GENESIS 13:16 - Ottawa New Testament Penteteuch and Psalms 1874

¹⁶ Ningahezhenooäug kuhya kenejahnesug debishkoo ashenuk uhkeeng duhzhe weyuggussa: kishpin dush enene kushketood chetaähgindung uhkeeng duhzhe weyuggussa me uhpe kuhya kenejahnesug chetaühgemindwah.

GENESIS 13:16 Iomraidhean Croise

GENESIS 15:5

Oogesahgejewenaun dush ewede ahgwahjeeng, oo‐oo dush keënaud, Ishpeming enuhkuhkayah enahbin, ughim dush egewh ahnungoog, kishpin kushketooyun cheühgemudwah: oo‐oo dush oogeënaun, Mesuh kaëshenoowaud kenejahnesug.

GENESIS 16:10

Kuhya oo‐oo oogeëgoon Jehovah oodangenemun, Ningahkeche‐meshenooäug kenejahnesug, kah dush tahtaühgemahsewug kaëshenoowaud.

GENESIS 17:16

Ningahshahwanemah dush, kuhya kegahmeenin cheöogwisseyun oonje weyowing: kagate ningahshahwanemah, kuhya oogahoogeemegoon pukkaun azheweenzoonejin ahnishenahban; weyowing tahoondahdezewug kaöogemahkundahwahjig pukkaun azheweenzoonejin ahnishenahban.

GENESIS 17:2

Ningahoozhetoon dush wahweendahmahdewin kaëzhewahweendahmahdeyung keen kuhya neen, kuhya kegahkeche‐meshenooïn.

GENESIS 17:20

Keduhzhemud dush ween Ishmael kegebezindoon: Benuh, ningeshahwanemah, kuhya ningahmeshenooäh, cheähpeche‐bahtuhyenid; oogahoonejahnesenun metauswe ahshe neezh oogemaun, kuhya ningahenahkoonah kachetwahwezenid ahnishenahban cheöonejahnesid.

GENESIS 17:6

Kuhya kegahezheïn ahpeche chebahtuhenoowaud kenejahnesug, emuh dush keyowing tahoondahdezewug pukkaun azheweenzoojig ahnishenahbag, kuhya keche‐oogemaug tahoondahdezewug emuh keyowing.

GENESIS 18:18

Kekanduhmaun kagate wekeche‐enandahgoozid kuhya wekeche‐meshenood Abraham, ween dush tahoonjeshahwandahgoosewug kuhkenuh ahnooj azheweenzoojig ahnishenahbag.

GENESIS 21:13

Kuhya owh buhmeetahgun‐equa oonejahnesun ningahmeshenooäh, kedoogwissemah mah.

GENESIS 22:17

Shahwanemenaun kegahshahwanemin, kuhya meshenooënaun ningahmeshenooäug kenejahnesug debishkoo ishpeming duhzhe ahnungoog, kuhya ashenuk nagow tetebaoo kechegummeeng; kenejahnesug dush oogahdebandahnahwah oodishquaundamene enewh shaunganemegoowahjin;

GENESIS 26:4

Kuhya ningahmeshenooäug kenejahnesug cheëshenoowaud debishkoo ashenoowaud gezhigoong duhzhe ahnungoog, kuhya ningahmeenaug kenejahnesug kuhkenuh oonoo uhkeen; Keen edush kaöonejahneseyun tahoonjeshahwandahgoozewug ahnooj azheweenzoojig ahnishenahbag oomah uhkeeng;

GENESIS 28:14

Kenejahnesug dush taheshenoowug debishkoo ashenuk uhkeeng duhzhe pingwe, kuhya kegahduhnuhkee ewede apungeshemoog enuhkuhkayah, kuhya wahbunoong, kuhya kewadinoong, kuhya shahwunoong: keen dush kuhya kenejahnesug tahoonjeshahwandahgoozewug kuhkenuh bamahdezejig uhkeeng ayahjig ahnooj azheweenzoojig.

