GENESIS 26:12 - Ottawa New Testament Penteteuch and Psalms 1874

¹² Isaac dush keketega ewede uhkeeng, kuhya ewh nahsaub neebing oogesuhgukkenaun ningoodwauk duching menik: oogeshahwanemegoon dush Jehovahun.

GENESIS 26:12 Iomraidhean Croise

GENESIS 24:1

Abraham dush kekekah, kuhya nebewah keduhsoo‐pepoon‐uhgeze: Jehovah dush oogeshahwanemahbuneen Abrahamun kuhkenuh kahenuhnookeenid.

GENESIS 24:35

Jehovah dush oogekeche‐shahwanemaun nindoogemaumun; kechetwahweze dush owh nindoogemaum; oogemeenegoon suh Jehovahun manishtahnishun, kuhya pezhekewun, kuhya shooneyah, kuhya oozahwah‐shooneyah, kuhya buhmeetahga‐enenewun, kuhya buhmeetahga‐equawun, kuhya paquahwegunenejin, kuhya mamaungeshaün.

GENESIS 25:11

¶ Kepuhgummeähyah dush kahnebood Abraham Kesha‐Muhnedoo keshahwanemaud oogwissun Isaacun; Isaac dush keduhnuhkee emuh oondahebauning Lahairoi.

GENESIS 26:29

Keen kuhnuhga chemujjedoodahwesewaung, debishkoo kahezhemujjedoodahgoosewun, kemenoo‐doodahgooyun atuh, kuhya kemahjenahzhahoogooyun emuh pezaunezewining; noongoom suh keshahwanemig owh Jehovah.

GENESIS 26:3

Pahbahduhnuhkeen oomah uhkeeng, kegahweejewin dush, kuhya kegahshahwanemin; keen mah, kuhya kenejahnesug kegahmeenenim kuhkenuh oonoo uhkeen, kuhya ningahezhechega ewh kahmushkahwewahweenduhmahwugebun Abraham koosebun;

GENESIS 30:30

Punge suh atuh kegeähyahwahbuneeg chebwah tuhgwishenaun, noongoom dush keche‐bahtuhyenoowug kedahyahahmug; kegeshahwanemig kuhya Jehovah pahahkoo tuhgwishenaun: ahneen suh dush uhpe kaöondenuhmoowugwah gagoo egewh ahyahjig emuh neen tebenuhwa newegewauming?

PSALMS 67:6

Me dush uhpe ewh uhkee kakechemekoogemahguk: kuhya Kesha‐Muhnedoo, kenuhwind Kekesha Muhnedoomenaun kegahshahwanemegoonaun.

PSALMS 72:16

Ahnahween goo punge atuh‐menekaun suhswawabenegahdag emuh wahnahkoowewung wahjewh pooch tahbahtuheïnud buhquazhegunush debishkoo azhewabuk emuh Lebanoning: egewh dush wahdatoojig emuh oodanaung tahminwahbuhmenahgoozewug debishkoo muskoosewining oomah uhkeeng.

St Matthew 13:23

Owh suh dush kahsuhswawabenegahzood emuh oonesheshing ewh uhkee, mesuh owh nwaundung ewh ekedoowin, nesittootung edush; mahnewid dush, kuhya natahwuggetood, ahnind ningoodwauk ahwahshema keduhchin, ahnind kuhya ningoodwahswe‐meduhnah, ahnind kuhya nesemeduhnuh.

St Matthew 13:8

Ahnind dush kepungesenene emuh wanesheshing ewh uhkee, kemenewung dush, ahnind ningoodwauk menik ahwahshema keduhchin, ahnind ningoodwahswe‐meduhnuh, ahnind kuhya nesemeduhnuh.

ST. MARK 4:8

Ahnind dush kepungesinoon emuh oonesheshing uhkee, kesahguhkemahgud dush, kuhya kemahjegin, kemekoogin dush, ahnind nesemeduhnuh, ahnind ningoodwahsoo‐meduhnuh, kuhya ahnind ningoodwauk.

I. CORINTHIANUN 3:6

Neen suh ningeketega, Apollos dush keseguhunjega; Kesha‐Muhnedoo dush oogenetuhwuggetoon.