GENESIS 16:11 - Ottawa New Testament Penteteuch and Psalms 1874

¹¹ Oo‐oo kuhya oogeëgoon Jehovah oodangenemun; Benuh kekekishkahwah ahbenooje, kuhya kegahnegeäh quewezans, Ishmael kegahezhenekahnah; oonje Jehovah kebezindung kenuhneenuhwanemoowin.

GENESIS 16:11 Iomraidhean Croise

GENESIS 17:19

Oo‐oo dush keëkedoo Kesha‐Muhnedoo, Sarah kewedegamahgun kagate oogahahyahwaun quewezansun; Isaac dush kegahezhenekahnah: kuhya ningahuhyeenjesittuhmoowah newahweendahmahgawin kahkenig cheähyaung, kuhya oonejahnesun kaähneka‐bemahdezenejin ween keïshquah‐bemahdezid:

GENESIS 21:17

Kesha‐Muhnedoo dush oogenoonduhwaun enewh ooshkenuhwan; kuhya oodangenemun owh Kesha‐Muhnedoo oogepepahgemaun Hagarun oonje ishpeming, oo‐oo keënaud, Ahneen andeyun Hagar? kagoo sagezekan; Kesha‐Muhnedoo mah oogenoondaun oodinwawin owh ooshkenuhwa ewede ahyaud.

GENESIS 37:25

Kenuhmuhduhbewug dush chewesinewaud; keöombishkinzhegwanewug dush keënahbewaud, benuh dush kepetahsuhmoosawug ahnind Ishmaelitug Gileading wanjebahjig oogeähyahwahwaun dush paquahwegunenejin pahmoonduhmenid menoomahgoojegunun kuhya mushkekeen, ezhewetoonid ewede Egypting.

PSALMS 22:24

Kah mah oogesheenganduhseen, kah kuhya oogekuhgwahnesugganduhseen ooketemahgezewin owh katemahgezid: kah dush kekahzoose chewahbuhmegoosig enewh: uhpe dush kahahnuhmeätahgood oogebezinduhwaun.

EXODUS 3:7

¶ Jehovah dush oo‐oo keëkedoo, Kagate ningewahbundaun ookooduhgetoowinewah nindahnishenahbamug Egypting ayahjig, kuhya ningenoondaun ookooduhgetahgoozewinewah oonje enewh ooduhnooke‐oogemahmewaun; ninkekandaun mah ookushkanduhmoowinewaun;

EXODUS 3:9

Benuh suh dush, ookooduhgetahgoozewinewah Israel oonejahnesun nindoödissegoon; kuhya dush ningewahbundaun ewh kooduhgetoowin azhekooduhjeëgoowaud enewh Egyptianun.

ST. LUKE 1:13

Owh dush angen oo‐oo oogeënaun, Kagoo sagezekan, Zacharias: kegebezindahgoo muh azhepahgoosanjegayun; kuhya dush owh kewedegamahgun Elizabeth oogahnegeäun enewh kaöogwisseyun, John dush kegahezhenekahnah.

ST. LUKE 1:31

Benuh dush, kegahkekishkahwah ahbenooje, kegahnegeäh dush quewezans, JESUS dush kegahezhenekahnah.

ST. LUKE 1:63

Oogenundoodaun dush muzzeneëgauns, keoozhebeëga dush, oo‐oo keëkedood, John suh tahezhenekahzoo. Kuhkenuh dush kemahmahkahdanduhmoog.