10 ¶ Kepukkuddakummegud ewede uhkeeng: Abram dush keëzhah emuh Egypting chenahkahwa‐duhnezid emuh: kekuhgwahnesugge‐keche‐pukkuddakummegud mah emuh uhkeeng.
Kepukkuddakummegud dush emuh anegookkookummegaug uhkee: Joseph dush oogenesahkoonaunun kuhkenuh enewh ahtahsoo‐weguhmigoon, kuhya oogeähtahmaun enewh Egyptianun; ashkum dush kekeche‐pukkuddakummegud emuh Egypting duhzhe uhkeeng.
Ahnooj edush anduhnuhkeejig uhkeeng oogepenaunzekahwahwaun Josephun emuh Egypting chekishpinuhtoowaud buhquazhegun; oonje kekeche‐pukkuddakummegaug uhkee.
Oogwissun dush Israel kepeëzhahwug chekishpinuhtoowaud buhquazhegun, oogebeweejewahwaun suh ahnind kahbeëzhahnejin: kepukkuddakummegud mah emuh Canaaning duhzhe uhkeeng.
Kekeche‐pukkuddakummegud dush emuh uhkeeng.
¶ Kah dush kebuhquazhegunekahsenoon mezewa emuh uhkeeng; kekeche‐pukkuddakummegud mah, kuhkenuh dush anduhnuhkeejig emuh Egypting kuhya emuh Canaaning kenoondashinoog oonje kepukkuddahummegudenig.
Uhpe kebahbahwahbuhmahwaud pukkaun asheweenzoonejin ahnishenahban: kuhya kepahbahoodittahmoowaud pakaunukkin oogemahwewinun.
Wanesheshing uhkee cheshewetahgunewung: oonje oomujje‐ezhewabezewinewaun egewh waduhkeemejig.
Netuh‐keche‐ahnemeze owh manoo‐ezhewabezid oobemahjeëgoon suh enewh Jehovahun oonje kuhkenuh oodahnemezewinun.
Kegeëzheguhnoonenim oonoo, ewh dush nuh pezaunewawin cheähyahmag neen oonje. Emuh uhkeeng kegahahyahnahwah ewh megooshkahjeëwawin: bahpenanduhmook suh goo; neen ningemahmauzhetoon ewh uhkee.
Keäunwahjeähwaud enewh kekenooähmahgunun, kuhya kekuhgekemahwaud cheminjemanduhmenid ewh dabwayanduhmoowin, chenundahwandahgoozeyung emuh nebewah kooduggegezewining cheöonjepeendegayung emuh oodogemahwewining owh Kesha‐Muhnedoo.
Kekeche‐puhkuhdawenahgud dush, kuhya kekootug-gandahgwud emuh anegookookummegaug Egypt kuhya Canaan; kah dush oogemekunsenahwah egewh kooseminahbuneeg ewh meejim.