GENESIS 17:1 - Ottawa New Testament Penteteuch and Psalms 1874

¹ Uhpe dush Abram kahshaungusse‐meduhnuh dussoo‐pepoon‐uhgezid ahshe shaungusswe, oogewahbuhmaun Jehovahun, oo‐oo dush keëgood, Neen nindow owh mahyahmahwe‐mushkahwezid Kesha‐Muhnedoo; bemoosan anahsuhmeyaun, kuhya quuhyuk ezhewabezin.

GENESIS 17:1 Iomraidhean Croise

GENESIS 12:1

Jehovah dush oo‐oo oogeënaun Abramun, Nuhguhdun keduhkeem, kuhya kedenuhwamahgunug, kuhya koos oowegewaum, ezhaun dush ewede uhkeeng kawahbundahenaun:

GENESIS 12:7

Abram dush oogewahbuhmaun Kesha‐Muhnedoon, oo‐oo dush oogeëgoon, Ningahmeenaug kenejahnesug maunduh uhkee: ewede dush oogeöozhetoomahwaun Jehovahun kahwahbuhmahjin ewh sahsahgewejegun‐ahbik.

GENESIS 16:16

Abram dush keïshwahsemeduhnuh duhsoo‐pepoon‐uhgeze ahshe ningoodwahswe, uhpe Hagar nahgetuhmuhwaud Abramun enewh oogwissun Ishmaëlun.

GENESIS 18:1

Abraham dush oogewahbuhmaun Jehovahun emuh pahdukezood metigoomeezh emuh Mamreing: kahnuhmuhduhbepun dush emuh ishquaundamewunenig oowegewaum magwah kezhahtanig.

GENESIS 18:14

Gagoo nuh oobawhnuhwetoon owh Jehovah? Uhpe debishkoosag ewh kahekedooyaun menuhwah kegahoodissin, nhpe debishkoosag chebemahdezing, kuhya Sarah oogahahyahwaun quewezansun.

GENESIS 24:40

Oo‐oo dush ningeïk, Owh Jehovah, emuh anahsuhmid bamoosayaun, oogahahnoonaun oodangenemun cheühneweejewik, kuhya cheweedookookewh wahenuhnookeeyun; nindinuhwamahgunug anduhnuhkeewaud kuhya noosebun oowegewauming kegahoondenah ningwis kawedegamahjin:

GENESIS 26:2

Oogewahbuhmaun dush enewh Jehovahun, oo‐oo keëgood, Kagoo ezhahkan ewede Egypting; duhnuhkeen emuh uhkeeng kawahbundahenaun:

GENESIS 28:3

Kegahshahwanemig dush owh Mahyahmahwe‐mushkahwezid Kesha‐Muhnedoo, kuhya kegahmeshenooïg, kuhya kegahbahtuhenooïg, cheöoyoosemikwah dush nebewah pukkaun azheweenzoojig ahnishenahbag;

GENESIS 35:11

Kesha‐Muhnedoo dush oo‐oo oogeënaun, Neen nindow Kesha‐Muhnedoo Mahyahmahwe‐mushkahwezid: pahtuhyenoon kuhya ashkum meshenoon; nebewah papukkaun azheweenzoojig ahnishenahbag keyowing tahoondahdezewug, keche oogemaug kuhya keyowing tahoonjeewug;

GENESIS 43:14

Mahnoo dush Kesha‐Muhnedoo muhyahmuhwe‐mushkuhwezid kegahshahwahnemegoowah anahsuhmeed owh enene, cheöonjepuggedenaud pazhig kekahnesewah, kuhya Benjaminun. Kishpin makummegoowaunan nenejahnesug, ahneesh nemuhkummegoo.

GENESIS 46:3

Oo‐oo dush keëkedoo, NeKesha‐Muhnedowh, ningeöo-Kesha‐Muhnedoowemig koosebun: kagoo sagezekan weëzhahyun ewede Egypting duhzhe uhkeeng; ewede mah kegahenahkoonin chekeche‐meshenooyun:

GENESIS 48:15

¶ Oogemenoo‐guhnoonaun dush Josephun, oo‐oo keëkedood, Kesha‐Muhnedoo owh emuh anahsuhmeed kahpuhbahmoosawaud noosebuneeg Abraham kuhya Isaac owh Kesha‐Muhnedoo kahuhshuhmid menik buhbemahdezeyaun nuhnauzh egoo noongoom.

GENESIS 48:3

Jacob dush oo‐oo oogeënaun Josephun, Ningewahbuhmah Kesha‐Muhnedoo mahyahmahwe‐mushkahwezid ewede Luzing emuh Canaaning, kuhya ningeshahwanemig.

GENESIS 5:22

Enoch dush öogeweedoosamaun Kesha‐Muhnedoon, niswauk‐duhsoo‐pepoon kahoogwissid Methusalahun, oogeähyahwaun dush oogwissun kuhya oodahnissun:

GENESIS 5:24

Enoch dush oogeweedoosamaun Kesha‐Muhnedoon; kah dush keähbese; oogemahjewenegoon mah Kesha‐Muhnedoon.