GENESIS 28:3

Kegahshahwanemig dush owh Mahyahmahwe‐mushkahwezid Kesha‐Muhnedoo, kuhya kegahmeshenooïg, kuhya kegahbahtuhenooïg, cheöoyoosemikwah dush nebewah pukkaun azheweenzoojig ahnishenahbag;

GENESIS 32:12

Kegeëkedoonahbun suh, Abetakummig kegahmenoo‐doodoon, kuhya ningahmeshenooäug kenejahnissug cheëshenoowaud ashenuk nagow cheguhbeeg atag tuhyaähginjegahdasenoog.

GENESIS 32:13

¶ Kekuhbashe dush ewede ewh tebekuk; kuhya oogeöodahpenaun ahnind oodahyahahmun wemeenaud enewh wekahnissun Esauün;

GENESIS 35:11

Kesha‐Muhnedoo dush oo‐oo oogeënaun, Neen nindow Kesha‐Muhnedoo Mahyahmahwe‐mushkahwezid: pahtuhyenoon kuhya ashkum meshenoon; nebewah papukkaun azheweenzoojig ahnishenahbag keyowing tahoondahdezewug, keche oogemaug kuhya keyowing tahoonjeewug;

GENESIS 46:3

Oo‐oo dush keëkedoo, NeKesha‐Muhnedowh, ningeöo-Kesha‐Muhnedoowemig koosebun: kagoo sagezekan weëzhahyun ewede Egypting duhzhe uhkeeng; ewede mah kegahenahkoonin chekeche‐meshenooyun:

EXODUS 1:7

¶ Israel dush oonejahnesun ashkum kebahtuhyenoowun kuhya ashkum kekechemeshenoowun kuhya ashkum kekeche‐mushkuhwezewun; oogemooshkenashkahnahwah dush ewh uhke.

EXODUS 32:13

Mequanim Abraham, Isaac, kuhya Israel, kebuhmeetahgunug, egewh kahmushkuhwe‐wahweenduhmuhwudwah keduhgoowenedezooyun, oo‐oo keënudwah, Ningahkuhgwahnesuhgenooäug kenejahnesewaug azhenoowaud egoo egewh uhnungoog kezhigoong ayahjig me ewh kaëzhenoowaud kuhya kuhkenuh oo‐oo uhke kahduhzhinduhmaun ningahmeenaug kenejahnesewaug, oogahdebandahnahwah dush egoo kahgenig.

NUMBERS 23:10

Ahwanan kakushketoopun ewh ooweyuhguhsayim owh Jacob cheühgindungebun, kuhya pooch noond ahbetuh anduhcnid owh Israel? Mahnoo suh ningahezhenib azhenebood owh quuhyuk‐azhewabezid, mahnoo kuhya azheïshquahbe-mahdezid ningahezheïshquahbemahdiz!

DEUTERONOMY 1:10

Jehovah keKesha‐Muhnedoomewah kegemeshenooegoowah, benuh dush, noongoom kezhiguk egewh uhnungoog kezhigoong ayahjig azhenoowaud kedezhenoom.

HEBREWUN 11:12

Emuh dush pazhik weyowemaung tahnuhsug naboongin kahenandahgwuk keöondahdezewug ahnishenahbag asheenoojig debishkoo ashenoowaud egewh kezhikoong duhzhe ahnungoog, kuhya azhebahtuheyenuk ewh nagow emuh cheegeebeeg mesuh azhebahtuhyeënoowaud.

REVELATION 7:9

Kahishquah‐ezhewabuk oo‐oo ningeënaub, benuh dush keche‐nebewah mahyahmahwenoojig, ahweyah kakushketoosegebun chetaühgemaud, ahnooj azheweenzojig, kuhya pakaunezejig ahnishenahbag, kuhya ahnooj anwajig bamahdezejig kenebahwewug anahsuhme‐ahyahnig ewh oogemah‐wuhbewin, kuhya anahsuhmid Mahnishtahnisheens, kewahbishke‐koonuhyawaud, kuhya ketuhkoonahmoowaud palm‐minahgahwunzhe‐wuhtikwaunsun;