Biblia Todo Logo
Bìoball air-loidhne

- Sanasan -




GENESIS 12:7 - Ottawa New Testament Penteteuch and Psalms 1874

7 Abram dush oogewahbuhmaun Kesha‐Muhnedoon, oo‐oo dush oogeëgoon, Ningahmeenaug kenejahnesug maunduh uhkee: ewede dush oogeöozhetoomahwaun Jehovahun kahwahbuhmahjin ewh sahsahgewejegun‐ahbik.

Faic an caibideil Dèan lethbhreac




GENESIS 12:7
55 Iomraidhean Croise  

Ewede dush keöonjekooze keëzhaud edush emuh wahjewing wahbunoong enuhkuhkayah oonje Betheling, kekuhbashe dush, Bethel dush apungishemoog keduhgoomahgudene, kuhya Ai wahbunoong keähyahmahgudene: me dush emuh keöozhetoomahwaud Jehovahun ewh sahsahgewejegun‐ahbik, kuhya oogenuhnaundoomaun Jehovahun.


Kuhkenuh mah menik wuhyahbunduhmun uhkee, kegahmeenin, kuhya kenejahnesug uhpena kahgenig.


Puhsegween, shahbooshkun ewh uhkee akoosing kuhya anegookoodasing; kegahmeenin suh goo.


Kekooze dush Abram, kuhya kekuhbashe emuh Mamreïng duhzhe mushkootang ewede Hebroning ayaug, ewede dush oogeöozhetoomahwaun Jehovahun ewh sahsahgewejegun‐ahbik.


Emuh ahtagebun ewh sahsahgewejegun‐ahbik, ewh wuhyashkud kahoozhetoopun: ewede dush Abram oogenuhnaundoomaun enewh Jehovahun.


Me ewh uhpe kezheguk Jehovah kewahweenduhmahwaud Abrahamun, oo‐oo keënaud, Ningemeenaug kenejahnesug maunduh uhkee, oonje Egypt duhzhe seebeeng peenish ewh keche‐sebe Euphrates azhenekahdag.


Uhpe dush Abram kahshaungusse‐meduhnuh dussoo‐pepoon‐uhgezid ahshe shaungusswe, oogewahbuhmaun Jehovahun, oo‐oo dush keëgood, Neen nindow owh mahyahmahwe‐mushkahwezid Kesha‐Muhnedoo; bemoosan anahsuhmeyaun, kuhya quuhyuk ezhewabezin.


Abram dush keähpuggezoo emuh metushkuhkummig: oogeguhnoonegoon dush Kesha‐Muhnedoon, oo‐oo keëgood.


Kegahmeenin dush keen, kuhya kenejahnesug keïshquah‐bemahdezeyun ewh uhkee emuh anduhzhe mahyuggezeyun, anegookwaug Canaan uhkee, chekahgega debanduhmoowaud; kuhya ningahoo‐Kesha‐Muhnedoomigoog.


Abraham dush oogewahbuhmaun Jehovahun emuh pahdukezood metigoomeezh emuh Mamreing: kahnuhmuhduhbepun dush emuh ishquaundamewunenig oowegewaum magwah kezhahtanig.


Ketuhgwishenoog dush ewede kahwahweenduhmahgood Kesha‐Muhhedoon; Abraham dush oogeöozhetoon sahsahgewejegun‐ahbik emuh, oogeëogwissetoonun dush wawane missun, kuhya oogetuhkoobenaun Isaacun oogwissun, kuhya oogeähsaun emuh sahsahgewejegun‐ahbikoong emuh oogij-misheeng.


¶ Owh Jehovah wakesha‐Muhnedookundung gezhig, kahsahgecheweezhid emuh noosebun oowegewauming, kuhya anduhnuhkewaud nindenuhwamahgunug, kahkuhnoozhid kuhya kahmushkahwe‐wahweenduhmahwid kuhya oo‐oo keëzhid, ningahmeenaug kenejahnesug maunduh uhkee, oogahezhenahzhahwaun enewh oodangenemun chenegahnenid emah kaneëzhahyun, ewede dush kegahoondenah ningwis kawedegamahjin.


Oogeöozhetoon dush sahsahgewejegun‐ahbik ewede, kuhya oogenuhnaundoomaun Jehovahun, kuhya keöozhega emuh: oobuhmeetahgunun dush owh Isaac oogewahnekahdahnahwah oondahebaun emuh.


