GENESIS 1:26 - Ottawa New Testament Penteteuch and Psalms 1874

²⁶ ¶ Kesha‐Muhnedoo dush keëkedoo, Umba oozheähdah enene azhenahgoozeyung kuhya azhewabezeyung kegahezheähnaun: Kuhya oogahoogemahkundahwaun gegooyun kechegummeeng ayahnejin, kuhya enewh pabahmesanejin emuh meshuh‐kezhigoong, kuhya ahwahkaunun, kuhya anegookookummegaug uhkee, kuhya kuhkenuh pabahmoodanejin emuh metushkuhkummig.

GENESIS 1:26 Iomraidhean Croise

GENESIS 11:7

Umba, uhkeeng ezhahdah chenishwuhnauzinwaüngwah, chenesittootahdesigwah.

GENESIS 2:19

Uhkeeng edush Jehovah Kesha‐Muhnedoo oogeöonjeöozheäun kuhkenuh mushkootang duhzhe ahwaseeün, kuhya kuhkenuh penasewun pabahmesanejin gezhigoong; kuhya oogepetuhmahwaun Adamun wewahbuhmaud kaëzhenekahnahnid enewh; nuhmunj edush Adam kahezhenekahnahgwan kuhkenuh bamahdezenejin, mesuh goo kahëzhenekahzoowaud.

GENESIS 3:22

¶ Me dush uhpe oo‐oo kahekedood Jehovah Kesha‐Muhnedoo, Benuh, enene anandahgoozeyung enandahgooze, oonje kekandung ewh wanesheshing kuhya mujje‐uhyeëewish; koonemah tahzhebenekane, cheöodahpenung azhemeenewid bemahdezewine metig, oodahaumwaun dush chekahgega bemahdezid.

GENESIS 5:1

Maunduh muzzeneëgun enahjemoomahgud kahezheähneka‐bemahdezenid Adam oonejahnesun. Ewh kezheguk uhpe Kesha‐Muhnedoo keöozheäud enenewun, emuh oodezhenahgozewining Kesha‐Muhnedoo oogeëzheäun.

GENESIS 9:6

Ahwagwan kaöonjegahtuhmoowahgwan enenewun oomisqueemene, ween oomisqueem oogahoonjegahtuhmahgoon enenewun: Kesha‐Muhnedoo mah oogeëzheoozheäun enenewun emuh tebenuhwa oodezhenahgoozewining.

PSALMS 100:3

O peendegag emuh oodishquaundaming chemahmooyahwahmag kuhya emuh oowegewahming chewahwezhanemag: megwachewanemik kuhya menooduhzhindahmahwik oodezhenekahzoowin.

PSALMS 149:2

Israel oogahmoojegezetahwaun enewh Wazheegoojin: Zion oonejahnesun tahoonahnegwanduhmoon oonje ookeche‐oogemahmewaun.

ST. JOHN 14:23

Jesus dush oogenuhquatuhwaun, oo‐oo dush keënaud, Kishpin ahweyah sahgeïd, oogahguhnuhwandaunun nindekedoowinun: Owh dush Noos oogahsahgeäun: ningahbenaunzekahwahnaun kuhya ningahweej‐ahyahwahnaun.

ST. JOHN 5:17

Jesus dush oogenuhquatuhwaun, Noos ahnooke nahnauzh egoo noongoom, kuhya neen ninduhnookee.

OODEZHECHEGAWINEWAH 17:20

Kepedebahdoodahnun muh mamukkahdandahgwukkin emuh netuhwuggahnaung; newekekandahmin dush nuhmunj azhewabudoogwan oo‐oo ezhetwahwin.

OODEZHECHEGAWINEWAH 17:26

Pazhigwunoong cheöonjeoomisqueemenid oogeëzheaun kuhkenuh ahnooj azheweenzoonejin enenewun cheduhnuhkeenid emuh anegookookummegaug ewh uhkee, kuhyet keënahkoonegad uhpe kadebishkoosanig chebemahdezenid kuhya menik kaähbetuhmenid;

I. CORINTHIANUN 11:7

Kah suh kagate tahoowewuhquaunese owh enene, ween muh ahwe oodezhenahgoozewin kuhya oopeshegandahgoozewin owh Kesha Muhnedoo: owh dush equa ahwe oopeshegandahgoozewin owh enene.

II. CORINTHIANUN 3:18

Kenuhwind dush kuhkenuh agwingwabezoosewung kishkinzhegoonaung mechewahbundahmung debishkoo emuh wahbumoojechaugwuning ewh oopezhegandahgoozewin owh Tabaningad, kedaunjeëgoomin nahsaub cheezhenahgoozeyung ashkum chepezhegandahgoozeyung, oonje enewh oojechaugwun owh Tabaningad.

II. CORINTHIANUN 4:4

Egewh duhyabwayanduhsigoog kekuhkepeengwa-egoowaud emuh oodenanduhmoowinewaung enewh oomah uhkeeng duhzhe muhnedoon, cheöonje‐wahsashkahgoosigwah ewh Christ oominwahjemoowine‐wahsayahzewin, owh oodezhenahgoozewin Kesha‐Muhnedoo ahyahwid.

EPHESIANUN 4:24

Chepesekuhmag dush ewh ooshke enenewewin, kahoozhechegahdag nahsaub azhewabezid Kesha‐Muhnedoo emuh menoo‐ezhewabezewining kuhya emuh quuhyuk‐wahdezewining.

COLOSSIANUN 1:15

Me suh owh ahyahwid oodezhenahgoozewin owh wuhyahbuhmenahgoozesig Kesha‐Muhnedoo, owh netum kahahyaud chepwah ahyahwaud kuhkenuh menik kahoozheïndjig:

COLOSSIANUN 3:10

Kuhya dush kepesekahwag owh ooshke enene, owh uhyaunjeïnd emuh kekandahsoowining debishkoo azhenahgoozenid enewh kahoozheëgoojin:

JAMES 3:7

Ahnooj doowah ahwaseyug, kuhya penashewug, kuhya kenabigoog, kuhya kuhkenuh emuh kechegummeeng ayahjig waungahweähwug, oogewaungahweëgoowaun enewh enenewun.

JAMES 3:9

Me suh ewh ayooyung wahyahwezhanemungoon Kesha‐Muhnedoo Wayoosemind; mesuh kuhya ayooyung maje‐guhnoonungwahnin enenewug, egewh kahoozheïndjig emuh oodezhenahgoozewining Kesha‐Muhnedoo.

I. JOHN 5:7

Nesewug muh egewh dabahjemoojig ewede kechekezhegoong, Wayoosemind, Ekedoowin, kuhya Keche‐Oojechaug: pazhegoowug oogoo neswe.