GENESIS 24:3 - Ottawa New Testament Penteteuch and Psalms 1874

³ Kegahenin dush chetuhgoowenud owh Jehovah, wakesha‐muhnedookundung gezhig kuhya uhkee, mushkahwewahween‐dahmahgayun, cheöondenuhmahwahsewud ningwis kawedegamahjin equawun, pazhig enewh oodahnissewaun egewh Canaanitug, ayahjig emuh anduhnuhkeeyaun:

GENESIS 24:3 Iomraidhean Croise

GENESIS 14:19

Kuhya oogeshahwandahgoozeäun oo‐oo keëkedood, Shahwandahgooze Abram bameetahwaud kache‐ishpandahgoozenejin Kesha‐Muhnedoon, dabanduhmenejin gezhig kuhya uhkee.

GENESIS 14:22

Abram dush oo‐oo oogeënaun enewh Sodoming duhzhe keche‐oogemaun, Ningeöombeninjetuhwah owh Jehovah, mahyahmahwe‐ishpandahgoozid Kesha‐Muhnedoo, dabandung gezhig kuhya uhkee.

GENESIS 21:23

Noongoom suh dush wahweenduhmooweshin oomah tuhgoo‐weenud Kesha‐Muhnedoo wekuhkenuhwishketuhwesewun neen, kuhya ningwis oogwissun: debishkoo atuh anandahgwuk neshahwanjegawin kahezheshahwanemenaun, mesuh kadoodahweyun, kuhya ewh uhke emah kahduhzhenuhkahwa‐duhnuhkeeyun.

GENESIS 24:7

¶ Owh Jehovah wakesha‐Muhnedookundung gezhig, kahsahgecheweezhid emuh noosebun oowegewauming, kuhya anduhnuhkewaud nindenuhwamahgunug, kahkuhnoozhid kuhya kahmushkahwe‐wahweenduhmahwid kuhya oo‐oo keëzhid, ningahmeenaug kenejahnesug maunduh uhkee, oogahezhenahzhahwaun enewh oodangenemun chenegahnenid emah kaneëzhahyun, ewede dush kegahoondenah ningwis kawedegamahjin.

GENESIS 27:46

Rebekah dush oo‐oo ogeënaun Isaacun, Nezhegahdandaun nebemahdezewin oonje oodahnissun owh Heth; kishpin Jacob wedegamaud pazhig Heth oodahnissun, azhewabezenejin debishkoo azhewabezewaud egewh wadahnesemindjig oomuh uhkeeng, ahneen kaënahbuduk nimbemahdezewin?

GENESIS 28:1

Isaac dush oogenundoomaun Jacobun, kuhya oogeshahwanemaun, kuhya oogeäungwahmemaun, oo‐oo keënaud, Kahween kegahweedegamahse pazhig egewh wadahnesemindjig emuh Canaaning.

GENESIS 28:8

Esau uhpe wuhyahbundung egewh wadahnesemindjig emuh Canaaning minwanemegoosigwah enewh oosun Isaacun;

GENESIS 34:9

Umba dush enahkoonegadah cheweedegandewaud kenejahnesenahnig, meezheshenaum kedahnisewaug, kuhya kenuhwah oodahpenik nindahnisenahnig.

GENESIS 38:2

Judah dush oogewahbuhmaun emuh pazhig oodaunene pazhig Canaanïtun, Shuah azhenekahzoonejin, oogeöodahpenaun dush kuhya oogewepamaun.

GENESIS 47:31

Oo‐oo dush oogeëgoon Jacobun, Mushkahwe‐wahweenduhmahweshin. Oogemushkahwe‐wahweenduhmahwaun dush. Israel dush keshahgushketah emuh oogïjuhyeëwung ewh nebahgun.

GENESIS 50:25

Joseph dush oogekahgaunzoomaun enewh Israel oonejahnesun chemushkahwe‐wahweenduhmahgood, oo‐oo keënaud, Ahbetakummig kegahoodissegoowah Kesha‐Muhnedoo, oomah dush kegahoonje‐mahjetoonahwah nekunun.

GENESIS 6:2

Egewh wagwissemegoojig Kesha‐Muhnedoon oogewahbuhmahwaun enewh wadahnesemegoonejin enenewun chequuhnaujewenid; kuhya oogewedegamahwaun kuhkenuh kahminwanemahwahjin.

