GENESIS 1:11 - Ottawa New Testament Penteteuch and Psalms 1874

¹¹ Keëkedoo dush Kesha‐Muhnedoo, Mushkoosewun tahsahguhkeemahgudoon emuh uhkeeng, kuhya enewh nwahkushkukin mahnekahnewungin, kuhya metigoog mahnewejig andusswahkoosid metig azhemenewid, debishkoo azhemetigoowid peenjuhyeëeng atanig oomenekaunun oomah uhkeeng: me dush ewh kahezhewabuk.

GENESIS 1:11 Iomraidhean Croise

GENESIS 1:12

Mesuh mushkoosewun kahezhesahgukkeemahguk emuh uhkeeng, kuhya enewh nwahkushkukkin kahezhemenekaunewungin debishkoo azhenookushkuk, kuhya metik mahnewid peenjuhyeëng atanig oomenekaunun debishkoo azhemetikoowid: Kesha‐Muhnedoo dush oogeminwahbundaun.

GENESIS 1:29

¶ Keëkedoo dush ween Kesha‐Muhnedoo, Benuh suh kegemeenenim kuhkenuh nwahkushkukkin mahnekaunewungin mahyahjegingin emuh anegookookummegaug uhkeeng, kuhya kehkenuh metigoog mahnewejig mahnekaunewejig; mesuh kameejeyag.

GENESIS 2:16

Jehovah Kesha‐Muhnedoo dush oogekenahahmahwaun enenewun, oo‐oo keënaud, Azhemenewewaud kuhkenuh anduhswahkoozewaud metigoog padukkezoojig emuh ketegaunansing mahnoo kegahaumwaug wahaumwudwah.

GENESIS 2:5

Kuhkenuh nwahkushkukkin emuh ketegauning chepwah uhkeeng ähyahmahguk, kuhya kuhkenuh ketegauning duhzhe mushkoosewun chepwah majeging: Kah mah muhshe Jehovah Kesha‐Munedoo keëkedoosegoobun chekemewung emuh uhkeeng, kah dush ahweyah enene ahyahsebun cheketegahdungebun uhkee.

GENESIS 2:9

Uhkeeng dush Jehovah Kesha‐Muhnedoo oogeöonjesah-gukkeäun kuhkenuh anduhswahkoozenejin metigoon manwahbuhmenahgoozenejin, kuhya manoopoogoozenejin; kuhya bemahdezewine‐metigoon padukkezoonejin nahwuhyeëeng emuh ketegaunansing, kuhya enewh metigoon kahöonjekekanjegahdag ewh wanesheshing kuhya mujjeühyeëewish.

PSALMS 1:3

Ezhewabeze debishkoo metik cheegahjewung padukkezood, owh manewid uhpe tabishkoosanig.

PSALMS 147:8

Mesuh owh agwahnahung kezhig enewh ahnuhquudoon: owh wahzhetood kemewunahboo chekemewung oomah uhkeeng, owh wanje‐mezhushkookaug emuh wahjewing.

St Matthew 3:10

Noongoom dush enenegahda ewh wahgahquud emuh oojebekahwaung egewh metigoog; anduhchid dush metig manoo‐menewesig tahkahwahegahzoo, tahahpuggenah dush emuh ishkootang.

St Matthew 6:30

Keshpin dush owh Kesha Muhnedoo oo‐oo azhekoon-uhyawetood enewh mezhushkoon emuh ketegauning noongoom kezheguk ayaungin, kuhya wahbung kaähpuggejegahdagin emuh buhquazkegunekauning, kah nuh ween ahwahshema kegahahgweëgoosewah, Oh kenuhwah ahgahwah tuhyabwayanduhmag?

ST. MARK 4:28

Ewh muh uhkee tebenuhwa mahjegechegamahgud; netum ewh mezhushk, menuhwah dush ewh ahkunauk, eshquauch edush ewh wuhyahbetag mezemin emuh ahkunahkoong.

I. CORINTHIANUN 15:38

Kesha‐Muhnedoo dush ooweyowetoon ewh suh azheminwandung, kuhya anduhshing menekaun ewh tebenuhwa azheweyowemahguk.

HEBREWUN 6:7

Kesha‐Muhnedoo ooshahwandaun uhkee ewh manequamahguk kemewun‐ahboo moonzhug pangesing kuhya mahyahjegetood enewh natahweggingin kaähyoowaud egewh wanje‐kategahdag.

JAMES 3:12

Figoominahgahwunzheeng enuh, nejekewaëdoog, tahoonje‐ahyahmahgudoon enewh oliveminun? gamuh shooweminahgahwunzheeng tahoonje‐ahyahmahgudoon enewh figoominun? mookejewunoong kahween tahoonjejewunsenoon mahmahwe ewh shahwetahgunahgummig nebee kuhya ewh shahwetahgunahgummesenook.