GENESIS 17:8 - Ottawa New Testament Penteteuch and Psalms 1874

⁸ Kegahmeenin dush keen, kuhya kenejahnesug keïshquah‐bemahdezeyun ewh uhkee emuh anduhzhe mahyuggezeyun, anegookwaug Canaan uhkee, chekahgega debanduhmoowaud; kuhya ningahoo‐Kesha‐Muhnedoomigoog.

GENESIS 17:8 Iomraidhean Croise

GENESIS 12:7

Abram dush oogewahbuhmaun Kesha‐Muhnedoon, oo‐oo dush oogeëgoon, Ningahmeenaug kenejahnesug maunduh uhkee: ewede dush oogeöozhetoomahwaun Jehovahun kahwahbuhmahjin ewh sahsahgewejegun‐ahbik.

GENESIS 13:15

Kuhkenuh mah menik wuhyahbunduhmun uhkee, kegahmeenin, kuhya kenejahnesug uhpena kahgenig.

GENESIS 13:17

Puhsegween, shahbooshkun ewh uhkee akoosing kuhya anegookoodasing; kegahmeenin suh goo.

GENESIS 23:4

Nemuhyuggiz kuhya nepahbahduhniz emuh keduhkeemewaung: meezheshin chebagummiggoo‐uhkeens anduhzhe‐ahyahyag, chepuggedanemug kahnebood newedegamahgun chewahbuhmahsewug dush.

GENESIS 26:24

Oogewahbuhmaun dush Jehovahun ewh tebekuk, oo‐oo dush keëgood, Ne‐Kesha‐Muhnedoowemik owh Abraham koosebun: kagoo sagezekan, keweejewin mah, kuhya kegahshahwanemin, kuhya ningahmeshenooäug kenejahnesug oonje nebuhmeetahgun Abraham.

GENESIS 28:4

Kuhya kegahmeenig ooshahwandahgoozewin owh Abraham, keen kuhya kenejahnesug; chedebanduhmun ewh uhkee emuh anduhzhe‐muhyuggezeyun, ewh Kesha‐Muhnedoo kahmeenaud Abrahamun.

GENESIS 35:27

¶ Jacob dush oogenaunzekahwaun oosun Isaacun ewede Mamreing, ewh oodanuh Arbah azhenekahdag, mesuh ewh Hebron azhenekahdag, kahduhnuhkeewaud Abraham kuhya Isaac.

GENESIS 36:7

Oonzaum mah kekeche‐tebenuhwawezewug kah dush oogekushketoosenahwah cheweej‐duhnuhkeendewaud; kahween kuhya ketaënegooquahsenoon ewh uhkee emuh kahduhzhe‐muhyuggezewaud cheduhnuhkewaud emuh, oonje bahtuhenenid oodahwahkaunewaun.

GENESIS 37:1

Jacob dush keduhnuhkee emuh uhkeeng kahduhzhe‐muhyuggezenid oosun, Cananing duhzhe uhkeeng.

GENESIS 48:4

Oo‐oo dush ningeïg, Benuh kegahpuggedenuhmoon chebahtuhyenoowaud kenejahnisug, kuhya kegahmeshenooïn, kuhya ningahenahkoonega chebahtuhyenoowaud kedahnishenahbamug; kuhya ningahmeenaug kenejahnesug kaähneka‐bemahdezejig maunduh uhkee kahgenig cheöoduhkeemewaud.

PSALMS 103:17

Kahgenig uhpena kahgenig Jehovah oogahshahwanemaun enewh quasegoojin: kuhya oogahmenoo‐doodahwaun enewh kaähneka‐negenejin.

PSALMS 105:11

Oo‐oo keënaud, Kegahmeenin Canaaning duhzhe uhkee: cheähpechedebandahmun.

PSALMS 105:9

Ewh kahoozhetoomahwaud Abrahamun: kuhya kahwahweenduhmahwaud Isaacun.

EXODUS 13:11

¶ Tuhpuhgummeähyahmuhgud dush uhpe owh Jehovah peendeguhnik emah ooduhkeemewaung egewh Canaanitug, kahezhemushkuhwe‐wahweenduhmauk egoo kuhya enewh koosebuneen, kemeenik edush.

