GENESIS 1:1 - Ottawa New Testament Penteteuch and Psalms 1874

¹ Wuhyashkud Kesha‐Muhnedoo oogeöozhetoonun kezhik kuhya uhkee.

GENESIS 1:1 Iomraidhean Croise

PSALMS 102:25

Kuhyet kegeminjemoosetoon uhkee: kuhya keneenjeeng keöonje‐oozhechegahda kezhig.

PSALMS 104:24

Kagate keche‐bahtuhyeïnudoon kedahnookeewinun Jehovah: emuh nebwahkahwining kegeöozhetoonun kuhkenuh; mooshkena uhkee enewh ketebenuhwawezewinun.

PSALMS 104:30

Kepuggedenuhmahwaug kenasawin, mesuh wanje‐bemahdezewaud: kuhya nuhechegahda uhkee.

PSALMS 115:15

Keshahwanemegoowah Jehovah owh wazhetood kezhig kuhya uhkee.

PSALMS 121:2

Neweedookaug Jehovah: owh kahoozhetood kezhig kuhya uhkee.

PSALMS 124:8

Kedahpanemoonaun oodezhenekahzoowin owh Jehovah: kahoozhetood keezhig kuhya uhkee.

PSALMS 134:3

Oombeneenjeyook anuhkuhkayah ookechetwahweguhmigoong: kuhya mahmooyahwuhmik Jehovah.

PSALMS 136:5

Owh oonje nebwahkaud kahoozhetood enewh kezhigoon: kahgenig mah ahyahmahgudene ooshahwanjegawin.

PSALMS 146:6

Mesuh owh kahoozhetood kezhig kuhya uhkee, kechegummee kuhya kuhkenuh atagin emuh: owh ganuhwandung ewh dabwawin kahgenig.

PSALMS 33:6

Me‐suh oodekedoowin owh Jehovah kahoonje‐oozhechegahdag ewh kezhik: kuhya kuhkenuh ayahjig emuh oogeöozheëgoonahwah ewh oonasawin oodooning wanjebahmahgudenig.

PSALMS 33:9

Kekekedoo mah, mesuh kahoonjeöozhechegahdag: kekuhgaundwa, mesuh keminjemoosing.

PSALMS 8:3

Uhpe nahyahnahgahdahwanduhmaunin enewh kekezhekoom keneenjeeng kahoozhetooyun: owh tebeke‐keezis kuhya ahnungoog kahahsudjig.

PSALMS 8:4

Ahneen anandahgoozid owh enene chemequanemudebun: kuhya dush enene oogwissun chemahwuddissudebun.

PSALMS 90:2

Chepwah kenegeemahguk enewh wahjewun kuhya chepwah keöozhechegahdag uhkee: keen kegeKesha‐Muhnedow kahgenig kuhya kahgegakummig.

PSALMS 96:5

Kuhkenuh mah ahnishenahba‐muhnedoog muzzenenewewug: Jehovah dush ween oogeöozhetoonun enewh kezhigoon.

EXODUS 20:11

Ningoodwahsoogoon mah Jehovah oogeduhzhekaun keöozhetood kezhig kuhya uhke, kechegumme, kuhya kuhkenuh enewh emah ayahnejin, keäunwabid dush naunzhwahsookezhegudenig: me suh dush ewh Jehovah kahoonjeshahwandung ewh neenzhwahsookezhigud, kuhya kekechetwahwetood.

EXODUS 31:18

Oogemeenaun dush Mosesun, uhpe kahishquahguhkuhnoonaud emah Sinai wuhjewing, neezh debahjemoowine tasahbikoon, uhsine‐tasahbikoon, wazhebeëgahdagin Kesha‐Muhnedoo ooninj keühyood.

St Matthew 11:25

Jesus dush ewh uhpe kenuhquatum, oo‐oo dush keëkedoo, Kemahmooyahwahmin, oh Noosa! Tabanduhmun ewh kezhik kuhya ewh uhkee, kekahdahmoowudwah oonoo uhyeëen egewh nabwahkahjig, kekekanduhmoonudwah dush egewh ooshke‐ahbenoojeyug.

ST. MARK 13:19

Ewh muh uhpe kekezheguk tahduhgoomahgud ewh kooduggezewin, kah goo wekah keëzhewabussenoon pahahkoo‐mahje‐oozhetoong ewh uhkee kahoozhetood owh Kesha Mahnedoo nahnauzh egoo noongoom, kah kuhya wekah menuhwah tahezhewabussenoon.

OODEZHECHEGAWINEWAH 14:15

Oo‐oo keëkedoowaud, Enenewedoog, wagoonash wanjeëzhechegayag oonoo uhyeëen? Kuhya nenuhwind nindenenewemin debishkoo goo kenuhwah anahdezeyag nindenahdezemin, kedezhekuhgekemenenim dush chewabenuhmag oonoo kuhkebahdezewinun chequakekahbahwetuhwag dush owh bamahdezid Kesha‐Muhnedoo, owh kahoozhetood kezhik, kuhya uhkee, kuhya kechegummee, kuhya kuhkenuh emuh ayaugin:

OODEZHECHEGAWINEWAH 17:24

Kesha‐Muhnedoo kahoozhetood uhkee kuhya kuhkenuh emuh atagin, ween egoo tabandung kezhik kuhya uhkee, kahween dahse emuh ahnuhmeä‐weguhmigoong kahoonjeöozhechegahdagin ooneenjemaung;

OODEZHECHEGAWINEWAH 4:24

Uhpe dush kahnoonduhmoowaud ewh, mahmahwe kekezhewawug kewahwezhanemahwaud enewh Kesha‐Muhnedoon, oo‐oo keëkedoowaud, Tabaningayun keen keKesha‐Muhnedow, kahoozhetooyun ewh kezhik, kuhya ewh uhkee, kuhya ewh kechegummee, kuhya kuhkenuh emuh ayaugin:

ROMANUN 11:36

Ween muh kahoozhetood, ganuhwandung, kuhya dabandung kuhkenuh ahnooj gagoo: me suh ween chekeche‐peshegandahgoozid kahgenig. Amen.

