GENESIS 20:9 - Ottawa New Testament Penteteuch and Psalms 1874

⁹ Abimelech dush oogenundoomaun Abrahamun, oo‐oo keënaud, Wagoonan ewh kahdoodahweyaung? ahneen kuhya kahezhemujje‐doodoonaun kepetuhmahweyun neen kuhya nindahnishenahbamug maunduh keche‐mujje‐ezhewabezewin, kegedoodowh suh ewh kadezhechegasewumbun.

GENESIS 20:9 Iomraidhean Croise

GENESIS 12:18

Pharaoh dush oogemindoomaun Abramun, oo‐oo dush keënaud, Wagoonash suh oo‐oo kahdoodahweyun? ahnishween keweenduhmahwesewun kewedegamahgun ahwegoobunan?

GENESIS 20:10

Abimelech dush oo‐oo oogeënaun enewh Abrahamun, Wagoonash kahwahbunduhmun kahoonjeëzhechegayun oo‐oo?

GENESIS 20:8

Kekezhab dush keöonishkah Abimelech, kuhya oogenundoomaun kuhkenuh enewh oobuhmeetahgunun, oogewahweenduhmahwaun dush kuhkenuh oonoo uhyeëen emuh ootahwugahning; kekeche‐sagezewug dush egewh enenewug.

GENESIS 26:10

Abimelech dush oo‐oo keëkedoo, Wagoonash suh oo‐oo kahdoodahweyaung? wanepuzh kewedegamahgun oodahgewepamegoon pazhig enewh ahnishenahban, keen dush kedahgepeetuhwemin ewh mujje‐ezhewabezewin.

GENESIS 29:25

Kepuggummeähyahmahgud dush kekezhab, benuh Leah keähwe: oo‐oo dush oogeënaun Labanun, Wagoonan maunduh kahdoodahweyun? kanuhween kegebuhmeetoosenoon oonje Rachel? wagoonan edush kahoonjewuhyazhemeyun?

GENESIS 34:7

Oogwissun dush owh Jacob kepekewawun oonje ketegauning uhpe kahnoonduhmenid: kekushkanduhmoog dush egewh enenewug, kuhya kekeche‐nishkahdezewug, oonje kekuhkebahjechegad emuh Israeling keweepamaud Jacob oodahnissun; ewh kageëzhechegasigoobun.

GENESIS 38:24

¶ Kepuggummeähyahmuhgud dush kahnesookeziswahguk, keweenduhmahwah Judah, oo‐oo keënind, Kepezhigwahjechega owh Tamar keseem; oodahyahwaun dush ahbenoojeün oonje kepezhigwahjechegad. Judah dush keëkedoo, Umba sahgejewenik, chechahgizoond.

GENESIS 39:9

Kahween ahweyah ahwahshema keche‐ahpeetandahgoozese maunduh wegewauming neen dush ween; kah suh kuhya gagoo ningesahgetuhmahgoose keen atuh keyow, oowedegamahgunun mah kedow: ahneen dush kaëzhekushketooyaunbaun chedooduhmaun maunduh keche‐mujje‐ezhewabezewin, chemujje‐dooduhwuggebun dush Kesha‐Muhnedoo.

EXODUS 32:21

Moses dush oo‐oo oogeënaun enewh Aaronun, Wagoonan suh kahdoodookwah oogoo ahnishenahbug, ewh dush kepeduhwudwah oo‐oo keche mujje‐ezhewabezewin?

EXODUS 32:35

Jehovah dush oogekooduhgeäun enewh ahnishenahban, oonje ewh keöozheähnid enewh pezhekeensun, enewh suh goo Aaron kahoozheähjin.

LEVITICUS 20:10

¶ Kuhya owh enene kapezhegwahdezid wepamaud weejeduhnuhkeewamahgunun wewene, ahbetakummig ween tahnesah kuhya equawun kawepamahjin.

ROMANUN 2:11

Kah muh pekinoong oodenanemahseen owh Kesha‐Muhnedoo enewh bamahdezejin.

ENEWH TITUSUN 1:11

Egewh nanduhwandahgoozejig chekebahquahah-mahwindwah oodoonewaun, egewh pakawenahjig kuhkenuh anduhsoodawezenejin emuh ahnind wegewaumun, kekenooähmahgawaud enewh uhyeëen kakekenooähmahgasigwahpun oonje ewh muhyahnahduk oondezewin.

HEBREWUN 13:4

Kechetwahwandahgwud ewh weedeganindewin kuhkenuh cheweedegawahpun, kuhya ewh nebahgun pazhigwahdezemahgussenook: Kesha‐Muhnedoo dush oogahtebahkoonaun enewh pazhigwahdezenejin kuhya enewh mahkeemahnejin pakahnezenejin oodequamene.