GENESIS 13:13 - Ottawa New Testament Penteteuch and Psalms 1874

¹³ Egewh dush ween Sodoming duhzhe enenewug kekuhgwahnesugge‐mujjeëzhewabezewug kuhya kukuhkebahjeche-gawug anahsubmid Jehovah.

GENESIS 13:13 Iomraidhean Croise

GENESIS 10:9

Kekeche‐keöosa‐wenenewe dush anahsuhmid owh Jehovah: mesuh wanjeëkedoong, Nindegoo Nimrod owh keche-keöosa‐wenene anahsuhmid Jehovah.

GENESIS 15:16

Uhpe newing keähneka‐bemahdezewaud kenejahnesug menuhwah tahpeëzhahwug oomah: kahmah muhshe mooshkenasinene oomujje‐ezhewabezewinewah egewh Amoritug.

GENESIS 18:20

Jehovah dush oo‐oo keëkedoo, Oonzaum suh oombege-zeem ewede Sodoming kuhya Gomorahing, kuhya kuhgwahnesugge‐mujje‐ezhewabud;

GENESIS 19:13

Ningahbahnahjetoomin mah maunduh oodanah, oonje keche‐oombegezewaud anahsuhmid Jehovah; ningeëzhenahzhahoogoonaun dush Jehovah chebahnahjetooyaung.

GENESIS 38:7

Er dush, Judah oonetummoozhahnun, kemujjeëzhewabeze emuh anahsuhmid Jehovah; Jehovah dush oogenesaun enewh.

GENESIS 39:9

Kahween ahweyah ahwahshema keche‐ahpeetandahgoozese maunduh wegewauming neen dush ween; kah suh kuhya gagoo ningesahgetuhmahgoose keen atuh keyow, oowedegamahgunun mah kedow: ahneen dush kaëzhekushketooyaunbaun chedooduhmaun maunduh keche‐mujje‐ezhewabezewin, chemujje‐dooduhwuggebun dush Kesha‐Muhnedoo.

GENESIS 6:11

Kekuhgwahnesugge‐mujje‐ezhewabud uhkee anahsuhmid Kesha‐Muhnedoo, kuhya kemooshkenamahgud mujje‐doodahdewin emuh uhkeeng.

NUMBERS 32:23

Kishpin dush ween oo‐oo weëzhechegasewag, benuh kegemujje‐dooduhwahwah Jehovah: quuhyukwanduhmook dush ewh chemekahgooyag kemujjeëzhewabezewinewah.

St Matthew 9:10

Kepuhgummeähyah dush, magwah Jesus keduhzhe-wesenid emuh wegewaumening, Benuh, nebewah kepeëzhahwun mahwunjechega‐wenenewun kuhya majeëzhewabezenejin kewedoopuhmegood dush kuhya ookekenooähmahgunun.

St Matthew 9:13

Ahwenunduhkekanduhmook suh oo‐oo azhenesettootahgwuk, Nenunduhwandaun ewh shahwanendewin, kah dush ween ewh sahsahgewejegawin; kah suh ween ninpeöonjeëzhahse chenundoomugwah egewh manoo‐ezhewabezejig cheäunwanindezoowaud majeëzhewabezejig atuh.

ST. JOHN 9:24

Menuhwah dush oogenundoomahwaun enewh kahkuhkepeengwanepuneen, oo‐oo dush oogeënahwaun Meezh owh Kesha‐Muhnedoo ewh mahmooyahwawin, Ninkekanemahnaun suh wah‐owh enene chemujje‐ezhewabezid.

ST. JOHN 9:31

Kekekandahmin ewh bezindahwahsig owh Kesha‐Muhnedoo enewh majeëzhewabezenejin: kishpin dush ahweyah ahnuhmeätuhwaud enewh Kesha‐Muhnedoon, ezhechegad dush ewh uhyenanduhmenid, mesuh enewh kabezindahwahjin.

ROMANUN 1:27

Kuhya dush egewh enenewug kepoonetoowaud oodenahbuttezewinewah egewh equawug, kemujje‐nundahwanindewug; enenewug kemujjeähnookeetahwahwaud enewh weeje‐enenemewaun, quuhyuk keöodahpenuhmoowaud tebahahmahgoowin, oopukkatahwinewah oonje.

HEBREWUN 4:13

Kuhkenuh menik kahoozhetoojin oowahbundaunun: kuhkenuh dush uhyeëen puhgukkandahgwudoon kuhya mezheshuh‐wahbuhmenahgwudoon emuh ooshkeenzhegoong owh kadebahjemootuhwung kedezhewabezewinenahnin.

II. PETER 2:10

Mamwach enewh anoosanejin emuh weyausemaung emuh weenezewine‐mujje‐nunduhwanduhmoowining, kuhya nashepahpenooduhmenejin enewh oogemahwandahgoozewinun. Kechetwahwanemoowug suh oogoo, kuhya ananduhmoowaud ezhewabezewug, kahween ookootunsenahwaun wemujje‐duhzhinduhmoowaud enewh negaun‐andah goozewinun.

JUDE 1:7

Debishkoo kuhya Sodom kuhya Gomorrha, kuhya enewh oodanahwun emuh kewetuhyeëe kahahyaugin kahezhepuggedenedezoomahguk emuh peshegwahdezewining, kuhya kenoopenuhduhmoomahguk ewh mayugguk weyausemah, pagedenegahdanoon chekekenoowahbunduhming, koodugganduhmoomahguk emuh kahgega ishkootang ahzhittah doodahjegahdanoon.