GENESIS 19:5 - Ottawa New Testament Penteteuch and Psalms 1874

⁵ Kuhya oogepepahgemahwaun Lotun, oo‐oo dush keënahwaud, Ahneende ahyahwaud egewh enenewug noongoom tebekuk kahpeendigookwah? sahgejeweeduhweshenaum chekekanemungidwah.

GENESIS 19:5 Iomraidhean Croise

GENESIS 19:6

Lot dush kesahguhum emuh ishquanndaming, kuhya oogekebahquahaun ishquandam oobikwuhnaung enuhkayah.

LEVITICUS 18:22

Kahween kegahwepamahse enene azhewepamind equa: kuhgwahnesugganduhgwud suh.

LEVITICUS 20:13

Kishpin dush enene wepamaud enenewun, debishkoo azhewepamaud equawun, nuhyazh kekuhgwahnesugge‐mujje-ëzhechegawug: ahbetakummig tahnesahwug; wenuhwah tebenuhwa oodezhechegawinewah wanjeöonjegahtuhmahwah oomesqueemewaun.

I. CORINTHIANUN 6:9

Kah nuh kekekanduhsenahwah egewh majeëzhewabezejig wekah wetebanduhsigwah ewh oodoogemahwewin owh Kesha‐Muhnedoo? Kagoo wuhyazhindezookagoon: egewh pazhigwahdezejig, egewh manedookajig, kuhya egewh equang andoodungig tebenuhwa weyowewaun, kuhya egewh pazhigwahjeweejewahjig weej‐enenemewaun,

DEUTERONOMY 23:17

Kahwen ahweyah tahpeshegwahjequawese Israel oodaunun, kahween kuhya ahweyah tahpeshegwahjenenewese Israel oogwissun.

I. TIMOTHEUSUN 1:10

Oonje egewh pazhigwahdezejig, oonje egewh wahneëdezoojig oonje wepamahwaud weej‐enenemewaun, oonje egewh kamoodejig enenewun, oonje egewh kanenuhwishkejig, oonje egewh banahjetoojig oomushkahwe‐kezhwawinewah, kishpin dush gagoo pakaunuk anduhgoogwan wanje‐bahnahjechegahdag menoo‐kuhgequawin;

II. TIMOTHEUSUN 3:13

Egewh dush maje‐ezhewabezejig enenewug kuhya wahyazhingajig ashkum tahkuhgwahnesuggandahgoozewug, wuhyazhingawaud kuhya wuhyazhemindwah.

II. PETER 2:2

Nebewah dush oogahnoopenuhdoonahwah oomujje‐meekunahwaun; me suh kaöonje‐mujje‐duhzhinchegahdag ewh dabwawine‐meekun.

II. PETER 2:7

Oogebemahjeäun dush quuhyuk‐azhewabezenejin Lotun kahwuhsittuhwanduhmenid oomujje‐ezhewabezewinene enewh maje‐ezhewabezenejin:

JUDE 1:7

Debishkoo kuhya Sodom kuhya Gomorrha, kuhya enewh oodanahwun emuh kewetuhyeëe kahahyaugin kahezhepuggedenedezoomahguk emuh peshegwahdezewining, kuhya kenoopenuhduhmoomahguk ewh mayugguk weyausemah, pagedenegahdanoon chekekenoowahbunduhming, koodugganduhmoomahguk emuh kahgega ishkootang ahzhittah doodahjegahdanoon.