GENESIS 21:9 - Ottawa New Testament Penteteuch and Psalms 1874

⁹ ¶ Sarah dush oogewahbuhmaun oogwissun Hagar owh Egypting duhzhe equa kahnegetuhmahwahjin Abrahamun, bahpenoodahganid.

GENESIS 21:9 Iomraidhean Croise

GENESIS 16:1

Sarai dush Abram oowedegamahgunun kahween oogenegetuhmahwahseen Abramun enewh ahbenoojeün: oogeähyahwaun dush buhmeetahgunequan, Egypting duhzhe equan, Hagar azhenekahzoonejin.

GENESIS 16:15

¶ Hagar dush oogenegetuhmahwaun Abramun quewezansun: Ishmael dush oogeëzhenekahnaun owh Abram enewh oogwissun, Hagar kahnegeähjin.

GENESIS 17:20

Keduhzhemud dush ween Ishmael kegebezindoon: Benuh, ningeshahwanemah, kuhya ningahmeshenooäh, cheähpeche‐bahtuhyenid; oogahoonejahnesenun metauswe ahshe neezh oogemaun, kuhya ningahenahkoonah kachetwahwezenid ahnishenahban cheöonejahnesid.

GENESIS 21:8

Kemahjege dush owh ahbenooje, kuhya keïshquahnoonah: Abraham dush oogeöozhetoon keche‐wekoongawin ewh kezheguk uhpe ashquah‐noonind Isaac.

PSALMS 22:6

Muhnedoonshish nindow kahween nindenenewese, nekekahmegoog edush egewh enenewug: nebahpeëgoog egewh ahnishenabbag.

PSALMS 42:10

Kahzhegukkin Jehovah oogemeegewan ooshahwanjegawin: tabekukkin dush ningenuhguhmootuhwah kuhya ningeähnuhmeätuhwah owh Kesha‐Muhnedoo dabandung nebemahdezewin.

GALATIANUN 4:22

Ezhebeëgahda muh, Abraham keneezhenid oogwissun, pazhik buhmeetahgun‐equang keöonje‐neegewun, pazhik dush oowedegamahguning.

GALATIANUN 4:29

Me dush goo nahsaub kahezhewabukebun, owh weyausemaung kahoonje‐neegid kekooduggeäud enewh oojechaugoomaung kahoonje‐neegenejin, me begoo azhewabuk noongoom.

HEBREWUN 11:36

Ahnind dush oogekekandahnahwah neshebahpenuhdahgoowinun, kuhya puhzhunzhaöogoowinun, kuhya minjemahpenegoowinun, kuhya kebahquahoogoowin: