GENESIS 22:7 - Ottawa New Testament Penteteuch and Psalms 1874

⁷ Isaac dush oogeguhnoonaun enewh oosun Abrahamun, oo‐oo dush keënaud, Noosa; oo‐oo dush keëkedoowun, Benuh, oomah nindahyah, ningwissa. Oo‐oo dush keëkedoo, Benuh ewh ishkoota kuhya enewh missun: ahneende dush ween owh mahnishtahnisheens kachahgezoond uhpe puggedenegayung?

GENESIS 22:7 Iomraidhean Croise

GENESIS 22:8

Abraham dush oo‐oo keëkedoo, Ningwissa, Kesha‐Muhnedoo tahoondenuhmahzoo mahnishtahnisheensun kachahgeda puggedenemind; medush nuhyazh keühneweejindewaud.

GENESIS 8:20

¶ Noah dush oogeöozhetuhmahwaun sahsahgewejegun‐ahbik enewh Jehovahun; kuhya anduhchenid pahnezenejin ahwaseyun, kuhya anduhchenid pahnezenejin penashewun, oogeöodahpenaun ahnind, kuhya oogepuggedenahmahwaun chahyahgedagin sahsahgewejegunun enewh Jehovahun.

EXODUS 12:3

¶ Guhnoonik kuhkenuh egewh muhyahwunjeëdejig Israelitug, oo‐oo dush enik, uhpe medahsoogoonuhgezid wuhowh kezis agoojing, papazhig tahoodahpenuhmahzoowug pazhig mahnishtahnesheensun, ayinoodawezewaud egoo, pazhig mahnishtahnesheens, me pazhig wegewaum:

EXODUS 29:38

¶ Me suh oo‐oo kasahsahgewejegayun emah sahsahgewejegun‐ahbikoong; heenzh mahnishtahnisheensug nangoo beboon-uhgezejig anduhsookezhiguk kahgenig.

St Matthew 26:39

Menuhwah ahwahshemashish keëzhah, keoojecheengwasad, keahnuhmeäud, oo‐oo keëkedood, Noosa, keshpin enandahgwuk, mahnoo ningahkuhbekahgoon maunduh mene quahjegun: Kah nindahwah neen ananduhmaun tahezhe wabussenoon, keen suh atuh ananduhmun.

St Matthew 26:42

Menuhwah kemahjaud, me goo ewh neezhing keähnuhmeäud, oo‐oo dush keëkedood, Noosa, keshpin enandahgwussenook chekuhbekahgooyaun maunduh menequahjegun pwah‐menequayaun, mahnoo keen ananduhmun tahezhewabud.

ST. JOHN 1:29

Wuhyahbunenig dush John oowahbuhmaun enewh Jesusun petahsuhmoosanid, oo‐oo dush ekedoo, Wahbuhmik owh Kesha‐Muhnedoo oomahnishtahnisheensemun, owh akoonuhmahwaud oomujjeëzhewabezewinene enewh akewenejin.

ST. JOHN 1:36

Wuhyahbuhmaud dush Jesusun bemoosanid, oo‐oo ekedoo, Benuh, Kesha‐Muhnedoo Oomahnishtahnisheensemun!

ST. JOHN 18:11

Jesus dush oo‐oo oogeënaun enewh Peterun, Peendahun ewh kedahzhahwashkoom emuh peenduhoojeguning, kah nuh ween ningahmenequaseen ewh menequahjegun kahmeezhid owh Noos.

ROMANUN 8:15

Kahween dush kegeöodahpenahsewah owh buhmeetahgawine‐oojechaugoomah menuhwah chesagezeyag; kegeöodahpenahwah suh atuh oogwissewine‐oojechaugoomah, wanje‐enung Kesha‐Muhnedoo anuhmeätuhwungoon, Abba, Noosa.

REVELATION 13:8

Kuhkenuh dush egewh anduhnuhkeejig emuh uhkeeng oogahoojecheengwuhnetahwahwaun, menik anduhshewaud wazhebeëgahdasenenig oodezhenekahzoowinewaun emuh oobemahdezewine‐muzzenuheguning owh Mahnishtahnisheens kahnesind oonje kahmahje‐oozhetoong ewh uhkee.