GENESIS 1:14 - Ottawa New Testament Penteteuch and Psalms 1874

¹⁴ ¶ Kesha‐Muhnedoo dush keëkedoo, Tahahgoojinoog kezisoog emuh mezhuh‐kezhikoong chenanuhwenuhmoowaud keezhik kuhya tebik; kuhya kekenoowahjechegunun chekekenoowahduk neebin kuhya pepoon, kuhya kezhegudoon kuhya kekenoonoowinun.

GENESIS 1:14 Iomraidhean Croise

GENESIS 1:13

Oonahgooshe dush kuhya kekezhab kenesookezhegud.

GENESIS 1:15

Kuhya tahähsahwug emuh mezhuh‐kezhigoong chekezisoowewaud chewahsashkuhmoowaud uhkee: me dush kahezhewabuk.

GENESIS 8:22

Menik kaühkeewung, kah wekah tahpooneëzhewabussenoon chedebishkoosag chepuggedenuhming menekaun kuhya chekeeshkushkizhegang, chekesinaug kuhya chekezhahtag, cheneebing kuhya chepepoong, chekezheguk kuhya chetebekuk.

GENESIS 9:13

Nindahtoon nindahgwahnebesaun emuh ahnuhquudoong, mesuh ewh kaöonjekekenoowahduk ewh wahweendahmahgawin azhewahweenduhmoowugwah uhkeeng ayahjig.

PSALMS 119:91

Oonje mah ketebahkoonegawin ahyahmahgudoon noongoom kezheguk: kebuhmeetahgoonun mah kuhkenuh:

PSALMS 148:3

Mahmooyahwahmik kezis kuhya tebike‐kezis: mahmooyahwahmik kuhkenuh ahnungoodoog.

PSALMS 148:6

Oogeühyeenjesittoonun kahgenig uhpena kahgenig cheduhgoomahguk: oogeähtoon tebahuhkee‐kekenoowahjechegun kakuhbekahjegahdasenook.

PSALMS 150:1

Mahmooyahwahmik Jehovah. Mahmooyahwahmik Kesha‐Mudnedoo emuh ookecheahnuhmeä — weguhmigoong: mahmooyahwahmik ewede kezhigoong anduhzhe‐mushkahwezid.

PSALMS 81:3

Pootahjegayook ewh pootahjegun uhpe washkeahgoojing tebike‐kezis: uhpe wajechesag ewh kechetwah kezhegud.

St Matthew 2:2

Oo‐oo dush keëkedoowaud, Ahneende ahyaud owh kahnegid oodoogemahmewaun egewh Jewyug? nengewahbuhmahnaun suh oodahnungoomun ewede wahbunoong, cheshahgushkeetuhwungid dush nepeöonje‐ezhahmin.

St Matthew 24:29

Bahbega dush keëshquah‐oojahnemekummeguk uhpe oonoo kezhegudoon, tahtebekahbuhmenahgooze owh kezheke‐kezis, owh dush tebike‐kezis kahween tahwahsayahzese, egewh ahnungoog kezhegoong tahoonjepungeshenoog, kuhya enewh kezhegoong duhzhe‐mushkahwezewinun tahnuhningishkahmahgudoon.

ST. MARK 13:24

Uhpe dush ween puhguhmeähyaug oonoo kezheguddoon, uhpe oo‐oo keëzhemegooshkahduhkummegaug, tahtebikahbuhmenahgooze owh kezhike‐kezis, kuhya tebike‐kezis tahishquahyahsega.

ST. LUKE 23:45

Ketebikahbuhmenahgooze dush owh kezhike‐keezis, kuhya dush ewh kebuhgoojegun emuh keche‐ahnuhmeä‐weguhmigoong ketaushkekesa.

DEUTERONOMY 4:19

Kuhya kezhigoong cheëzheöombenuhsewun kishkeenzhigoon, uhpe dush wahbuhmud keezis, kuhya tebik‐keezis, kuhya egewh uhnungoog, kuhkenuh suh goo egewh buhyahtuhyenoojig kezhigoong, chegaundenegoosewun cheähnuhmeätuhwudwah, kuhya chebuhmeetuhwudwah, enewh Jehovah keKesha‐Muhnedoom mahnahjin kuhkenuh uhnooj azheweenzoonejin ahnishenahban uhnaume‐kezhigoong.

REVELATION 6:12

Ningeënaub edush uhpe kahpahkenung ewh akoo ningoodwahching ahkookeewuhsegun, benuh dush kekeche‐cheengwakummegah; kuhya kemuhkuhdawahbekeze owh kezis debishkoo mushkemoodegining ahwasee oopewying wanje‐oozhechegahdag, kuhya misqueeng kezhenahgooze tebike‐kezis.

REVELATION 8:12

Owh dush akoo‐newewaud angen kepootahjega, kagah dush ahbetah owh kezhike‐kezis kebahnahjeäh, kuhya kagah ahbetah owh tebike‐kezis kuhya gagah ahbetah ahnungoog; Kagah ahbetah ketebikahbemenahgoozewug, kagah kuhya ahbetah kezheguk kahween kewahsayahmahgussenoon, kuhya tebekuk.

REVELATION 9:2

Oogenesahkoonaun dush ewh wahyaquahyahsenook wahnekaun; medush keöonje‐oombahbuttag emuh wahnekauning debishkoo azhepuhquanag keche‐ningahpekezegun; kuhya dush ketebikahbuhmenahgooze kezis, kuhya kezhik oonje kepuhquanag keche‐wahnekaun.