GENESIS 12:3 - Ottawa New Testament Penteteuch and Psalms 1874

³ Kuhya ningahshahwanemaug egewh shawanemikig kuhya ningahkuhgwahnesuggeäug egewh kagwahnesuggeïkig: keen edush tahoonjeshahwandahgoozewug kuhkenuh ahnooj azheweenzoojig ahnishenahbag oomah uhkeeng.

GENESIS 12:3 Iomraidhean Croise

GENESIS 18:18

Kekanduhmaun kagate wekeche‐enandahgoozid kuhya wekeche‐meshenood Abraham, ween dush tahoonjeshahwandahgoosewug kuhkenuh ahnooj azheweenzoojig ahnishenahbag.

GENESIS 18:19

Nekekanemah mah kagate wekahgaunzoomaud oonejahnesun kuhya oowegewauming ayahnejin keïshquah‐bemahdezid, cheguhnuhwanduhmenid oodezhetwahwin Jehovah, cheëzhecheganid ewh quayukwuk kuhya manooëzhewabuk; chedoodahwaud dush owh Jehovah enewh Abrahamun ewh kahenaud.

GENESIS 22:18

Keen dush kaöonejahneseyun tahoonjeshahwandahgoozewug ahnooj azheweenzoojig; oonje kebezinduhmun nindinwawin.

GENESIS 24:35

Jehovah dush oogekeche‐shahwanemaun nindoogemaumun; kechetwahweze dush owh nindoogemaum; oogemeenegoon suh Jehovahun manishtahnishun, kuhya pezhekewun, kuhya shooneyah, kuhya oozahwah‐shooneyah, kuhya buhmeetahga‐enenewun, kuhya buhmeetahga‐equawun, kuhya paquahwegunenejin, kuhya mamaungeshaün.

GENESIS 25:11

¶ Kepuhgummeähyah dush kahnebood Abraham Kesha‐Muhnedoo keshahwanemaud oogwissun Isaacun; Isaac dush keduhnuhkee emuh oondahebauning Lahairoi.

GENESIS 26:29

Keen kuhnuhga chemujjedoodahwesewaung, debishkoo kahezhemujjedoodahgoosewun, kemenoo‐doodahgooyun atuh, kuhya kemahjenahzhahoogooyun emuh pezaunezewining; noongoom suh keshahwanemig owh Jehovah.

GENESIS 26:4

Kuhya ningahmeshenooäug kenejahnesug cheëshenoowaud debishkoo ashenoowaud gezhigoong duhzhe ahnungoog, kuhya ningahmeenaug kenejahnesug kuhkenuh oonoo uhkeen; Keen edush kaöonejahneseyun tahoonjeshahwandahgoozewug ahnooj azheweenzoojig ahnishenahbag oomah uhkeeng;

GENESIS 27:29

Mahnoo ahnishenahbag kegahbuhmeetahgoog, mahnoo kuhya ahnooj azheweenzoojig ahnishenahbag kegahshahgushketahgoog: oogemahkundowh kekahnesug, mahnoo kuhya kegahshahgushketahgoog keguh oogwissun: tahkuhgwahnesuggandahgooze owh kakuhgwahnesugganemik, kuhya tahshahwanemah owh kashahwanemik.

GENESIS 28:14

Kenejahnesug dush taheshenoowug debishkoo ashenuk uhkeeng duhzhe pingwe, kuhya kegahduhnuhkee ewede apungeshemoog enuhkuhkayah, kuhya wahbunoong, kuhya kewadinoong, kuhya shahwunoong: keen dush kuhya kenejahnesug tahoonjeshahwandahgoozewug kuhkenuh bamahdezejig uhkeeng ayahjig ahnooj azheweenzoojig.

GENESIS 30:27

Laban dush oo‐oo oogeënaun, Kepahgoosanemin, kishpin kahmekahmoowaunan minwandahgoozewin emuh anahsuhmeyun, oomah duhnezin; ninkekandaun mah Jehovah keshahwanemid keen oonje.

GENESIS 30:30

Punge suh atuh kegeähyahwahbuneeg chebwah tuhgwishenaun, noongoom dush keche‐bahtuhyenoowug kedahyahahmug; kegeshahwanemig kuhya Jehovah pahahkoo tuhgwishenaun: ahneen suh dush uhpe kaöondenuhmoowugwah gagoo egewh ahyahjig emuh neen tebenuhwa newegewauming?

GENESIS 39:5

Kepuggummeähyahmahgud dush uhpe kahahnoonegood Joseph enewh oodoogemahmun cheguhnuhwandung oowegewaum, kuhya kuhkenuh ooduhyeemun, Jehovah oogeshahwandaun oowegewaumene enewh Egypting duhzhe enenewun oonje owh Joseph; Jehovah dush oogeshahwandaunun kuhkenuh oodahnookeewinun emuh wegewauming, kuhya emuh ketegauning.

PSALMS 72:17

Kahgenig tahduhgoomahgudene oodezhenekahzoowin, ashkum tahkekandahgwudene oodezhenekahzoowin menik kaähgoojing keezis: mesuh ween kaöonjeshahwandahgoozewaud enenewug: shahwandahgooze oogahenanemegoon ahnooj azheweenzoonejin ahnishenahban.

