Biblia Todo Logo
Bìoball air-loidhne

- Sanasan -




GENESIS 17:10 - Ottawa New Testament Penteteuch and Psalms 1874

10 Mesuh maunduh newahweendahmahgawin kaguhnuhwanduhmag kahezhewahweenduhmoonenuhgoog keen kuhya kenejahnesug keïshquah‐bemahdezeyun; Kuhkenuh anduhchewaud quewezansug tahkekenoowahje‐kishkeezhegahzoowug.

Faic an caibideil Dèan lethbhreac




GENESIS 17:10
29 Iomraidhean Croise  

Kegahkishkezhahnahwah keyausewah emuh negaun ushkuttuhying: me dush ewh kaöonjekekenoowahduk kewahweendahmahdewinenaun kahezhewahweenduhmahdeyung neen kuhya kenuhwah.


¶ Abraham dush oogeöodahpenaun oogwissun Ishmaelun kuhya kuhkenuh enewh kahnegenejin emuh oowegewauming, kuhya enewh kahkishpenuhnahpuneen ooshooneyahmun, kuhkenuh enenewun emuh Abram oowegewauming; oogekekenoowahje‐kishkizhahmoowaun dush ewh weyausene emuh negaun‐ushkuhtuhying ewh kezheguk, debishkoo kahegood enewh Kesha‐Muhnedoon.


Kuhya kuhkenuh emuh oowegewauming ayahjig enenewug, kahnegejig emuh wegewauming, kuhya mayuggezenejin kahkishpenuhnahpuneen ooshooneyahmun, kuhya wenuhwah kekekenoowahje‐kishkishwahwug.


Abraham dush oogekekenoowahje‐kishkishwaun enewh oogwissun Isaacun uhpe kahishwahsoogoon‐uhgezenid, debishkoo kahegood enewh Kesha‐Muhnedoon.


Oomah suh atuh kegahbezindahgoom: Kishpin ezheähyahyag debishkoo nenuhwind azheähyahyaung, kishpin kuhkenuh kenuhwah aneneweyag kekenoowahje‐kishkezbegahzooyag.


Oo‐oo atuh ezhechegayung kegahbezindahgoonahnig oogoo enenewug cheweeje‐duhnuhkeemenungwah, chepazhigooyung, kishpin kuhkenuh anduhcheyung aneneweyung kekenoowahje‐kishkezhegahzooyung, debishkoo wenuhwah azhekenoowahje‐kishkezhegahzoowaud.


Kishpin dush owh mayuggezid weej‐duhnuhkeemik, enandung dush cheguhnuhwandung ewh kuhbekoosa‐weekoondewin emah anahsuhmenid Jehovahun, mahnoo kuhkenuh oondenenemun tuhkekenuhwahjekeeshkezhegahzoowun, me dush pashoo chepeëzhaud kuhya cheguhnuhwandung; debishkoo dush tahenandahgooze anandahgoozid owh nahgid emah uhkeeng: kah mah owh kakenuhwahje‐keeshkezhegahzoojig oogahmeejeseen.


Me dush Zipporah keöodahpenaud kahnahbekezenid uhsineen kekekenuhwahjekeeshkezhwaud dush oogwissun, kuhya keühpuhgedung ewh kahpuhquazhung emuh oosedahning, oo‐oo dush keëkedood, Keen wanahbamenaun kagate wanjemisquewid ningwis.


Owh suh Moses kegemeenegoowah ewh kekenoowahje‐kishkezhegahzoowin; (kahween dush Mosesun oonjebahmahgussenoon, egewh suh goo katezejig:) aunwabe‐kezheguk dush kekekenoowahje‐mahdezhwahwah enene.


Oogemeenaun dush ewh kekenoowahje‐kishkishegahzoowine‐kekindewin; me dush owh Abraham keöogwissid enewh Isaacun, kahnishwahsoogoon‐uhgezenid dush oogekekenoowahje‐kishkishwaun; kuhya dush Isaac oogeöogwissenun enewh Jacobun; kuhya dush Jacob oogeöogwissenun metauswe ahshe neezh kooseminahbuneen.


Kah muh kagate Jew ahwese owh ahgwahjuhyeëe Jewewid; kah kuhya kekenoowahje‐kishkezhegahzoowin ahwunsenoon ewh ahgwahjuhyeëe atag emuh weyausemaung;


Mesuh enewh kezhah kahahnoonahjin Kesha‐Muhnedoo chebemahjeëwanid oonje dabwayanduhmoowind oomisqueem, chemezheshuh‐wahbunjegahdanig ooquuhyuk‐ezhewabezeëwawin cheöonje‐kahbekahegahdagkuhyet mujjeezhewabezewinun, oonje ewh oominwahdanduhmoowin owh Kesha‐Muhnedoo;


Me dush wanjeëkedooyung, owh enene quuhyuk‐ezhewabezeïnd oonje ewh dabwayanduhmoowin ahyahsig enewh tebahkoonegawine ahnookewinun.


Pazhegoo suh owh Kesha‐Muhnedoo, kaquuhyuk-ezhewabezeäud enewh kakenoowahje‐kishkezhegahzoonejin oonje ewh dabwayanduhmoowin, kuhya enewh pwahyah‐kekenoowahje‐kis kezhegahzoonejin oonje ewh dabwayanduhmoowin.


Kahween puhkaunezesewug Jewyug gamuh Greekug, egewh bameetahgajig gamuh egewh tabanindezoojig, kah kuhya egewh enenewug gamuh egewh equawug: kuhkenuh muh kepazhegoom emuh Christ Jesusing.


Kuhkenuh menik nanduhwandungig menoo‐ezhewabezing cheëzhenahgoozewaud emuh weyausemaung, ketwa kekuhgaunzoomegoowaug chekekenoowahje‐kishkezhegahzooyag, me atuh cheöonje‐kooduggeähsewindwah oonje ewh oodahzhedayahtikoom owh Christ.


Benuh dush, mequanduhmook, kenuhwah kuhyet kemahyuggezeyag emuh weyausemaung, kakenoowahje‐kish kezhegahzoosigoog kahezheweenenagwah egewh kakenoowahje‐kishkezhegahzoojig emuh ooweyowewaung, ooneenjemaung ahyoong.


Kekenuhwahjekeeshkezhuhmook suh dush kedaëwah, kagoo dush menuhwah mushkuhwindibakagoon.


Jehovah keKesha‐Muhnedoom kuhya oogahkekenuhwah-jekeeshkezhaun keda, kuhya oodaëwah kenejahnesug, chesahgeüd dush owh Jehovah keKesha‐Muhnedoom anegookoodaäyun, kuhya anegookoojechaugooweyun, chebemahdezeyun dush nah.


Kenuhwind muh quuhyuk kekekenoowahje‐kishkezhegahzoomin, ahnuhmeätuhwung Kesha‐Muhnedoo emuh Oojechaugoomaung, moojegezetuhwung Jesus Christ, kuhya kuhnuhga ahpanemoosewung ewh weyahsemah.


Lean sinn:

Sanasan


Sanasan