GENESIS 24:10 - Ottawa New Testament Penteteuch and Psalms 1874

¹⁰ ¶ Owh dush buhmeetahga wenene oogeöodahpenaun metauswe paquahwegunenejin oodoogemahmun ooduhwahkaunene, keühnemahjah dush; ween mah oogeguhnuhwandaunun kuhkenuh oodoogemahmun ooduhyeëemene: kepuhsegwe dush, keëzhaud Mesopotamiaïng, ewede oodanaung Nahor kahduhzheöodatood.

GENESIS 24:10 Iomraidhean Croise

GENESIS 11:26

Terah dush keneezhwahsemeduhnuh‐duhsoo‐pepoon‐uhgeze, kuhya oogeöogwissenun Abramun, kuhya Nahorun, kuhya Haranun.

GENESIS 11:29

Abram dush kuhya Nahor oogeöodahpenahwaun equawun: Sarai keëzhenekahzoowun Abram oowedegamahgunun; kuhya Milcah keëezhenekahzoowun Nahor oowedegahmahgunun, oodahnun owh Haran, oosun ewh Milcah, kuhya oosun owh Iscah.

GENESIS 11:31

Terah dush oogeöodahpenaun enewh oogwissun Abramun, kuhya Lotun oozheshayun, kuhya Sarai oosemeen, oogwissun Abram oowedegamahgunene; kesahguhumoog dush emuh Uring ewh Chaldeeüg ooduhkemewah Canaaning duhzhe uhkeeng weëzhahwaud, kepeëzhahwug dush ewede Haraning, keduhnuhkeewug dush emuh.

GENESIS 11:32

Kuhkenuh dush ookezhegudoomun owh Terah menik kahbemahdezid mesuh neezhwauk duhsoopepoon ahshe nahnun; emuh dush Haraning keduhpena Terah.

GENESIS 22:20

¶ Kepuhgummeähyahmahgud dush kahishquahahyaug oonoo, keweenduhmahwah Abraham, oo‐oo keënind, Benuh Milcah, kuhya ween oogenegetuhmahwaun ahbenoojeün enewh Nahorun kekahnisun:

GENESIS 24:2

Abraham dush oo‐oo oogeënaun enewh sasekezenejin oobuhmeetahgunun emuh oowegewauming, enewh wagemahkunduhmenejin kuhkenuh oodahyeëemun, ahtuhmahweshin keneenj emuh ahnaum‐nebwauming, kepahgoosanemin:

GENESIS 24:22

Kepuhgummeähyahmahgud edush uhpe kahishquah‐menequawaud egewh paquahwegungig, owh enene oogeöodahpenaun oozahwah‐shooneyah nahbeshabezoon ahbetah‐wahbik apeetenegwuk, kuhya neezh ahnaunun kaühyoonid emuh ooneenjeening metauswahbik apetenegwuk oozahwah shooneyah;

GENESIS 24:53

Owh dush buhmeetahgun oogekedenaunun quuhnauj shooneyah‐uhyeëen, kuhya oozahwah‐shooneyah uhyeëen, kuhya ahgwewin, oogemeenaun dush Rebekahun: kuhya dush oogemeenaun oodahwamaune kuhya oogeene kache‐ahpetandahgwukkin uhyeëen.

GENESIS 27:43

Umba suhnoo, ningwissa, bezindun nindekedoowin: kuhya puhsegween, ezhenezhemoon ewede Haraning anduhnuhkeed Laban nindahwamah;

GENESIS 29:1

Me dush Jacob keühnemahjaud, ketuhgwishin dush emuh ooduhkeemewaung egewh wahbunoong duhzhe anishenahbag.

GENESIS 29:2

Keënahbe dush, benuh dush oondahebaun emuh ketegauning, benuh dush nesing keshingeshinoon mahnishtahnishun emuh; oondahebauning mah oogeöonjemeenahahwaun nebe enewh mahnishtahnishun: keche ahsin dush keähbe emuh oogijuhyeëe oondahebauning.

OODEZHECHEGAWINEWAH 2:9

Parthia‐wenenewug, kuhya Medug, kuhya Elamitug, kuhya egewh anduhnuhkeejig emuh Mesopotamiaïng, kuhya emuh Judæaïng, kuhya Capadociaïng, kuhya Pontusing, kuhya Asiaïng.

DEUTERONOMY 23:4

Kah mah kegemenegoosewaug buhquazhegun kuhya nebe uhpe naquashkoonagwah emah meekunaung, uhpe Egypting wanjesahguhuhmag; oogeühnoonahwaun kuhya Balaamun oogwissun owh Beor Pethoring kahduhnuhkeed ewede Mesopotamiaïng, chenahneboomenenag.