GENESIS 26:3 - Ottawa New Testament Penteteuch and Psalms 1874

³ Pahbahduhnuhkeen oomah uhkeeng, kegahweejewin dush, kuhya kegahshahwanemin; keen mah, kuhya kenejahnesug kegahmeenenim kuhkenuh oonoo uhkeen, kuhya ningahezhechega ewh kahmushkahwewahweenduhmahwugebun Abraham koosebun;

GENESIS 26:3 Iomraidhean Croise

GENESIS 12:7

Abram dush oogewahbuhmaun Kesha‐Muhnedoon, oo‐oo dush oogeëgoon, Ningahmeenaug kenejahnesug maunduh uhkee: ewede dush oogeöozhetoomahwaun Jehovahun kahwahbuhmahjin ewh sahsahgewejegun‐ahbik.

GENESIS 13:15

Kuhkenuh mah menik wuhyahbunduhmun uhkee, kegahmeenin, kuhya kenejahnesug uhpena kahgenig.

GENESIS 13:17

Puhsegween, shahbooshkun ewh uhkee akoosing kuhya anegookoodasing; kegahmeenin suh goo.

GENESIS 15:18

Me ewh uhpe kezheguk Jehovah kewahweenduhmahwaud Abrahamun, oo‐oo keënaud, Ningemeenaug kenejahnesug maunduh uhkee, oonje Egypt duhzhe seebeeng peenish ewh keche‐sebe Euphrates azhenekahdag.

GENESIS 17:19

Oo‐oo dush keëkedoo Kesha‐Muhnedoo, Sarah kewedegamahgun kagate oogahahyahwaun quewezansun; Isaac dush kegahezhenekahnah: kuhya ningahuhyeenjesittuhmoowah newahweendahmahgawin kahkenig cheähyaung, kuhya oonejahnesun kaähneka‐bemahdezenejin ween keïshquah‐bemahdezid:

GENESIS 17:8

Kegahmeenin dush keen, kuhya kenejahnesug keïshquah‐bemahdezeyun ewh uhkee emuh anduhzhe mahyuggezeyun, anegookwaug Canaan uhkee, chekahgega debanduhmoowaud; kuhya ningahoo‐Kesha‐Muhnedoomigoog.

GENESIS 20:1

Abraham dush kepahbahmahdeze ewede keöonjemahjaud shahwuhnoong duhzhe uhkeeng enuhkuhkayah keëzhaud, keduhnuhkee dush nahwuhyeëe Kadesh kuhya Shur, nahkuhwa dush keduhneze emuh Geraring.

GENESIS 25:11

¶ Kepuhgummeähyah dush kahnebood Abraham Kesha‐Muhnedoo keshahwanemaud oogwissun Isaacun; Isaac dush keduhnuhkee emuh oondahebauning Lahairoi.

GENESIS 26:12

Isaac dush keketega ewede uhkeeng, kuhya ewh nahsaub neebing oogesuhgukkenaun ningoodwauk duching menik: oogeshahwanemegoon dush Jehovahun.

GENESIS 26:14

Oogedebanemaun mah mahnishtahnishun kuhya pezhekewun, kuhya kekeche‐bahtuhyenoowun oobuhmeetahgunun: oogekeshahwanemegoon dush enewh Philistinun.

GENESIS 26:24

Oogewahbuhmaun dush Jehovahun ewh tebekuk, oo‐oo dush keëgood, Ne‐Kesha‐Muhnedoowemik owh Abraham koosebun: kagoo sagezekan, keweejewin mah, kuhya kegahshahwanemin, kuhya ningahmeshenooäug kenejahnesug oonje nebuhmeetahgun Abraham.

GENESIS 28:13

Benuh dush, Jehovah kenebahwe emuh oogejuhyeëe, oo‐oo dush keëkedood, Neen nindow Jehovah oo‐Kesha‐Muhnedoomun Abraham koosebun, kuhya oo‐Kesha‐Muhnedoomun owh Isaac: kegahmeenin ewh uhkee emuh anduhzhe nebahyun, kuhya kenejahnesug ningahmeenaug;

GENESIS 28:15

Benuh dush keweejewin, kuhya kegahguhnuhwanemin tebe azhahwunan, kuhya nayaub kegahpeëzhewenin oomah uhkeeng; kah mah kegahnuhguhnissenoon, peenish kedoodoonaun ewh kahwahweenduhmoonaun.

GENESIS 31:3

Jehovah dush oo‐oo oogeënaun enewh Jacobun, Ezhekewan emuh ooduhkeemewaung koosebuneeg, kuhya kedenuhwamahgunug; kegahuhneweejewin dush.

GENESIS 35:12

Kegahmeenin dush ewh uhkee kahmeenugwah Abraham Kuhya Isaac, kuhya kenejahnesug ningahmeenaug ewh uhkee keïshquah bemahdezeyun.

GENESIS 39:2

Jehovah dush oogeweejewaun Josephun, keshahwandahgooze dush owh enene; kuhya keähyah emuh oowegewaumening enewh oodoogemahmun Egypting duhzhe‐enenewun.

GENESIS 39:21

¶ Jehovah dush oogeweejewaun Josephun, kuhya oogeshahwanemaun, kuhya keënahkoonega cheminwanemegood enewh ganuhwanduhmenejin kebahquahoode‐weguhmig.

GENESIS 48:21

Israel dush oo‐oo oogeënaun Joshephun, Benuh nenib: kegahweejewig dush Kesha‐Muhnedoo, kuhya nayaub kegahezhewenig emuh ooduhkeemewaung egewh koosebuneeg.

