GENESIS 24:2 - Ottawa New Testament Penteteuch and Psalms 1874

² Abraham dush oo‐oo oogeënaun enewh sasekezenejin oobuhmeetahgunun emuh oowegewauming, enewh wagemahkunduhmenejin kuhkenuh oodahyeëemun, ahtuhmahweshin keneenj emuh ahnaum‐nebwauming, kepahgoosanemin:

GENESIS 24:2 Iomraidhean Croise

GENESIS 15:2

Abram dush oo‐oo keëkedoo, Jehovah Kasha‐Muhnedooweyun, wagoonash kameezheyun, oonje oonejahnesesewaun, kuhya owh ganuhwandung newegewaum me suh mahbuh Eliziezer Damascusing duhzhe wenene?

GENESIS 24:34

Oo‐oo dush keëkedoo, Nindoobuhmeetahgunemik suh Abraham.

GENESIS 24:37

Ningeënahkoonig dush nindoogemaum chemushkahwe‐wahweenduhmahwug, oo‐oo keëzhid, Kahween kegahoodah penuhmahwahse ningwis kawedegamahjin pazhig oodahnissewaun egewh Canaanitug, wadukeemejig oomah anduhnuhkeyaun.

GENESIS 44:1

Oogeguhnoonaun dush enewh ganuhwanduhmenejin oowegewaum, oo‐oo keënaud, Mooshkenuhtuhmowh egewh enenewug oomushkemoodahwaung ewh meejim menik kakushkoonduhmoowaud, kuhya ahtoon anduhchewaud ooshooneyahmewaun emuh oomushkemoodahwaung.

GENESIS 47:29

Gagah dush zhegwuh keöojechesane uhpe chenebood Israel: oogenundoomaun dush oogwissun Josephun, oo‐oo dush keënaud, Kishpin kahmekahmoowaunan minwandahgoozewin emuh anahsuhmeyun, ahtoon keneenj, kepahgoosanemin, emuh ahnaumeë nebwauming kuhya shahwanemeshin kuhya dabwatuhweshin; kagoo puggedanemeshekan emuh Egypting kepahgoosanemin:

GENESIS 47:31

Oo‐oo dush oogeëgoon Jacobun, Mushkahwe‐wahweenduhmahweshin. Oogemushkahwe‐wahweenduhmahwaun dush. Israel dush keshahgushketah emuh oogïjuhyeëwung ewh nebahgun.

I. TIMOTHEUSUN 5:17

Mahnoo egewh katezejig manoo‐oogemahkundahgajig nahwuj tahkechetwahwanemahwug, mamwach egewh anookeetungig ewh ekedoowin kuhya kekenooähmahgawin.