Pahbahduhnuhkeen oomah uhkeeng, kegahweejewin dush, kuhya kegahshahwanemin; keen mah, kuhya kenejahnesug kegahmeenenim kuhkenuh oonoo uhkeen, kuhya ningahezhechega ewh kahmushkahwewahweenduhmahwugebun Abraham koosebun;


Benuh dush, Jehovah kenebahwe emuh oogejuhyeëe, oo‐oo dush keëkedood, Neen nindow Jehovah oo‐Kesha‐Muhnedoomun Abraham koosebun, kuhya oo‐Kesha‐Muhnedoomun owh Isaac: kegahmeenin ewh uhkee emuh anduhzhe nebahyun, kuhya kenejahnesug ningahmeenaug;


Kuhya kegahmeenig ooshahwandahgoozewin owh Abraham, keen kuhya kenejahnesug; chedebanduhmun ewh uhkee emuh anduhzhe‐muhyuggezeyun, ewh Kesha‐Muhnedoo kahmeenaud Abrahamun.


Jacob dush Peniel oogeëzhenekahdaun ewh uhkee: ningemechewahbuhmah mah Kesha‐Muhnedoo, kayahba dush ninbemahdiz.


Oogeöozhetoon dush ewede sahsahgewejegun‐ahbik, El‐elohe‐Israel dush oogeëzhenekahdaun.


Kegahmeenin dush ewh uhkee kahmeenugwah Abraham Kuhya Isaac, kuhya kenejahnesug ningahmeenaug ewh uhkee keïshquah bemahdezeyun.


Oogeöozhetoon dush sahsahgewejegun ahbik ewede, kuhya El‐beth‐el oogeëzhenekahdaun: oonje kewahbuhmaud Kesha‐Muhnedoon emuh uhpe kahoozhemaud wekahnesun.


Joseph dush oo‐oo oogeënaun wekahnisun, Newenib suh; ahbetakummig kegahoodissegoowah Kesha‐Muhnedoo, kuhya kegahsahgejewenegoowah oomah uhkeeng cheëzhewenenag dush emuh uhkeeng ewh kahmushkahwe‐wahweenduhmahwaud Abrahamun, kuhya Isaacun, kuhya Jacobun.


¶ Noah dush oogeöozhetuhmahwaun sahsahgewejegun‐ahbik enewh Jehovahun; kuhya anduhchenid pahnezenejin ahwaseyun, kuhya anduhchenid pahnezenejin penashewun, oogeöodahpenaun ahnind, kuhya oogepuggedenahmahwaun chahyahgedagin sahsahgewejegunun enewh Jehovahun.


Moses dush sahsahgewejegunahbik oojeöozhetoon, Jehovah‐nissi dush oogeëzhenekahdaun.


Moses dush oogeöozhebeähnun kuhkenuh enewh oodekedoowinun owh Jehovah, ahpeche dush kakezhabahwuhgudenig keöonishkah, keöozhetood dush sahsahgewejegun‐ahbik emah nesahke wuhjewing, kuhya medahswe‐ahshe‐neenzh uhsine-ahswahkwuhegunun, anduhswayuhgezid egoo owh Israel ewh medahswe‐ahshe‐neenzhwuhyuhgezid.


Mequanim Abraham, Isaac, kuhya Israel, kebuhmeetahgunug, egewh kahmushkuhwe‐wahweenduhmuhwudwah keduhgoowenedezooyun, oo‐oo keënudwah, Ningahkuhgwahnesuhgenooäug kenejahnesewaug azhenoowaud egoo egewh uhnungoog kezhigoong ayahjig me ewh kaëzhenoowaud kuhya kuhkenuh oo‐oo uhke kahduhzhinduhmaun ningahmeenaug kenejahnesewaug, oogahdebandahnahwah dush egoo kahgenig.


Jehovah dush oo‐oo oogeënaun enewh Mosesun, Mahjaunsuh, oomah oonjemahjaun, keen kuhya egewh ahnishenahbag kahsahgejewenudjig Egypt duhzhe uhkeeng, ezhaug dush ewede uhkeeng ewh kahmushkuhwe‐wahweenduhmuhwugebun, Abraham, Isaac, kuhya Jacob, oo‐oo keëkedooyaun, Kenejahnesug ewh ningahmeenaug:


Ningewahbuhmigoog dush Abraham, Isaac kuhya Jacob, Kesha‐Muhnedoo Muhyahmuhwe‐Mushkuhwezid keëzhenekahzooyaun, kah dush ween oogekekandunsenahwah Jehovah keëzhenekahzooyaun.


Ningeühyeenjesittoon dush kuhya newahweenduhmahgawin wahweenduhmuhwugwah, chemenugwah ewh Canaan duhzhe uhke, ewh uhke emah kebuhbahmahdezewaud, kuhya kahduhzhemuhyuhgezeyaun.