EXODUS 23:22

Kïshpin dush ween kagate nuhittuhwud, kuhya ezhechegayun kuhkenuh akedooyaun: me suh chemegahnugwah egewh mahgahnikig, kuhya chesheenganemugwah egewh shaunganemikig.

NUMBERS 24:9

Kezhingishin, meshebezheeng keëzheshin, kuhya kechemeshebezheeng: ahwanan kaühmuhjeäud? Shahwandahgooze suh owh keguhshahwandahgooz anik, kuhgwahnesuhgandahgooze dush owh nuhyahneboomik.

St Matthew 25:40

Owh dush keche‐oogemah oogahnuhquatuhwaun oo‐oo cheënaud, Kagate kedenenim, ewh menik oo‐oo kahdoodahwag kuhnuhga pazhik kache‐noondaush‐ahpetandahgoozid nejekewa neen suh kegedoodahwim.

St Matthew 25:45

Medush chenuhquatuhwaud oo‐oo cheëkedood, Kagate kedenenim, Ewh menik kahdoodahwahsewag kuhnuhga pazhik kache‐noondaush‐ahpetandahgoozid oogoo anduhchewaud, neen suh goo kah kegedoodahweseem.

ST. LUKE 24:27

Emuh dush keöonjemahjaud Mosesun kahezhebeëganid, kuhya aunwahjega‐wenenewun kahezhebeëganid, oogewahweenduhmahwaun emuh kuhkenuh ewh kechetwah‐oozhebeëguning ween tebenuhwa kahenahjemind.

ROMANUN 4:11

Oogeöodahpenaun dush ewh kekenoowahje‐kishkezhegahzoowin, chekekenoowahduk ewh quuhyuk‐ezhewabezewin kahoonjeemahguk emuh dabwayanduhmoowining keähyaud pwah muhshe kekenoowahje‐kishkezhegahzood: cheöoyoosemegood kuhkenuh enewh duhyabwayanduhmenejin, mesuhwah goo pwah‐kekenoowahje‐kishkezhegahzoomenid; kuhya wenuhwah cheënuhginduhmoowindwah ewh quuhyuk‐ezhewabezewin:

I. CORINTHIANUN 1:30

Ween suh wanje‐debandahgoozeyag emuh Christ Jesusing, owh kahpuggedenegood enewh Kesha‐Muhnedoon, cheähwid kenebwahkahwinenaun, kuhya keminwandahgoozewinenaun, kuhya kequuhyuk‐ezhewabezeëgoowinenaun, kuhya kebemahjeëgoowinenaun:

GALATIANUN 3:16

Me owh Abraham kuhya enewh oonejahnesun kahwahweenduhmoowindjig oonoo wahweendahmahgawinun. Kahween ekedoose, menekaunun, ewh chebahtuheïnewahpun; oo‐oo suh atuh pazhikwung, ewh kemenekaun, mesuh owh Christ.

GALATIANUN 3:28

Kahween puhkaunezesewug Jewyug gamuh Greekug, egewh bameetahgajig gamuh egewh tabanindezoojig, kah kuhya egewh enenewug gamuh egewh equawug: kuhkenuh muh kepazhegoom emuh Christ Jesusing.

GALATIANUN 3:8

Kuhya dush Kechetwah‐oozhebeëgun, kezhah kekekanduhmoomahguk owh Kesha‐Muhnedoo weminwandah-goozeäud enewh mayuggezenejin oonje dabwayanduhmoowin, kezhah wahweendahmahwaud ewh minwahjemoowin enewh Abrahamun, oo‐oo keëkedoomahguk, Keen suh tahoonje‐shahwandahgoozewug kuhkenuh ahnooj azheweenzoojig ahnishenahbag.

EPHESIANUN 1:3

Tahmahmooyahwahmah Kesha‐Muhnedoo oosun owh Tabanemenung Jesus Christ, owh kahshahwanemenung kuhkenuh wajechaugwandahgwukkin shahwandahgoozewinun ewede kezhegoong anduhgoogin emuh Christing:

COLOSSIANUN 3:11

Emuh kahween pekinoong enanemahsewug owh Greek kuhya owh Jew, owh kakenoowahje‐kishkezhegahzood kuhya owh kakenoowahje‐kishkezhegahzoosig, owh mahyuggezid, owh Scythian, owh ahwuhkaune enene kuhya owh dabandung tebenuhwa weyow; owh suh Christ mahmahwe kushkechega, kuhya ookekishkahwaun kuhkenuh.

REVELATION 7:9

Kahishquah‐ezhewabuk oo‐oo ningeënaub, benuh dush keche‐nebewah mahyahmahwenoojig, ahweyah kakushketoosegebun chetaühgemaud, ahnooj azheweenzojig, kuhya pakaunezejig ahnishenahbag, kuhya ahnooj anwajig bamahdezejig kenebahwewug anahsuhme‐ahyahnig ewh oogemah‐wuhbewin, kuhya anahsuhmid Mahnishtahnisheens, kewahbishke‐koonuhyawaud, kuhya ketuhkoonahmoowaud palm‐minahgahwunzhe‐wuhtikwaunsun;