GENESIS 17:12 - Ottawa New Testament Penteteuch and Psalms 1874

¹² Owh dush ashwahsoogoon‐uhgezid kenejahnesewah tah kekenoowahje‐kishkizhwah, kuhkenuh queewezansug nahgejig emuh kewegewaumewaung, gamuh mahyahdahwezid kahkishpinuhnag keshooneyahmewah, wanejahnesesewun.

GENESIS 17:12 Iomraidhean Croise

GENESIS 17:23

¶ Abraham dush oogeöodahpenaun oogwissun Ishmaelun kuhya kuhkenuh enewh kahnegenejin emuh oowegewauming, kuhya enewh kahkishpenuhnahpuneen ooshooneyahmun, kuhkenuh enenewun emuh Abram oowegewauming; oogekekenoowahje‐kishkizhahmoowaun dush ewh weyausene emuh negaun‐ushkuhtuhying ewh kezheguk, debishkoo kahegood enewh Kesha‐Muhnedoon.

GENESIS 21:4

Abraham dush oogekekenoowahje‐kishkishwaun enewh oogwissun Isaacun uhpe kahishwahsoogoon‐uhgezenid, debishkoo kahegood enewh Kesha‐Muhnedoon.

EXODUS 12:44

Anduhchewaud dush ween buhmeetahga‐enenewug kaushpenuhninjig, uhpe kah kahkekenuhwahje‐keezhkezhwudwah, me suh dush chemejewaud.

EXODUS 22:30

Me goo nahsaub kaühyindooduhwudwah keduhnooke‐pezhekeemug, kuhya kemahnishtahnishug: neenzhwahsoogoon oogahweejewaun oogeen; uhpe shwahsookezhiguk kegahmeenzh wahowh.

LEVITICUS 12:3

Ishwahsoogoonuhguk tahkewetahzhwah owh ahbenooje.

ST. LUKE 1:59

Kepuhgummeähyahmahgud dush, neeshwausoogoonahguk kepeëzhahwug chekekenoowahje‐mahdezhwahwaud enewh ahbenoojeün; Zacharias dush oogeweëzhenekahnahwaun, debishkoo azhenekahzoonid enewh oosene.

ST. LUKE 2:21

Uhpe dush neshwausoo‐kezhiguk kahtebishkoosag wekekenoowahje‐keshkizhoond owh ahbenooje, JESUS keëzhenekahzoo, ewh egoo kahezheweenegood enewh angenun chepwah kekishkahgood enewh oogeen.

OODEZHECHEGAWINEWAH 7:8

Oogemeenaun dush ewh kekenoowahje‐kishkishegahzoowine‐kekindewin; me dush owh Abraham keöogwissid enewh Isaacun, kahnishwahsoogoon‐uhgezenid dush oogekekenoowahje‐kishkishwaun; kuhya dush Isaac oogeöogwissenun enewh Jacobun; kuhya dush Jacob oogeöogwissenun metauswe ahshe neezh kooseminahbuneen.

ROMANUN 2:28

Kah muh kagate Jew ahwese owh ahgwahjuhyeëe Jewewid; kah kuhya kekenoowahje‐kishkezhegahzoowin ahwunsenoon ewh ahgwahjuhyeëe atag emuh weyausemaung;

PHILIPPIANUN 3:5

Nashwahsoogoonuhguk ningekekenoowahje‐kishkezhoëgoo, emuh Israeling keöondahdezeyaun, kuhya kedebandahgoozeyaun emuh Benjamining; keHebrewewewug nuhyazh neketezemug; emuh tebahkoonegawining, ningePhariseeëwh.