GENESIS 17:7 - Ottawa New Testament Penteteuch and Psalms 1874

⁷ Ningahuhyeenjesittoon newahweendahmahgawin azhewahweenduhmoonaun keen kuhya kenejahnesug kaähneka‐bemahdezejig kahgenig cheduhgoomahguk, cheöokesha‐Muhnedoomeyun keen, kuhya kenejahnesug kahgenig.

GENESIS 17:7 Iomraidhean Croise

GENESIS 15:18

Me ewh uhpe kezheguk Jehovah kewahweenduhmahwaud Abrahamun, oo‐oo keënaud, Ningemeenaug kenejahnesug maunduh uhkee, oonje Egypt duhzhe seebeeng peenish ewh keche‐sebe Euphrates azhenekahdag.

GENESIS 17:13

Owh nahgid emuh kewegewaumewaung, kuhya owh kahkishpenuhnag keshooneyahmewah, ahbetakummig tahkekenoowahje‐kishkishwah; newahweendahmahgawin dush tahduhgoomahgud emuh keyausewaung kahgega‐wahweendahmahdewin cheähwung.

GENESIS 17:19

Oo‐oo dush keëkedoo Kesha‐Muhnedoo, Sarah kewedegamahgun kagate oogahahyahwaun quewezansun; Isaac dush kegahezhenekahnah: kuhya ningahuhyeenjesittuhmoowah newahweendahmahgawin kahkenig cheähyaung, kuhya oonejahnesun kaähneka‐bemahdezenejin ween keïshquah‐bemahdezid:

GENESIS 26:24

Oogewahbuhmaun dush Jehovahun ewh tebekuk, oo‐oo dush keëgood, Ne‐Kesha‐Muhnedoowemik owh Abraham koosebun: kagoo sagezekan, keweejewin mah, kuhya kegahshahwanemin, kuhya ningahmeshenooäug kenejahnesug oonje nebuhmeetahgun Abraham.

GENESIS 28:13

Benuh dush, Jehovah kenebahwe emuh oogejuhyeëe, oo‐oo dush keëkedood, Neen nindow Jehovah oo‐Kesha‐Muhnedoomun Abraham koosebun, kuhya oo‐Kesha‐Muhnedoomun owh Isaac: kegahmeenin ewh uhkee emuh anduhzhe nebahyun, kuhya kenejahnesug ningahmeenaug;

GENESIS 6:18

Keen dush ween kegahuhyeenjesittuhmoon newahweendahmahgawin; Kegahpooz dush emuh nahbequauning, keen, kuhya kegwissug kuhya keweedegamahgun, kuhya kegwissug ooweedegamahgunewaun.

GENESIS 9:16

Ahnuhquudoong suh tahahyahmahgud ahgwahnebesaun; ningahnahnahgahdahwahbundaun dush, cheöonjemequanduhmaun ewh kahgega wahweendahmahgawin Kesha‐Muhnedoo kahezhewahweenduhmahwaud kuhkenuh bamahdezenejin wahyausewenejin emuh uhkeeng.

PSALMS 81:10

Kahween kegahahyahwahse bakahnezid Kesha‐Muhnedoo: kah dush kegahahnuhmeätuhwahse mayuggezid Kesha‐Muhnedoo.

EXODUS 3:15

Oo‐oo dush menuhwah Kesha‐Muhnedoo oogeënaun enewh Mosesun, Oo‐oo suh kegahezheguhnoonaug oonejahnesun owh Israel, Jehovah oo‐Kesha‐Muhnedoomewaun koosewahbuneeg, oo‐Kesha‐Muhnedoomun Abraham, oo‐Kesha‐Muhnedoomun Isaac, kuhya oo‐Kesha‐Muhnedoomun Jacob, ningeëzhenaunzhuhoog emah uhyahyag: mesuh oo‐oo azhenekahzooyaun kahgegakummig mesuh oo‐oo kuhya kaöonje-mequanemewaud kuhkenuh kaneähnekabemahdezejig.

EXODUS 3:6

Oo‐oo dush kuhya keëkedoowun, Neen suh nindow oo‐Kesha‐Muhnedoomun koos, oo‐Kesha‐Muhnedoomun Abraham, oo‐Kesha‐Muhnedoomun Isaac, kuhya oo‐Kesha‐Muhnedoomun Jacob. Moses dush oogekahdon oodangwuhy; kesageze mah cheguhnuhwahbuhmaud Kesha‐Muhnedoon.

EXODUS 6:4

Ningeühyeenjesittoon dush kuhya newahweenduhmahgawin wahweenduhmuhwugwah, chemenugwah ewh Canaan duhzhe uhke, ewh uhke emah kebuhbahmahdezewaud, kuhya kahduhzhemuhyuhgezeyaun.

EXODUS 6:7

Kegahoodahpenenim dush cheöodahneshenahbamme enuhgoog, neen dush kuhya ningahdowh ke‐Kesha‐Muhnedoomewah: kegahkekandahnahwah dush neen ahweyaun Jehovah ke‐Kesha‐Muhnedoomewah, suhyahgejewenenag emah anduhzhe‐koodugge‐ühnooketuhwagwah egewh Egyptianug.