GENESIS 6:9

¶ Mesuh oo‐oo kahezhebemahdezid Noah; Kequuhyukwahdeze owh Noah kuhya kekeche‐minwandahgooze emuh oobemahdezewining, Noah dush oogewedoosamaun enewh Kesha‐Muhnedoon.

PSALMS 115:3

Ishpeming suh ahyah keKesha‐Muhnedoomenaun: kuhkenuh menik anandung keëzhechega.

PSALMS 116:9

Ningahbemoosa anahsuhmid Jehovah: emuh ooduhkeemewaung egewh bamahdezejig.

PSALMS 25:14

Moonzhug neguhnuhwahbuhmah Jehovah: nindekoonuhmaug mah nesittun oonje nuhgwahguning.

EXODUS 6:3

Ningewahbuhmigoog dush Abraham, Isaac kuhya Jacob, Kesha‐Muhnedoo Muhyahmuhwe‐Mushkuhwezid keëzhenekahzooyaun, kah dush ween oogekekandunsenahwah Jehovah keëzhenekahzooyaun.

NUMBERS 11:23

Jehovah dush oo‐oo oogeënaun enewh Mosesun, Ooninj nuh owh Jehovah shahgwewemuhgudene? kegahwahbundaun noongoom cheëzhewabudoogwan akedooyaun gamah kuhya kah.

NUMBERS 24:16

Keëkedoo, owh kahnoondung Kesha‐Muhnedoo oodekedoowinun, kuhya kahkekandung ookekandahsoowin owh Muhyahmuhwe‐ishpandahgoozid, ahnooj gagoo kahwahbunduhegood enewh Muhyahmuhwe‐mushkuhwezenejin, magwah muhmaunzenung, uhyenahbid dush ween:

St Matthew 19:26

Jesus dush oogeguhnuhwahbuhmaun, oo‐oo keënaud, Egewh enenewug kahween oodahgekushketoosenahwah; Kesha‐Muhnedoo dush ween kah gagoo oopwahnuhwetooseen.

St Matthew 5:48

Wahweengazeyook azhewahweengazid owh Koosewah keche‐kezhegoong ayaud.

ST. LUKE 1:6

Nuhyazh dush quuhyuk keëzhewabezewug emuh enahsuhmuhbid owh Kesha‐Muhnedoo, kebemoosawaud emuh kuhkenuh ookuhgequawinening kuhya oodenahkoonegawinening enewh Jehovahun, kah dush ningood kemahnahdahjemahsewug.

OODEZHECHEGAWINEWAH 23:1

Paul dush, keühyeenzahbuhmaud enewh kahkekedoo‐wenenewun, oo‐oo keëkedoo, Enenewedoog wejekewaëmahdoog, Ningeëzhebemahdez menik kahezhekekanduhmaun wanesheshing emuh nindenanduhmoowining anuhsuhmuhbid Kesha‐Muhnedoo nahnauzh egoo noongoom kezheguk.

OODEZHECHEGAWINEWAH 24:16

Me suh ewh mahkinduhmaun cheöonje‐kekanindezoosewaun gagoo chemujje‐doodahwug Kesha‐Muhnedoo kuhya goo enenewug.

EPHESIANUN 3:20

Umba suh dush wah‐owh kashkeäwezid chedoodoonung keche‐nebewah ahwahshema azhenunduhwanduhmung kuhya azhenahnahgahdahwanduhmung azheähyaug ewh mushkahwezewin anookeemahguk emuh peenjenuh keyowenaung.

DEUTERONOMY 10:17

Owh mah Jehovah keKesha‐Muhnedoomewah ahwe ooKesha‐Muhnedoomewaun muhnedoog, kuhya tabanemaud enewh tabaninganejin, keche‐Kesha‐Muhnedoo, mashkuhwezeed, kuhya quatahmegwandahgoozid, pekenoong ananemahsig bamahdezenejin, kuhya wadahpenunsig tebuhuhmahgoowin:

DEUTERONOMY 18:13

Kegahpenahdiz emah anahsuhmeed Jehovah keKesha‐Muhnedoom.

DEUTERONOMY 30:20

Chesahgeüd Jehovah keKesha‐Muhnedoom, kuhya chenuhetuhmun oodinwawin, kuhya cheminjemenud: kebemahdezewin mah ahwe, kuhya ween wanjekenwaugin kekezhigudoomun: cheduhnuhkeyun emuh uhkeeng ewh Jehovah kahmushkuhwe‐wahweenduhmuhwaud koosebuneen, Abrahamun, Isaacun, kuhya Jacobun, chemeenaud.

PHILIPPIANUN 4:13

Nekushketoonun ahnooj gagoo cheëzhechegayaun oonje owh Christ mashkahwanduhmooïd.

HEBREWUN 12:28

Benuh dush, kenuhwind wadahpenuhmung ewh oogemahwewin kaneeningishkahmahgussenook, mahnoo nundahwandundah ewh shahwanjegawin, wawane chebuhmeetuhwung Kesha‐Muhnedoo kechetwahwanemung kuhya quuhyuk koosung.

HEBREWUN 7:25

Mesuh wanje‐kushketood ahpeche wahweenga chebemahjeäud kuhkenuh enewh pahnaunzekahwahnid Kesha‐Muhnedoon ween oonje, kahgenig gooshah bemahdeze cheguhnooduhmoowaud enewh.