GENESIS 23:2 - Ottawa New Testament Penteteuch and Psalms 1874

² Sarah dush keduhpena emuh Kirjath‐Arbaing; mesuh ewh Hebron ahyahwung emuh Canaan uhkeeng: Abraham dush keëzhah chenuhneenuhwandung oonje Sarah, kuhya chemuhwemaud.

GENESIS 23:2 Iomraidhean Croise

GENESIS 13:18

Kekooze dush Abram, kuhya kekuhbashe emuh Mamreïng duhzhe mushkootang ewede Hebroning ayaug, ewede dush oogeöozhetoomahwaun Jehovahun ewh sahsahgewejegun‐ahbik.

GENESIS 23:1

Sarah dush keningoodwauk duhsoo‐pepoon‐uhgeze ahshe neezhtuhnuh ahshe neezhwahswe; me suh oo‐oo menik kahbemahdezid Sarah.

GENESIS 23:19

Kahishquah‐ahyahnig dush oonoo uhyeëen, Abraham oogepuggedanemaun Sarahun wahdegamahpuneen emuh waumbahbekahnig emuh Machpelahing duhzhe ketegauning debishkoo Mamreïng anduhgoog: me suh ewh Hebron emuh Canaan duhzhe uhkeeng anduhgoog.

GENESIS 24:67

Isaac dush oogepeendigahnaun Rebekahun emuh oowegwaumening oogeebuneen Sarahun, oogeöodahpenaun dush Rebekahun, kewedegamaud dush enewh; oogesahgeäun dush: Isaac dush kemenoodaäah kekushkandungebun oonje oogeebuneen.

GENESIS 27:41

¶ Esau dush oogesheenganemaun Jacobun oonje ewh shahwandahgoozewin kahshahwanemegood enewh oosun: Esau dush oo‐oo keëkedoo emuh oodaïng, Gagah zhuhyegwah tahdebishkoosa uhpe kamuhwemind noos; mesuh ewh uhpe kanesug nekahnis Jacob.

GENESIS 35:27

¶ Jacob dush oogenaunzekahwaun oosun Isaacun ewede Mamreing, ewh oodanuh Arbah azhenekahdag, mesuh ewh Hebron azhenekahdag, kahduhnuhkeewaud Abraham kuhya Isaac.

GENESIS 37:14

Oo‐oo dush oogeënaun, Ezhaun kepahgoosanemin, uhwekekanim chemenoo‐bemahdezewahgwan kekahnesug, kuhya egewh mahnishtahnishug; peweenduhmooweshekun dush. Mesuh kemahjaud Joseph oonje emuh pahsuddenaug Hebroning, ketuhgwishin dush emuh Shecheming.

GENESIS 50:1

Joseph dush kepungeshin emuh oosun oodangwuhyening, kuhya kemuhwe emuh oodangwuhyening, kuhya ooogeöo-jeemaun.

GENESIS 50:10

Ketuhgwishinoog dush emuh Atad oopuggunduhega‐weguhmigoong, ahgahmeseebee Jordan, kekeche‐muhwewug dush ewede: neezhwahsoogoon dush oogemuhwemaun oosun.

NUMBERS 13:22

Keähmuhjewawug dush shahwunoong enuhkuhkayah, keduhgwishenoog dush Hebroning; emuh kahduhzhe uhyahwaud Ahiman, Shoskai, kuhya Talmai, oonejahnesun owh Anak. (Ewh suh Hebron keöozhechegahda neenzhwahsoopepoon chebwah oozhechegahdag Zoan emuh Egypting.)

NUMBERS 20:29

Uhpe dush kuhkenuh egewh muhyahwunjeëdejig kahwahbunduhmoowaud Aaronun keneboonid, oogemuhwemahwaun Aaronun nesemeduhnuh dussoogoon, andussoodawezid suh goo Israel.

ST. JOHN 11:31

Egewh dush Jewyug kahweeduhbemahjig emuh wegewauming, kemenoodaähwaud dush, wuhyahbuhmahwaud enewh Maryun waweeb kepuhsegwenid, kesahguhumenid dush, oogenoopenuhnahwaun, oo‐oo keëkedoowaud, Ezhah suh ewede chebaguhmigoong cheduhzhe‐mahwid emuh.

ST. JOHN 11:35

Jesus kemahwe.

OODEZHECHEGAWINEWAH 8:2

Ahnind dush manoo‐ahnuhmeähjig oogemahjewenahwaun enewh Stephenun, oogekeche‐mahwemahwaun dush.

DEUTERONOMY 34:8

¶ Israel dush oonejahnesun oogemuhwemahwaun enewh Mosesun emuh Moab mushkoodang nesemeduhnuh dussoogoon: me suh keïshquahsagin enewh kezhigudoon kemuhwemind owh Moses.