LEVITICUS 11:45

Neen mah nindow Jehovah kahpesahgechewenenag oonje Egypting duhzhe‐uhkeeng cheöonje oo‐Kesha‐Muhnedoomeyag: mesuh kaöonjepeenezeyag, Neen mah nepeeniz.

LEVITICUS 25:38

Neen suh nindow Jehovah keKesha‐Muhnedoomewah kahsahgechewenenag oonje Egypting duhzhe uhkeeng chemeenenuhgoog Canaaning duhzhe uhkee Ke‐Kesha‐Muhnedoomewah cheähweyaun.

LEVITICUS 26:12

Kuhya ningahpahbahmoosa anduhzhe‐ahyahyag, kuhya ke‐Kesha‐Muhnedoomewah ningahdow, kuhya kenuhwah nindahnishenahbamug kegahdahwim.

LEVITICUS 26:44

Pooch enunga ningabahpeche‐wabenaug uhpe ayahwaud emuh ooduhkeemening enewh shaunganemegoowahjin kah kuhya ningahsheenganemahseeg cheähpeche bahnahjeügwahpun, gamuh chepegoobetooyaunbaun kahezhewahweenduhmahwugwahpun, neen mah nindow Jehovah oo‐Kesha‐Muhnedoomewaun.

LEVITICUS 26:45

Ningahmequandaun dush kahezhewahweenduhmahwugwahpun oosewahpuneen wenuhwah oonje kahsahgejewenugwah oonje Egypting anahsuhmenid enewh mayug‐ahnishnahban cheähweyaun oo‐Kesha‐Muhnedoomewaun; neen suh nindow Jehovah.

LEVITICUS 26:9

Kegahkechetwahwaneminim mah kuhya kegahmeshenooïnim kuhya kegahminjemoosittuhmoonenim newahweenduhmahgawin.

St Matthew 22:32

Neen suh nindow Ookesha‐Muhnedoomun owh Abraham, kuhya ooKesha Muhnedoomun owh Isaac, kuhya ooKesha‐Muhnedoomun owh Jacob? Kahween owh Kesha‐Muhnedoo ahwese ooKesha Muhnedoomewaun, egewh naboojig, egewh suh atuh bamahdezejig.

ST. MARK 10:14

Uhpe dush owh Jesus wuhyahbuhmaud, kewuhsittahwandum, oo‐oo dush keënaud, Puhgedenuhmahwik egewh ahbenoojeüg chepenaunzekahwewaud, kagoo dush kenahahmahwahkagoon; me muh oogoo denoowug debandahgoozejig emuh oodoogemahwewining owh Kesha‐Muhnedoo.

OODEZHECHEGAWINEWAH 2:39

Kenuhwah muh kemeenegoom ewh wahweendahmahgawin, kuhya kenejahnesewaug, kuhkenuh dush egewh wahsuh ayahjig, menik kanundoomahjin owh Jehovah Kekesha‐Muhnedoomenaun.

ROMANUN 9:4

Israelitewewug suh; oodebandahnahwah ewh oonejahnesemegoowin, kuhya peshegandahgoozewin, kuhya kekindewinun, kuhya meegewang ewh tebahkoonegawin, kuhya oobuhmeetahgoowin owh Kesha‐Muhnedoo, kuhya wahweendahmahgawinun;

EPHESIANUN 2:2

Kuhyet kahezhebemoosayag, debishkoo azhewabuk oomah uhkeeng, debishkoo azhewabezid owh wagemahkundung ewh kushkeäwezewin emuh mezhah‐kezhegoong atag, owh muhnedoo noongoom anookeed peenjenuh emuh Ooweyowening enewh kagaunzuhtuhmenejin.

DEUTERONOMY 29:13

Chemushkuhwe‐ënahkoonik noongoom cheëoduhnish-enahbamemik, kuhya ween cheähwid keKesha‐Muhnedoom, kahenik suh goo, kuhya kahezhemushwe‐wahweenduhmuhwaud koosebuneen, enewh Abraham, Isaacun, kuhya Jacobun.

HEBREWUN 11:16

Noongoom dush ween oonunduhwandahnahwah ahwahshema wanesheshing duhnuhkeewin, mesuh ewh keche‐kezhegoong duhzhe duhnuhkeewin: me dush Kesha‐Muhnedoo wanje‐ahgujjesig ooKesha‐Muhnedoomewaun cheezhenekahnind: keche‐oodanah mahween oogewahwazhetuhmoowaun.

HEBREWUN 8:10

Mesuh maunduh kekindewin kaöozhetoomahwugwah egewh dabandahgoozejig emuh Israel oowegewauming keïshquah‐ahyaug oonoo kezhegudoon ekedoo owh Tabaningad; ningahahtuhwaug enewh nekuhgequawinun emuh oodenanduhmoowinewaung, kuhya ningahooKesha‐Muhnedoomigoog, kuhya wenuhwah tahahwewug nindahnishenahbamug: