GENESIS 16:1 - Ottawa New Testament Penteteuch and Psalms 1874

¹ Sarai dush Abram oowedegamahgunun kahween oogenegetuhmahwahseen Abramun enewh ahbenoojeün: oogeähyahwaun dush buhmeetahgunequan, Egypting duhzhe equan, Hagar azhenekahzoonejin.

GENESIS 16:1 Iomraidhean Croise

GENESIS 11:30

Kah dush kenetahnegeëwase Sarai; kah ween keöonejahnesese.

GENESIS 12:16

Oogemenoo‐doodahwaun dush Abramun oonje enewh equawun; Abram dush keöomahnishtahnisheme, kuhya keöopezhekeme, kuhya keöodahyahbamamaungeshaëme, kuhya keöo buhmeetahgunene, kuhya keöobuhmeetahgunequame, kuhya keöonoozha‐mamaungeshaëme, kuhya keöopegwahweguneme.

GENESIS 15:21

Kuhya enewh Amoritun, kuhya enewh Canaanitun kuhya Girgashitun, kuhya Jebusitun.

GENESIS 21:12

¶ Kesha‐Muhnedoo dush oo‐oo oogeënaun Abrahamun, Kahween kegahkushkanduhse oonje ooshkenegish kuhya oonje kebuhmeetahgunequam; kuhkenuh kahenik Sarah bezindow; me‐mah Isaac kaöonjeëzhenekahnindwah kenejahnesug.

GENESIS 21:21

Keduhnuhkee dush emuh puhgwuhduhkummig Paran; oogeen dush oogeöodahpenuhmahgoon kawewejin ewede Egypting.

GENESIS 25:21

Isaac dush oogeähnuhmeätuhwaun Jehovahun kekuhnooduhmahwaud oowedegamahgunun, oonje oonejahnesesenig: oogebezindahgoon dush Jehovahun, me dush oowedegamahgunun Rebekahun keünjekoonid.

ST. LUKE 1:36

Benuh dush, owh kedaungoosha Elizabeth, kuhya ween ookekishkahwaun enewh quewezansun ahnoo goo kekaud: me noongoom ahzhe ningoodwahsoo‐keeziswahgud akoo‐unjekood owh wanejahnesesig anindebun.

ST. LUKE 1:7

Kah dush keöonejahnesesewug, ween muh Elizabeth kah kenegeähwuhzoose, nuhyazh dush zhuhyegwah kekeche‐kekahwug.

GALATIANUN 4:24

Ahwachegun ahwunoon oonoo debahjemoowinun: me suh enewh neezh kekindewinun; pazhik Sinai wahjewing oonjeemahgud, ahnookeemahgud dush chebuhmeetahgang, me suh Agar.