EXODUS 21:6

Me suh dush enewh oodoogemaumun chëezhewenegood emah uhyahnid enewh tebahkoonega‐wenenewun; oogahezhewenegoon dush kuhya ishquaundaming, gamah kuhya emah puhduhkezoonid ishquaundamahtigoon; oodoogemahmun dush oogahbuhgoonahtuhwugaäoogoon uhyoonid megoos; kahgenig dush oogahbuhmeetuhwaun.

EXODUS 29:45

Ningahduhnuhke kuhya magwaühyeëe emah uhyahwaud Israel oonejahnesun, ningahowh dush enewh oo‐Kesha‐Muhnedoomewaun.

EXODUS 32:13

Mequanim Abraham, Isaac, kuhya Israel, kebuhmeetahgunug, egewh kahmushkuhwe‐wahweenduhmuhwudwah keduhgoowenedezooyun, oo‐oo keënudwah, Ningahkuhgwahnesuhgenooäug kenejahnesewaug azhenoowaud egoo egewh uhnungoog kezhigoong ayahjig me ewh kaëzhenoowaud kuhya kuhkenuh oo‐oo uhke kahduhzhinduhmaun ningahmeenaug kenejahnesewaug, oogahdebandahnahwah dush egoo kahgenig.

EXODUS 40:15

Kuhya kegahnuhmuhkoonaug, kahezhenuhmuhkoonemud suh goo enewh oosewaun, cheühnooketuhwewaud dush nah emah ooduhnookewining owh sahsahgewejega‐wenene: ewh mahween nuhmuhkoonindwah ahbedakummig tahuhyahwug egewh kahgenig kasahsahgewejega‐wenenewejig menik kaneähnekabemahdezewaud.

EXODUS 6:4

Ningeühyeenjesittoon dush kuhya newahweenduhmahgawin wahweenduhmuhwugwah, chemenugwah ewh Canaan duhzhe uhke, ewh uhke emah kebuhbahmahdezewaud, kuhya kahduhzhemuhyuhgezeyaun.

EXODUS 6:7

Kegahoodahpenenim dush cheöodahneshenahbamme enuhgoog, neen dush kuhya ningahdowh ke‐Kesha‐Muhnedoomewah: kegahkekandahnahwah dush neen ahweyaun Jehovah ke‐Kesha‐Muhnedoomewah, suhyahgejewenenag emah anduhzhe‐koodugge‐ühnooketuhwagwah egewh Egyptianug.

LEVITICUS 14:34

Uhpe tahgwishinag emuh Canaaning duhshe uhkeeng, kameenenuhgoog cheöoduhkeemeyag, kishpin atoowaunan oomegeewin emuh wegewauming ewede kaduhnuhkeeyag;

LEVITICUS 16:34

Mesuh oo‐oo kahgenig kadenahkoonegang, chesahsahgewejegayun oonje Israel oonejahnesun kuhkenuh oomujje‐ezhewabezewinene ningooding anduhsoo kekenoonoowinuhguk. Keëzhechega dush debishkoo Jehovah kahenaud Mosesun.

LEVITICUS 26:12

Kuhya ningahpahbahmoosa anduhzhe‐ahyahyag, kuhya ke‐Kesha‐Muhnedoomewah ningahdow, kuhya kenuhwah nindahnishenahbamug kegahdahwim.

NUMBERS 10:29

¶ Moses dush oo‐oo oogeënaun enewh Hobabun, oogwissene enewh Raguelun owh Midianite, Moses oozhenissun, Nindezhahmin ewede ewh Jehovah oo‐oo kahenahdoodung, kegahmeenenim: beweejeweshenaum, kegahmenoodoodahgoom dush: Jehovah mah oogeminwahjemootuhwaun enewh Israelun.

NUMBERS 25:13

Oogahuhyaun dush, kuhya enewh oonejahnesun kanebemahdezenejin, ewh suh goo kahgega‐sahsahgewejegaöowine‐wahweenduhmahgawin; oogemeenwawezekunduhwaun mah oo‐Kesha‐Muhnedoomun, kuhya keühnooke cheboonane-memind Israel oonejahnesun.

NUMBERS 27:12

¶ Jehovah dush oo‐oo oogeënaun Mosesun, Ezhaun wuhgedahke oo‐oo wuhjewh Abarim, wahbundun dush ewh uhke kahmeenugwah Israel oonejahnesun.