I. CORINTHIANUN 8:6

Kenuhwind dush ween kedahyahwahnaun pazhik atuh Keche‐Muhnedoo, Wayoosemind, wanje‐ahyaugin kuhkenuh uhyeëen, kuhya owh bameetuhwung, kuhya pazhik Tabaningad Jesus Christ, wanje‐ahyaugin kuhkenuh uhyeëen, kuhya kenuhwind wanje‐bemahdezeyung.

EPHESIANUN 3:9

Kuhya chewahbunduhugwah kuhkenuh bamahdezejig azhewabuk ewh kekanjegawin uhpena mahyahje‐uhkeewung kahkahjegahdamahguk emuh Kesha‐Muhnedoong, owh kahahnoonaud enewh Christ Jesusun cheöozhetoonid kuhkenuh uhyeëen;

HEBREWUN 1:10

Menuhwah, Keen, Tabaningayun, wuhyashkud kahmahje‐minjemoosittooyun ewh uhkee; kuhya keneenjeen ahwunoon wanje‐oozhechegahdag kezhik:

HEBREWUN 1:2

Noomuhyah kegeguhnoonegoonaun, keähwaud enewh Oogwissun; enewh kahenahkoonahjin chedebanduhmenid kuhkenuh uhyeëen, enewh kuhya kahahnoonahjin cheöozhetoonid enewh uhkeen;

HEBREWUN 11:3

Dabwayanduhmoowin suh wanje‐kekanduhmung enewh uhkeen keöonje‐oozhechegahdag emuh oodekedoowining owh Kesha‐Muhnedoo, enewh dush uhyeëen wahyahbuhmenahgwukkin kahween keöonje‐oozhechegahdasenoon emuh enewh uhyeëen nuhyahgwukkin.

HEBREWUN 3:4

Ahweyah keöozhegad keöonje‐oozhechegahdanoon kuhkenuh wegewaumun; Kesha‐Muhnedoowe suh owh kahoozhetood kuhkenuh gagoo.

II. PETER 3:5

Oo‐oo muh oonjedah oodoonandahnahwah, Kesha‐Muhnedoo oodekedoowin kuhyet keöonje‐oozhechegahdag ewh kezhik, kuhya ewh uhkee nebeeng keöonje‐oozhechegahdag kuhya magwa nebeeng ayahmahguk.

I. JOHN 1:1

Ewh bemahdezewine‐ekedoowin, wuhyashkud kahahyahmahguk kahnoonduhmaung, kuhya kahwahbunduhmaung nishkinzhegoonahnin keähyooyaung, pashoo kenahnahgahdah‐wahbunduhmaung, kuhya kahtaungenuhmaung neneenjenahnin keähyooyaung.

REVELATION 10:6

Kuhya kemushkahwah‐kezhwa ketuhgoowenaud enewh Kuhyahgega‐bemahdezenejin, enewh kahoozhetoonejin kezhik, kuhya enewh uhyeëen emuh ayaugin kuhya uhkee kuhya enewh uhyeëen emuh ayaugin, kuhya kechegumme kuhya enewh uhyeëen emuh ayaugin, Me zhuhyegwah kahween kayahbe tahkezhegussenoon keëkedood:

REVELATION 14:7

Kekeche‐pepahgid oo‐oo dush keëkedood, Koosik Kesha‐Muhnedoo, kuhya pezhegandahgooïk; zhuhyegwah gooshuh tuhgwishenoomahgud ootebahkoonewa‐kezhegudoom: oojecheengwuhnetuhwik owh kahoozehetood kezhik kuhya uhkee, kuhya kechegumme, kuhya wanjejewung nebeen.

REVELATION 21:6

Oo‐oo dush ningeïk, Ahzhuh kekezhechegahda. Neen nindow Alpha kuhya Omega mahyahjesing kuhya wuhyaquahsing. Wanepuzh ningahmeenuhah owh kashkebahgwad ewh nebee wanjejewung emuh bemahdezewine mookejewuning.

REVELATION 22:13

Nindow Alpha kuhya Omega, mahyahjesing kuhya wuhyaquahsing, netum kuhya ishquauj.

REVELATION 3:14

Oo‐oo dush ezhebeühmow oodangenemewaun Laodiceäïng duhzhe anuhmeähjig; oonoo uhyeëen ekedoo owh Amen owh ayaungwahmezid kuhya duhyabwad debahjemoo‐wenene, owh wanje‐mahjesing kuhkenuh menik Kesha‐Muhnedoo kahoozhetoojin:

REVELATION 4:11

Kedahpeetandahgooz, keen Tabaningayun, cheöodahpenuhmun peshegandahgoozewin kuhya kechetwawandahgoozewin kuhya kushkeäwezewin: keen muh kegeöozhetoonun kuhkenuh uhyeëen, keen minwanduhmun oonje duhgoomahgudoon kuhya keöonje‐oozhechegahdanoon.