GENESIS 22:9 - Ottawa New Testament Penteteuch and Psalms 1874

⁹ Ketuhgwishenoog dush ewede kahwahweenduhmahgood Kesha‐Muhhedoon; Abraham dush oogeöozhetoon sahsahgewejegun‐ahbik emuh, oogeëogwissetoonun dush wawane missun, kuhya oogetuhkoobenaun Isaacun oogwissun, kuhya oogeähsaun emuh sahsahgewejegun‐ahbikoong emuh oogij-misheeng.

GENESIS 22:9 Iomraidhean Croise

GENESIS 12:7

Abram dush oogewahbuhmaun Kesha‐Muhnedoon, oo‐oo dush oogeëgoon, Ningahmeenaug kenejahnesug maunduh uhkee: ewede dush oogeöozhetoomahwaun Jehovahun kahwahbuhmahjin ewh sahsahgewejegun‐ahbik.

GENESIS 12:8

Ewede dush keöonjekooze keëzhaud edush emuh wahjewing wahbunoong enuhkuhkayah oonje Betheling, kekuhbashe dush, Bethel dush apungishemoog keduhgoomahgudene, kuhya Ai wahbunoong keähyahmahgudene: me dush emuh keöozhetoomahwaud Jehovahun ewh sahsahgewejegun‐ahbik, kuhya oogenuhnaundoomaun Jehovahun.

GENESIS 13:18

Kekooze dush Abram, kuhya kekuhbashe emuh Mamreïng duhzhe mushkootang ewede Hebroning ayaug, ewede dush oogeöozhetoomahwaun Jehovahun ewh sahsahgewejegun‐ahbik.

GENESIS 22:10

Abraham dush keshebenikane kuhya oogetuhkoonaun ewh mookoomaun chenesaud enewh oogwissun.

GENESIS 22:8

Abraham dush oo‐oo keëkedoo, Ningwissa, Kesha‐Muhnedoo tahoondenuhmahzoo mahnishtahnisheensun kachahgeda puggedenemind; medush nuhyazh keühneweejindewaud.

GENESIS 8:20

¶ Noah dush oogeöozhetuhmahwaun sahsahgewejegun‐ahbik enewh Jehovahun; kuhya anduhchenid pahnezenejin ahwaseyun, kuhya anduhchenid pahnezenejin penashewun, oogeöodahpenaun ahnind, kuhya oogepuggedenahmahwaun chahyahgedagin sahsahgewejegunun enewh Jehovahun.

PSALMS 118:27

Mushkahweze Jehovah kegemeenegoonaun dush wahsayahzewin: tahkoobenik owh ahwahkaun pagedenegahzood enewh ahsubaubeensun emuh wadashkunewung sahsahgewejegunahbik.

St Matthew 27:2

Uhpe dush kahminjemahpenahwaud, oogemahjewenahwaun, keähwepuggedenahmuhwahwaud enewh oogemaun Pontius Pilateün.

ST. MARK 15:1

Kazhetena dush kakezhabahwahguk, egewh keche‐sahsahgewejega‐wenenewug kekahkedoowug keweedookahgoowaud enewh katezenejin kuhya oozhebeëga‐wenenewun kuhya kuhkenuh enewh tebahkoonega‐wenenewun, oogeminjemahpenahwaun dush enewh Jesusun, kuhya kemahjewenahwaud, kuhya keühnepuggedenahmahwahwaud enewh Pilateün.

OODEZHECHEGAWINEWAH 8:32

Ewh oozhebeëgawin kahahgindung mesuh oo‐oo akedoomahguk, Keëzheweenah emuh kaduhzhe‐nesind debishkoo mahnishtahnishing; kuhya debishkoo azhemussit-tahgoozesig mahnishtahnisheens anuhsuhmenid enewh mwauzhwahegoojin mesuh kahezhetahwunesig:

GALATIANUN 3:13

Christ suh kegebemahjeëgoomin chenahneboomegoosewung ewh tebahkoonegawin, ween kenahneboomind kenuhwind oonje: ezhebeëgahda muh, nahneboomahwug kuhkenuh emuh metigoong kaähgoonindjig:

EPHESIANUN 5:2

Kuhya bemoosayook emuh sahgeëdewining, debishkoo kahezhesahgeënung Christ, kuhya kepuhgedenedezood kenuhwind oonje, kemeegewad weyow wanesheshing tebundoowin, kuhya sahsahgewejegun Kesha‐Muhnedoo kaminwandung.

HEBREWUN 9:28

Me suh nahsaub owh Christ ahbeting kepuggedenegahzoo chepemoonduhmoowaud nebewah bamahdezenejin oomujje‐ezhewabezewinene; egewh dush nanduhwahbuhmahjig, menuhwah ahbeting oogahwahbahmahwaun penahgoozenid pemoonduhsenig mujje‐ezhewabezewin cheöonje‐shahwandahgoozing.

JAMES 2:21

Kah nuh ween owh koosenaun Abraham keöonje‐quuhyuk‐ezhewabezeëgoozese oonje ahnookeewinun, uhpe kahsahsahgewenaud enewh oogwissun Isaacun emuh sahsahgewejegun‐ahbikoong?

I. PETER 2:24

Owh ween egoo kahpemoondung kemujje‐ezhewabezewinenahnin emuh tebenuhwa weyowing peenish metikoong keduhpenad, kenuhwind chewabenuhmung mujje‐ezhewabezewinun, cheëzhebemahdezeyung dush emuh quuhyuk‐ezhewabezewining: ween dush oodahahpissahbahwawinun kegeöonje‐noojemoom kenuhwah.