GENESIS 2:9 - Ottawa New Testament Penteteuch and Psalms 1874

⁹ Uhkeeng dush Jehovah Kesha‐Muhnedoo oogeöonjesah-gukkeäun kuhkenuh anduhswahkoozenejin metigoon manwahbuhmenahgoozenejin, kuhya manoopoogoozenejin; kuhya bemahdezewine‐metigoon padukkezoonejin nahwuhyeëeng emuh ketegaunansing, kuhya enewh metigoon kahöonjekekanjegahdag ewh wanesheshing kuhya mujjeühyeëewish.

GENESIS 2:9 Iomraidhean Croise

GENESIS 2:17

Azhemenewid atuh owh metig wanjekekanjegahdag wanesheshing kuhya mujjeühyeëewish, kahween kegahaumwahse: ewh mah kezheguk uhpe kaäumwud ahbetakummig kegahnib.

GENESIS 3:22

¶ Me dush uhpe oo‐oo kahekedood Jehovah Kesha‐Muhnedoo, Benuh, enene anandahgoozeyung enandahgooze, oonje kekandung ewh wanesheshing kuhya mujje‐uhyeëewish; koonemah tahzhebenekane, cheöodahpenung azhemeenewid bemahdezewine metig, oodahaumwaun dush chekahgega bemahdezid.

GENESIS 3:24

Oogesahgejenahzhahwaun dush enenewun; kuhya wahbunoong enuhkuhkayah ketegaunansing Eden oogeähsaun Cherubimun, kuhya ishkoota‐ahzhahwashk kewetuhyeë azhequaquakahbikesag, cheguhnuhwanduhmenid ewh meekun aneënuhmok emuh pahdukkezood bemahdezewine‐metig.

GENESIS 3:3

Owh dush ween metig nahweketegaunanse oo‐oo keëkedoo Kesha‐Muhnedoo, kahween kegahaumwahsewah azhemenewid, kah kuhya kegahtaungenahsewah, koonemah kedahneboom.

GENESIS 3:5

Kesha‐Muhnedoo mah ookekandaun ewh kezheguk uhpe kaäumwag azhemenewid, chepahkahkoonegahdag keshkinzhegowaun, kuhya Kesha‐Muhnedoong cheëzhewabezeyag, kekanduhmag ewh wanesheshing kuhya ewh mujjeuhyeëewish.

ST. JOHN 6:48

Neen suh nindow ewh bemahdezewine‐buhquazhegun.

I. CORINTHIANUN 8:1

Duhzhinduhming dush uhyeëen kahsahsahgewetuhmoowindwah egewh muzzeneneeg, kekekandahmin ewh kuhkenuh ahyahmung ewh kekanjegawin. Kekanjegawin kekechetwahwanemooëgoomin, sahgeëdewin dush kesoongekahbahweëgoomin.

DEUTERONOMY 6:25

Kegahdabeëdezoomin dush, kishpin aungwahmezeyung cheëzhechegayung kuhkenuh oonoo kuhgequawinun anahsuhmeed Jehovah ke‐Kesha‐Mudnedoomenaun, debishkoo kahezhekuhgaunzoomenung.

REVELATION 2:7

Owh watahwugaud, mahnoo oogahbezindaun ewh Keche‐oojechaugwun anahnid enewh dabandahgoozenejin emuh ahnuhmeähwining: Owh dush kamahmauzheëwad ningahpuggedenuhmahwah chemeejid enewh meenewinun azhemeenewid owh bemahdezewine‐metik, padukkezood nahwuhyeëe emuh ooketegahnanseming Kesha‐Muhnedoo.

REVELATION 22:14

Shahwandahgoozewug egewh kasebegenungig oodahgwewinewah cheöonje‐debanemahwaud enewh bemahdezewine metigoon, chepeendegawaud dush emuh kache‐ishquaundamewung keche‐oodanah.

REVELATION 22:2

Nahwuhyeëe dush oodanah‐meekunaung, kuhya uhyeduhwuhgaum, seebe kepuhdukkezoo owh bemahdezewine metik metauswe ahshe neezhwuhyug kahëzhemeenewid, kuhya anduhsoo‐keziswahguk keähdittawun enewh meenewinun: metigoong duhzhe ahneebeeshun keënahbududoon chenoojemooïndwah ahnooj azheweenzoojig ahnishenahbag.