OODEZHECHEGAWINEWAH 7:5

Kah dush oogemeenahseen ewh debandahsoowin emuh, kah kuhnuhga menik anegookoosittad: oogewahweenduhmahwaun dush wemeenaud ewh chedebanduhmenid, kuhya kaähneka‐bemahdezenejin oonejahnesun, chepwah oonejahnesenid.

DEUTERONOMY 14:2

Pahnezenejin mah oodahnishenahbamun owh Jehovah keKesha‐Muhnedoomewah kedahwim, Jehovah kuhya kegewuhwanahbahmegoowah cheähweyag tebenuhwa oodahnishenahbamun, keäunzwayahbuhmindwah dush kuhkenuh egewh ahnishenahbag babuhkaun azheweenzoojig uhkeeng ayahjig.

DEUTERONOMY 26:18

Jehovah kuhya noongoom kegeïg ewh ahweyun enewh tebenuhwa oodahnishenahbamun, debishkoo suh goo kahezhewahweenduhmook, kuhya chekuhnuhwanduhmuhwud kuhkenuh enewh ookuhgequawinun;

DEUTERONOMY 29:13

Chemushkuhwe‐ënahkoonik noongoom cheëoduhnish-enahbamemik, kuhya ween cheähwid keKesha‐Muhnedoom, kahenik suh goo, kuhya kahezhemushwe‐wahweenduhmuhwaud koosebuneen, enewh Abraham, Isaacun, kuhya Jacobun.

DEUTERONOMY 32:49

Wuhgedahke oo‐oo wuhjewh Abarim ezhaun, ewh wuhjewh Nebo, Moab uhkeeng ayaug, debishkoo emuh Jerichoïng; wahbundun dush ewh Canaan uhke, ewh mahnugwah Israel oonejahnesun chedebanduhmoowaud:

DEUTERONOMY 32:8

Uhpe owh Muhyahmuhwe‐ishpandahgoozid kahmahduh-oonaud enewh ahnishenahban uhnooj azheweenzoonejin oodebandahsoowinewah, uhpe papuhkaäud Adam oogwissun, oogekekenuhwahjetuhmuhwaun menik kadebanduhmenid enewh ahnishenahban nahsaub egoo anduhchenid Israel oonejahnesun.

DEUTERONOMY 34:4

Jehovah dush oo‐oo oogeënaun, Me suh oo‐oo uhke kahmushkuhwe‐wahweenduhmuhwugwahbun Abraham, Isaac, kuhya Jacob, oo‐oo keëkedooyaun, Ningahmeenaug ewh kenejahnesug: kedenanemin chewahbunduhmun kishkeenzhigoon uhyooyun, kah dush ween kegahahzhuhwuhoose ewede.

DEUTERONOMY 4:37

Oonje suh kesahgeäud koosebuneen, oogewuhwanahbuhmaun oonejahnesene kahnebemahdezenid, Egypting dush kegeöonjesahgejewenig anahsuhmeed ookechemushkuhwezewining;

DEUTERONOMY 9:5

Kahween ewh kequuhyukezhewabezewin, gamuh ewh azhemenooezhewabezemuhguk keda, kedoonjeëzhahse chedebanduhmun ooduhkeemewah: oonje suh atuh oomujjeëzhewabezewinewah oogoo ahnishenahbag Jehovah keKesha‐Muhnedoom oosahgejenauzhuhwaun anahsuhmeyun, kuhya chedebishkoosedood ewh ekedoowin Jehovah kahezhemushkuhwe‐wahweenduhmuhwaud koosebuneen, Abrahamun, Isaacun, kuhya Jacobun.

HEBREWUN 9:15

Mesuh wanje‐guhnoodahmahga‐wenenewid emuh ooshke‐kekindewining, ewh neboowin wanje‐ekoonegahdag enewh mujje‐ezhewabezewinun emuh netum kekindewining kahahtagin, egewh nandoomindjig cheöonje‐oodahpenuhmoowaud ewh wahweendahmahgawin ewh chekahgega‐debandahsoowaud:

REVELATION 21:7

Owh mamauzheëwad oogahdebandaunun kuhkenuh uhyeëen; NingahdooKesha‐Muhnedoomik suh owh kuhya neen ningahoogwissenun.