GENESIS 12:2 - Ottawa New Testament Penteteuch and Psalms 1874

² Ningahenahkoonega dush chekechetwah‐ahnishenahbawewaud kenejahnesug, kuhya kegahshahwanemin, kuhya ningahkechetwahwetoon kedezhenekahzoowin; keen edush tahoonjeshahwandahgoozim:

GENESIS 12:2 Iomraidhean Croise

GENESIS 13:16

Ningahezhenooäug kuhya kenejahnesug debishkoo ashenuk uhkeeng duhzhe weyuggussa: kishpin dush enene kushketood chetaähgindung uhkeeng duhzhe weyuggussa me uhpe kuhya kenejahnesug chetaühgemindwah.

GENESIS 15:5

Oogesahgejewenaun dush ewede ahgwahjeeng, oo‐oo dush keënaud, Ishpeming enuhkuhkayah enahbin, ughim dush egewh ahnungoog, kishpin kushketooyun cheühgemudwah: oo‐oo dush oogeënaun, Mesuh kaëshenoowaud kenejahnesug.

GENESIS 17:20

Keduhzhemud dush ween Ishmael kegebezindoon: Benuh, ningeshahwanemah, kuhya ningahmeshenooäh, cheähpeche‐bahtuhyenid; oogahoonejahnesenun metauswe ahshe neezh oogemaun, kuhya ningahenahkoonah kachetwahwezenid ahnishenahban cheöonejahnesid.

GENESIS 18:18

Kekanduhmaun kagate wekeche‐enandahgoozid kuhya wekeche‐meshenood Abraham, ween dush tahoonjeshahwandahgoosewug kuhkenuh ahnooj azheweenzoojig ahnishenahbag.

GENESIS 18:19

Nekekanemah mah kagate wekahgaunzoomaud oonejahnesun kuhya oowegewauming ayahnejin keïshquah‐bemahdezid, cheguhnuhwanduhmenid oodezhetwahwin Jehovah, cheëzhecheganid ewh quayukwuk kuhya manooëzhewabuk; chedoodahwaud dush owh Jehovah enewh Abrahamun ewh kahenaud.

GENESIS 19:29

¶ Kepuhgummeähyah dush uhpe Kesha‐Muhnedoo kahbahnahjetood mushkoodang duhzhe oodanahwun, Kesha‐Muhnedoo oogemequanemaun Abrahamun kesahgejenahzhahwaud dush Lotun oonje oodanaung kahbahnahjetood, uhpe banahjetood enewh oodanahwun emuh wahdatoopun owh Lot.

GENESIS 24:1

Abraham dush kekekah, kuhya nebewah keduhsoo‐pepoon‐uhgeze: Jehovah dush oogeshahwanemahbuneen Abrahamun kuhkenuh kahenuhnookeenid.

GENESIS 24:35

Jehovah dush oogekeche‐shahwanemaun nindoogemaumun; kechetwahweze dush owh nindoogemaum; oogemeenegoon suh Jehovahun manishtahnishun, kuhya pezhekewun, kuhya shooneyah, kuhya oozahwah‐shooneyah, kuhya buhmeetahga‐enenewun, kuhya buhmeetahga‐equawun, kuhya paquahwegunenejin, kuhya mamaungeshaün.

GENESIS 25:11

¶ Kepuhgummeähyah dush kahnebood Abraham Kesha‐Muhnedoo keshahwanemaud oogwissun Isaacun; Isaac dush keduhnuhkee emuh oondahebauning Lahairoi.

GENESIS 26:3

Pahbahduhnuhkeen oomah uhkeeng, kegahweejewin dush, kuhya kegahshahwanemin; keen mah, kuhya kenejahnesug kegahmeenenim kuhkenuh oonoo uhkeen, kuhya ningahezhechega ewh kahmushkahwewahweenduhmahwugebun Abraham koosebun;

GENESIS 26:4

Kuhya ningahmeshenooäug kenejahnesug cheëshenoowaud debishkoo ashenoowaud gezhigoong duhzhe ahnungoog, kuhya ningahmeenaug kenejahnesug kuhkenuh oonoo uhkeen; Keen edush kaöonejahneseyun tahoonjeshahwandahgoozewug ahnooj azheweenzoojig ahnishenahbag oomah uhkeeng;

GENESIS 27:29

Mahnoo ahnishenahbag kegahbuhmeetahgoog, mahnoo kuhya ahnooj azheweenzoojig ahnishenahbag kegahshahgushketahgoog: oogemahkundowh kekahnesug, mahnoo kuhya kegahshahgushketahgoog keguh oogwissun: tahkuhgwahnesuggandahgooze owh kakuhgwahnesugganemik, kuhya tahshahwanemah owh kashahwanemik.