GENESIS 50:24

Joseph dush oo‐oo oogeënaun wekahnisun, Newenib suh; ahbetakummig kegahoodissegoowah Kesha‐Muhnedoo, kuhya kegahsahgejewenegoowah oomah uhkeeng cheëzhewenenag dush emuh uhkeeng ewh kahmushkahwe‐wahweenduhmahwaud Abrahamun, kuhya Isaacun, kuhya Jacobun.

PSALMS 105:8

Kahgenig oogemequandaun oowahweendahmahgawin: kuhya ewh ekedoowin kahenaud metauswauk duhching kaähneka‐bemahdezenejin.

PSALMS 105:9

Ewh kahoozhetoomahwaud Abrahamun: kuhya kahwahweenduhmahwaud Isaacun.

PSALMS 32:8

Keen suh kedow nekahzoowin, keen suh keguhnuhwanim cheähnemezesewaun: kegahkewetaushkou enewh bemahjeewawine‐nuhguhmoowinun.

PSALMS 39:12

Uhpe keen naneebikemud enene mujje‐ezhewabezewin oonje, kebahnahjetahmahwah oominwahbuhmenahgoozewin, debishkoo oogahwase azhebahnahjetood ahgwewin: kagate suh koopuddandahgoozewug enenewug.

EXODUS 2:24

Kesha‐Muhnedoo dush oogenoondaun ooketemahgetahgoozewinewah, Kesha‐Muhnedoo dush oogemequandaun kahezhewahweenduhmuhwahpun enewh Abrahamun, Isaacun, kuhya Jacobun.

EXODUS 3:12

Oo‐oo dush keëkedoowun, Ahbedakummig kegahwejewin; medush oo‐oo kekenuhwahjechegun kaöonjekekanduhmun keühnoonenaun: Uhpe kebesahgejewenudwah egewh ahnishenahbag emah Egypting, keguhbuhmeetuhwahwah Kesha‐Muhnedoo oomah wuhjewing.

EXODUS 6:4

Ningeühyeenjesittoon dush kuhya newahweenduhmahgawin wahweenduhmuhwugwah, chemenugwah ewh Canaan duhzhe uhke, ewh uhke emah kebuhbahmahdezewaud, kuhya kahduhzhemuhyuhgezeyaun.

EXODUS 6:7

Kegahoodahpenenim dush cheöodahneshenahbamme enuhgoog, neen dush kuhya ningahdowh ke‐Kesha‐Muhnedoomewah: kegahkekandahnahwah dush neen ahweyaun Jehovah ke‐Kesha‐Muhnedoomewah, suhyahgejewenenag emah anduhzhe‐koodugge‐ühnooketuhwagwah egewh Egyptianug.

EXODUS 6:8

Kegahpeendegunenim dush emah uhkeeng, ewh kahmushkuhwewahweenduhmahgayaumbaun chemeenugwah Abraham, Isaac kuhya Jacob; kegahmenenim dush ewh cheähpeche-tebanduhmag: neen suh nindowh Jehovah.

NUMBERS 23:19

Kahween enenewese Kesha‐Muhnedoo, ewh chekuhkenuhwishkepun; gamuh kuhya kahween oodoogwissemegooseen enenewun, ewh cheähnuhwanindezoopun: keëkedoo nuh, kah nuh dush ewh tahezhechegase? gamuh kuhyakekekedoo nuh, kah nuh dush oogahdebishkoosedooseen?

DEUTERONOMY 1:8

Benuh kegepuhgedenuhmoonim ewh uhke: peendegayook debanduhmook dush ewh uhke Jehovah kahwahweenduhmuhwahpun enewh koosewahbuneen, Abrahamun, Isaacun, kuhya Jacobun chemeenaud kuhya enewh oonejahnisene wahbemahdezenid.

DEUTERONOMY 34:4

Jehovah dush oo‐oo oogeënaun, Me suh oo‐oo uhke kahmushkuhwe‐wahweenduhmuhwugwahbun Abraham, Isaac, kuhya Jacob, oo‐oo keëkedooyaun, Ningahmeenaug ewh kenejahnesug: kedenanemin chewahbunduhmun kishkeenzhigoon uhyooyun, kah dush ween kegahahzhuhwuhoose ewede.

PHILIPPIANUN 4:9

Enewh uhyeëen, kahkekenooähmoonenuhgoogin kuhya kahoodahpenuhmahweyagoon kuhya kahenittahweyagoon kuhya kahwahbunduhmahweyagoon ezhechegayook; kegahweejewegoowah dush owh Kesha‐Muhnedoo mahgewad ewh pezaunewawin.

HEBREWUN 11:9

Dabwayanduhmoowin suh kahoonje‐pahbahkuhbashid emuh wahweendahmahgawine‐uhkeeng, debishkoo mayugguk duhnuhkeewining, emuh puhpuggeewuhyauneguhmigoong keweeje‐kuhbashemaud enewh Isaacun kuhya enewh Jacobun mahmahwe kahdebandahsoonejin ewh nahsaub wahweendahmahgawin:

HEBREWUN 6:17

Keënandum dush ween Kesha‐Muhnedoo nahwuj wahweenga chewahbundahaud enewh dabandahgoozenejin emuh wahweendahmahgawining azheäunjechegahdasenoonig oodenahkoonegawin, oogeühyeenjesetoon keähyood ewh mushkahwe‐kezhwawin.