Ewh uhke tahmahduhoonahwug oogoo kadebanduhmoowaud menik egoo anduhchingin enewh ezhenekahzoowinun.


Egewh enenewug emuh Egypting kahoonjesahguhungig, neeshtuhnuh andussoo‐pepoon‐uhgezejig kuhya uhwuhshema, ahbedakummig kahween oogahwahbundunsenahwah ewh uhke kahwahweenduhmuhwuhgwahbun Abraham, Isaac, kuhya Jacob; kah mah wawane ningenoopenuhnegooseeg:


Kah dush oogemeenahseen ewh debandahsoowin emuh, kah kuhnuhga menik anegookoosittad: oogewahweenduhmahwaun dush wemeenaud ewh chedebanduhmenid, kuhya kaähneka‐bemahdezenejin oonejahnesun, chepwah oonejahnesenid.


Mesuh oo‐oo azhenesettootahgwuk, Egewh weyausing wanjenegejig, kahween oogoo oodoonejahnesemegoosewaun enewh Kesha‐Muhnedoon: egewh atuh emuh wahweendahmahgawining wanje‐negejig mesuh oogoo oonejahnesemahwug ananemindjig.


Me owh Abraham kuhya enewh oonejahnesun kahwahweenduhmoowindjig oonoo wahweendahmahgawinun. Kahween ekedoose, menekaunun, ewh chebahtuheïnewahpun; oo‐oo suh atuh pazhikwung, ewh kemenekaun, mesuh owh Christ.


Benuh dush, kenuhwind, nejekewaëdoog, kedoonejahnesemegoomin ewh wahweendahmahgawin debishkoo Isaac kahezheöonejahnesemind.


Benuh kegepuhgedenuhmoonim ewh uhke: peendegayook debanduhmook dush ewh uhke Jehovah kahwahweenduhmuhwahpun enewh koosewahbuneen, Abrahamun, Isaacun, kuhya Jacobun chemeenaud kuhya enewh oonejahnisene wahbemahdezenid.


Chesahgeüd Jehovah keKesha‐Muhnedoom, kuhya chenuhetuhmun oodinwawin, kuhya cheminjemenud: kebemahdezewin mah ahwe, kuhya ween wanjekenwaugin kekezhigudoomun: cheduhnuhkeyun emuh uhkeeng ewh Jehovah kahmushkuhwe‐wahweenduhmuhwaud koosebuneen, Abrahamun, Isaacun, kuhya Jacobun, chemeenaud.


Jehovah dush oo‐oo oogeënaun, Me suh oo‐oo uhke kahmushkuhwe‐wahweenduhmuhwugwahbun Abraham, Isaac, kuhya Jacob, oo‐oo keëkedooyaun, Ningahmeenaug ewh kenejahnesug: kedenanemin chewahbunduhmun kishkeenzhigoon uhyooyun, kah dush ween kegahahzhuhwuhoose ewede.


Tuhpuhgummeühyahmuhgud dush, uhpe owh Jehovah ke‐Kesha‐Muhnedoom kepeendegunik emuh uhkeeng kahmushkuhwe‐wahweenduhmuhwaud koosebuneen, Abrahamun, Isaacun, kuhya Jacobun, chemeenik oodanuhwun machaugin kuhya quanaujewungin, keen kahoozhetoosewun,


Kahween ewh kequuhyukezhewabezewin, gamuh ewh azhemenooezhewabezemuhguk keda, kedoonjeëzhahse chedebanduhmun ooduhkeemewah: oonje suh atuh oomujjeëzhewabezewinewah oogoo ahnishenahbag Jehovah keKesha‐Muhnedoom oosahgejenauzhuhwaun anahsuhmeyun, kuhya chedebishkoosedood ewh ekedoowin Jehovah kahezhemushkuhwe‐wahweenduhmuhwaud koosebuneen, Abrahamun, Isaacun, kuhya Jacobun.


Kuhkenuh oogoo keneboowug magwah kedabwayanduhmoowaud, keöodahpenunsigwah enewh kahwahweenduhmoowindwahpun, wahsuh atuh keöonzahbunduhmoowaud, keähnahmikahmoowaud dush kuhya kedabwayanduhmoowaud, kuhya dush mezheshuh keëkedoowaud ewh kemahyahdahwezewaud kuhya kebahbahmahdezewaud oomah uhkeeng.


Dabwayanduhmoowin suh kahoonje‐dabwatung Abraham uhpe kahnundoomind chesahgahung cheëzhaud dush emuh uhkeeng nahguj kapuggeduhnuhmoowindebun cheöoduhkeemid; kesahgahum dush ahnuhween goo kekanduhsig tebe wahezhahgoobunan.


Lean sinn:

Sanasan


Sanasan