GENESIS 23:16 - Ottawa New Testament Penteteuch and Psalms 1874

¹⁶ Abraham dush oogebezinduhwaun enewh Ephronun; Abraham dush oogetebahbishkooduhmoowaun Ephronun enewh shooneyaun, kahweënahpuneen kenoonduhmenid oonejahnesun owh Heth, newauk duswahbik shooneyaun, ewh tabahahmahganid ahtahwa‐wenenewun.

GENESIS 23:16 Iomraidhean Croise

GENESIS 23:15

Nindoogemaum bezinduhweshin; newauk duswahbik shooneyah ahpetandahgwud ewh uhkee; wagoonan suh ewh menik kaöonjepahbahmanduhmung keen kuhya neen? puggedanim suh kewedegamahgunebun.

GENESIS 43:21

Anekewayung dush uhpe tagwishenaung emuh ahshunde‐weguhmigoong, ningebahkenahnahnin nemushkemoodahnahnin, ningemekahwahnaun dush neshooneyahmenaun anduhcheyaung emuh nemushkemoodahnaung, menik anduhchepun: nayaub dush ningepeenahnaun emuh neneenjenaung.

GENESIS 49:29

Oogekuhgaunzoomegoowaun dush, oo‐oo keëgoowaud, Zhuhyegwah suh nindezhahnug nindahnishenahbamug: puhgedanemeshig emuh kepuhgedanemindwah noosebuneeg emuh weembahbikaug emuh ooduhkeenseming owh Ephron owh Hittite,

GENESIS 50:13

Oogeëzhewenegoon mah oogwissun emuh Canaaning, kuhya oogepuggedanemegoon emuh waumbahbikaug Machpelah uhkeeng, ewh chebaguhmig kuhya uhkeens Abraham kahkishpinuhtahwaud Ephronun enewh Hittiteun, anahsuhmeäyaug Mamre atag chedebandung chebagummig.

EXODUS 30:13

Me suh oo‐oo kameegewawaud, anduhchewaud egewh ageminjig, papazhig ahbetuh shekel, me owh shekel tabuhegang awind emah kechetwah‐wegewauming: (owh shekel neeshtuhnuh gerahug uhpetandandahgooze:) ahbetuh shekel suh tahpuhgedenuhmuhwah Jehovah.

St Matthew 7:12

Kuhkenuh enewh nanduhwanduhmagoon chedoodoonagwah egewh enenewug, me nahsaub kuhya kenuhwah kadoodahwagwah: me gooshah maunduh ahyahwung tebahkoonegawin kuhya aunwahjegawinun.

OODEZHECHEGAWINEWAH 7:16

Keëzheweenahwug dush ewede Sycheming, keningwahwahwug emuh chebaguhmigoong kahkishpenuhtahwaud owh Abraham enewh oogwissun owh Emmor oosun owh Sychem shooneäun kemeenaud.

ROMANUN 13:8

Kagoo ahweyah gagoo muhzenuhahmahwahkagoon, me atuh chesahgeëdeyag; owh muh suhyahgeäud enewh pakahnezenejin oogetaguhnuhwandaun tebahkoonegawin.

PHILIPPIANUN 4:8

Ishquauj, nejekewaëdoog, wagoodoogwanun enewh uhyeëen duhyabwamahgukkin, wagoodoogwanun enewh uhyeëen quuhyuk‐azhewabukkin, wagoodoogwanun enewh uhyeëen manwandahgwukkin, wagoodoogwanun enewh uhyeëen pahnukkin, wagoodoogwanun enewh uhyeëen manwahbuhmenahgwukkin, wagoodoogwanun enewh uhyeëen manoo‐duhzhinjegahdagin; kishpin duhgoomahgudoogwan menoo‐ezhewabezewin, kishpin duhgoomahgudoogwan wahwezhanduhmoowin, me suh enewh kanuhnahgahdahwanduhmag.

THESSALONIANUN 4:6

Ahweyah emuh oo‐oo uhyeëeng chemujje‐doodahwahsig kuhya chewahyazhemahsig enewh wejekewaün: ween muh Kesha‐Muhnedoo ahzhittah kooduggeëwa oonoo uhyeëen oonje, debishkoo kezhah kahezhewahweendahmahgooyag kuhya kahezhedebahjemootahgooyag.