun, kuhya netebahkoonegawinun.

GENESIS 26:5 Iomraidhean Croise

GENESIS 12:4

Abram dush keühnemahjah debishkoo kahegood Jehovahun; oogeweejewegoon dush Lotun: Abram dush keneezhwahse meduhnuh duhsoo‐pepoon‐uhgeze ahshe nahnun uhpe Haraning wanjemahjaud.

GENESIS 17:23

¶ Abraham dush oogeöodahpenaun oogwissun Ishmaelun kuhya kuhkenuh enewh kahnegenejin emuh oowegewauming, kuhya enewh kahkishpenuhnahpuneen ooshooneyahmun, kuhkenuh enenewun emuh Abram oowegewauming; oogekekenoowahje‐kishkizhahmoowaun dush ewh weyausene emuh negaun‐ushkuhtuhying ewh kezheguk, debishkoo kahegood enewh Kesha‐Muhnedoon.

GENESIS 18:19

Nekekanemah mah kagate wekahgaunzoomaud oonejahnesun kuhya oowegewauming ayahnejin keïshquah‐bemahdezid, cheguhnuhwanduhmenid oodezhetwahwin Jehovah, cheëzhecheganid ewh quayukwuk kuhya manooëzhewabuk; chedoodahwaud dush owh Jehovah enewh Abrahamun ewh kahenaud.

GENESIS 22:16

Oo‐oo dush keëkedoo; ningetuhgoo‐weendaun tebenuhwa nindenoozoowin mushkahwe‐wahweendahmahgayaun, ekedoo Jehovah, oonje oo‐oo keëzhechegayun, kah dush kegesahgetuhmahwese kegwis, puhyazhegood kegwis:

GENESIS 22:18

Keen dush kaöonejahneseyun tahoonjeshahwandahgoozewug ahnooj azheweenzoojig; oonje kebezinduhmun nindinwawin.

GENESIS 26:6

¶ Isaac dush keduhnuhkee emuh Geraring:

St Matthew 5:19

Ahwagwan dush kabahnahjetoogwan oonoo agahsingin enahkoonegawinun, ewh dush ezhekekenooähmahwaud enewh enenewun, ahpeche noondaush apeetandahgoozid tahezhenekahzoo emuh keche‐kezhegoong oogemahwewening: ahwagwan dush kadezhechegagwan kuhya kadezhekekenooähmahgagwan, kache ahpeetandahgoozid tahezhenekahzoo emuh keche‐kezhegoong oogemahwewening.

St Matthew 7:24

Ahwagwan suh dush nwaunduhmoogwan oonoo nendekedoowinun, azhechegad dush ewh akedoomahguk, nebwahkah‐weneneeng nengahezheähwaäh, kahoozhetood oowegewaum emuh oogedahbik:

I. CORINTHIANUN 15:58

Tuhguh dush, suhyahgeënenuhgoog nejekewaëdoog, aungwahmezik, soongekahbahwik, moonzhug chekeche-ahnookeetuhwag owh Tabaningad, kekekandahnahwah gooshah ahneshah ahnookeetahwahsewag owh Tabaningad.

GALATIANUN 5:6

Emuh suh Jesus Christing kah ningood enahbuttussenoon ewh kekenoowahje‐kishkezhegahzoowin, kuhya ewh kakenoowahje‐kishkezhegahsenook; me atuh dabwayanduhmoowin anookeemahguk chesahgeëwang.

HEBREWUN 11:8

Dabwayanduhmoowin suh kahoonje‐dabwatung Abraham uhpe kahnundoomind chesahgahung cheëzhaud dush emuh uhkeeng nahguj kapuggeduhnuhmoowindebun cheöoduhkeemid; kesahgahum dush ahnuhween goo kekanduhsig tebe wahezhahgoobunan.

JAMES 2:21

Kah nuh ween owh koosenaun Abraham keöonje‐quuhyuk‐ezhewabezeëgoozese oonje ahnookeewinun, uhpe kahsahsahgewenaud enewh oogwissun Isaacun emuh sahsahgewejegun‐ahbikoong?