GENESIS 6:4

Keähyahwug dush mesahbag emuh uhkeeng ewh uhpe; bahmah dush uhpe egewh wagwissemegoojig Kesha Muhnedoon kahweedegamahwaud enewh wadahnesemegoonejin enenewun, kuhya kahnegetahmahgoowaud ahbenoojeün, egewh ahbenooojeyug kenetahwugewug chekeche‐mushkahwezewaud kata‐ahnishenahbag, kekeche‐kekandahgoozewug dush.

PSALMS 115:15

Keshahwanemegoowah Jehovah owh wazhetood kezhig kuhya uhkee.

PSALMS 136:26

Mahmooyahwahmik kezhigoong duhzhe Kesha‐Muhnedoo: kahgenig mah ahyahmahgudene ooshahwanjegawin.

EXODUS 20:7

Kahween wuhnishquauch kegahwahweendunseen oodezhenekahzoowin Jehovah ke‐Kesha‐Muhnedoom; Jehovah mah kahween oogahmenwanemahseen enewh wuhnishquauch kawahweenduhmenid oodezhenekahzoowin.

EXODUS 22:11

Me suh nuhyanzh chemushkuhwe‐kekedoowaud wahweenahwaud enewh Jehovahun, ewh keöodahpenuhmuhwahsig enewh weejduhnuhkewamahgunun ooduhwuhkahnene; owh dush dabanenaud enewh oogahoodahpenuhmuhwaun ewh, kahween dush oogahtebuhuhmahgooseen.

EXODUS 23:13

Emah dush menik kahuhyenenuhgoog aungwahmezeyook: kagoo dush wahweendunkan oodezhenekahzoowinewah egewh bakahnezejig muhnedoog, kagoo kuhya kedooning ewh tahoonjenoondunseem.

EXODUS 34:16

Kuhya cheöodahpenuhmuhwahsewudwah oodaunewaun kegwissun oonje, enewh dush oodaunewaun peshegwahdezewining uhyindooduhwahnid enewh oomuhnedoomewaun, chekushkeähsenig kegwissun peshegwahdezewining cheühyindooduhwahnid enewh oomuhnedoomewaun.

LEVITICUS 19:12

¶ Kah dush kegahkuhkenuhwishkeseem tuhgooweenduhmag nindezhenekahzoowin, kah dush kegahweenetoosenahwah ke‐Kesha‐Muhnedoomewah oodezhenekahzoowin: Neen nindow Jehovah.

NUMBERS 5:21

Me dush owh sahsahgewejega‐wenene chekuhgaunzoomaud enewh equawun cheëkedoonid ewh nahneboondewine-mushkuhwewahweenduhmahgawin, owh dush sahsahgewejega‐wenene oo‐oo oogahenaun enewh equawun, Owh Jehovah kegahezheïg chekuhgwahnesuhganemikwah kuhya chemujje-duhzhemikwah keejuhneshenahbag, uhpe Jehovah enandung kebwaum chepegishkuhnuk, kuhya kemesud chebahgesing:

I. CORINTHIANUN 7:39

Owh equa tebandahgooze oonje ewh tebahkoonegawin, menik kabemahdezenid oonahbamun; kishpin dush neboonid enewh oonahbamun, puggedenegahzoo cheweedegamaud enewh wahweedegamahjin; emuh atuh oodezhetwahwining owh Tabanemenung.

DEUTERONOMY 10:20

Kegahkoosah Jehovah keKesha‐Muhnedoom; me owh kabuhmetahwud, me ewh kuhya owh kaminjemenud, oodezhenekahzoowin kuhya kaweenduhmun uhpe wahmushkuhwekeezhwayunin.

DEUTERONOMY 6:13

Kegahkoosah suh Jehovah ke‐Kesha‐Muhnedoom, kuhya kegahbuhmetuhwah, kuhya kegahmushkuhwe‐keezhwa oodenoozoowin uhyooyun.

HEBREWUN 6:16

Enenewug suh ooduhgoo‐wahweenahwaun nahwuj ashpandahgoozenejin uhpe mashkahwe‐kezhwawahjin: uhpe dush kahmushkahwe‐kezhwawahjin me suh uhpe ishquah‐ahgoonwatahding cheöonje‐dabwatuhming.