GENESIS 28:14

Kenejahnesug dush taheshenoowug debishkoo ashenuk uhkeeng duhzhe pingwe, kuhya kegahduhnuhkee ewede apungeshemoog enuhkuhkayah, kuhya wahbunoong, kuhya kewadinoong, kuhya shahwunoong: keen dush kuhya kenejahnesug tahoonjeshahwandahgoozewug kuhkenuh bamahdezejig uhkeeng ayahjig ahnooj azheweenzoojig.

GENESIS 35:11

Kesha‐Muhnedoo dush oo‐oo oogeënaun, Neen nindow Kesha‐Muhnedoo Mahyahmahwe‐mushkahwezid: pahtuhyenoon kuhya ashkum meshenoon; nebewah papukkaun azheweenzoojig ahnishenahbag keyowing tahoondahdezewug, keche oogemaug kuhya keyowing tahoonjeewug;

GENESIS 46:3

Oo‐oo dush keëkedoo, NeKesha‐Muhnedowh, ningeöo-Kesha‐Muhnedoowemig koosebun: kagoo sagezekan weëzhahyun ewede Egypting duhzhe uhkeeng; ewede mah kegahenahkoonin chekeche‐meshenooyun:

PSALMS 107:38

Oogeshahwanemaun enewh cheöonjekeche‐meshenoonid: kah dush oogepuggedenemahseen enewh oodahwahkahnewaun cheneboonid.

EXODUS 1:7

¶ Israel dush oonejahnesun ashkum kebahtuhyenoowun kuhya ashkum kekechemeshenoowun kuhya ashkum kekeche‐mushkuhwezewun; oogemooshkenashkahnahwah dush ewh uhke.

EXODUS 32:10

Umba suhnoo poonemeshin, chepuhguhmishkahgoowaud nenishkahdezewin, chenishwuhnahjeügwah dush: kegahenahkoonin dush keen chebahtuhyenooyun.

NUMBERS 14:12

Ningahpuhketawaug mujjeënahpenawin uhyooyaun, kahween kuhya ningahmeenahseeg tebenuhwawezewin, kegahpahtuhyenooïn dush keen kuhya nuhwuj tuhmushkuhwezewug kenejahnesug kanebemahdezejig wenuhwah dush ween.

NUMBERS 22:12

Kesha‐Muhnedoo dush oo‐oo oogeënaun Balaamun, Kahween kegahweejewahseeg; kahween kegahnahneboomahseeg egewh ahnishenahbag: shahwandahgoozewug mah.

NUMBERS 23:20

Benuh, ningekuhgaunzoomegoo cheweenduhmaun shahwandahgoozewin: keshahwanjega dush; kah dush nindahkushketooseen chequakesedooyaun.

ROMANUN 4:11

Oogeöodahpenaun dush ewh kekenoowahje‐kishkezhegahzoowin, chekekenoowahduk ewh quuhyuk‐ezhewabezewin kahoonjeemahguk emuh dabwayanduhmoowining keähyaud pwah muhshe kekenoowahje‐kishkezhegahzood: cheöoyoosemegood kuhkenuh enewh duhyabwayanduhmenejin, mesuhwah goo pwah‐kekenoowahje‐kishkezhegahzoomenid; kuhya wenuhwah cheënuhginduhmoowindwah ewh quuhyuk‐ezhewabezewin:

GALATIANUN 3:14

Chepuggummishkahgoowaud egewh mayuggezejig ewh ooshahwandahgoozewin Abraham oonje owh Christ Jesus, cheöodahpenahmung Keche‐Oojechaug kahezhewahweendahmahgooyaung, oonje ewh dabwayanduhmoowin.

GALATIANUN 3:7

Kekanduhmook edush egewh dabandahgoozejig emuh dabwayanduhmoowining, me suh egewh oonejahnesun Abraham ahyahwejig.

DEUTERONOMY 26:5

Kegahkekid dush oo‐oo cheëkedooyun anahsuhmeed owh Jehovah keKesha‐Muhnedoom. Pazhig Syrian ahzhegwuh goo wahnebood keähwe noos, keëzhah dush Egypting, keduhnuhke kuhya ewede pungeshawuhgezid, bahmah dush kebahtuhyenoo, kekechetwahwandahgooze, kuhya kemushkuhweze: