GENESIS 1:16 - Ottawa New Testament Penteteuch and Psalms 1874

¹⁶ Kesha‐Muhnedoo dush oogeöozheäun neezh keche‐kezisoon; kache‐mindedoonejin kezisoon cheöogemahkundahmenid ewh kezhik, kuhya enewh agahsheënejin cheöogemahkundahmenid tebik: kuhya dush ahnungoon oogeöozheäun.

GENESIS 1:16 Iomraidhean Croise

GENESIS 1:15

Kuhya tahähsahwug emuh mezhuh‐kezhigoong chekezisoowewaud chewahsashkuhmoowaud uhkee: me dush kahezhewabuk.

PSALMS 148:3

Mahmooyahwahmik kezis kuhya tebike‐kezis: mahmooyahwahmik kuhkenuh ahnungoodoog.

PSALMS 148:5

Mahnoo oogahmahmooyahwahgandahnahwah Jehovah oodezhenekahzoowin: keëkedoo dush cheoozhechegahdag, keöozhechegahdanoon dush.

PSALMS 19:6

Wahyaquaug suh keezhik oonje‐sahguhum, kuhya kewetaushkah nahnauzh ezhekewamahguk emuh wuhyaquaug: kuhkenuh uhyeëen kezhetanoon apeech kezhahtag.

PSALMS 74:16

Keen kedebandaunun kezhegud kuhya tebekud: keen kegeöozhetoonun wahsayahzewin kuhya keezisoon.

PSALMS 8:3

Uhpe nahyahnahgahdahwanduhmaunin enewh kekezhekoom keneenjeeng kahoozhetooyun: owh tebeke‐keezis kuhya ahnungoog kahahsudjig.

St Matthew 24:29

Bahbega dush keëshquah‐oojahnemekummeguk uhpe oonoo kezhegudoon, tahtebekahbuhmenahgooze owh kezheke‐kezis, owh dush tebike‐kezis kahween tahwahsayahzese, egewh ahnungoog kezhegoong tahoonjepungeshenoog, kuhya enewh kezhegoong duhzhe‐mushkahwezewinun tahnuhningishkahmahgudoon.

St Matthew 27:45

Nahyahwuhquag dush ketebikahbuhmenahgwud emuh anegookookummegaug uhkee peenish egoo ewh uhpe shaungoosoo‐tebahegun.

I. CORINTHIANUN 15:41

Pazhikwunene suh ewh oopezhegandahgoozewin kezhike‐keezis, kuhya pukkaun ezheähyahne oopezhegandahgoozewin owh tebike‐kezis, kuhya pukkaunudene oopezhegandahgoozewinewah ahnungoog: papukkaun suh ezhepezhegandahgoozewug egewh ahnungoog.

DEUTERONOMY 4:19

Kuhya kezhigoong cheëzheöombenuhsewun kishkeenzhigoon, uhpe dush wahbuhmud keezis, kuhya tebik‐keezis, kuhya egewh uhnungoog, kuhkenuh suh goo egewh buhyahtuhyenoojig kezhigoong, chegaundenegoosewun cheähnuhmeätuhwudwah, kuhya chebuhmeetuhwudwah, enewh Jehovah keKesha‐Muhnedoom mahnahjin kuhkenuh uhnooj azheweenzoonejin ahnishenahban uhnaume‐kezhigoong.

REVELATION 21:23

Emuh oodanaung kahween kenunduhwanemahse kezis gamuh tebike‐kezis chewahsayaug emuh, ewh muh oopeshegandahgoozewin Kesha‐Muhnedoo mesuh wanjewahsayaug emuh, kuhya Mahnishtahnisheens ewede duhzhe wahsayahzewin ahwe.