SAN LUCAS 7:41 - Otomi

⁴¹ Bi ma̱n car Jesús, bbʉ́: ―Mí bbʉh hnar hñøjø ca mí jmi̱jpite domi, cja̱ pé mí bbʉ yo hñøjø cʉ mí tu̱jpi guegue. Ca hnar hñøjø mí tu̱jpi quiniento domi gá denario. Cja̱ ca hnaa mí tu̱jpi cincuentatjo.

SAN LUCAS 7:41 Iomraidhean Croise

SAN MATEO 18:28

Bi bøn ya car muzo pʉ jabʉ már bbʉh car rey. Bi ma guí ntjɛhui hna quí mi̱nga̱‑muzohui ca mí tu̱jpi hnar tjöy, jin tza mí ngu̱. Mí tju̱jpi hna cientotjo cʉ domi cʉ mí tsjifi denario. Ca bbɛto ʉr muzo ya, bi mi̱htibi ʉ́r dyʉga ca hnáa, cja̱ bi xifi: “Ex xca cju̱jtigui ya ca guí tu̱jqui.”

SAN MATEO 6:12

Cja̱ gui perdonaguije ca rá nttzo ca xtú øtije, como ngu̱göje, dí perdonabije cʉm mi̱nga̱‑cja̱hnije ca te xí dyøjtiguije.

SAN MARCOS 6:37

Nu car Jesús bi da̱di: ―Nuquiguɛjʉ, gui unijʉ te da zi‑yʉ́.― Nu quí möxte pé bi xijmʉ: ―¿Cja da jogui gu möjme, gu má töjme tju̱jme̱ rá ngu̱, da mu̱hui yo ciento cʉ domi, pa gu unije da zi‑yʉ?―

SAN LUCAS 11:4

Cja̱ gui perdonaguije ca rá nttzo ca xtú øtije, ncja ngu̱göje, dí perdonabije ca to te i tu̱jquije. Gui nú̱guije tzʉ pa jin da ttøjtiguije prueba rá pa ya, Cja̱ jin gui jiɛh ca Jin Gui Jo da da̱guije. Da ncjapʉ grí nzojmʉ car Tzi Ta ji̱tzi.―

SAN LUCAS 12:48

Nu car mɛfi ca jí̱ mí pa̱di te mí ne cár jmu̱, cja̱ jin gá dyøti ca rá zö, guejtjo da ncastiga‑ca̱, pe da tzi meno car castigo ca da ttuni. Nu car mɛfi ca xí ttun cár cargo rá ngu̱, como mí pɛhtzibi confianza cár jmu̱, da nesta da dö rá ngu̱ cár bbɛfi. Yʉ mɛfi yʉ i ndo tte̱me̱, cja̱ i ttuni rá ngu̱ cár cargojʉ, da ndo ttöjpi rá ngu̱ car bbɛfi ca xtrú dyøti‑yʉ.―

SAN LUCAS 13:4

Xí cʉ dieciocho hñøjø cʉ mí mi̱ngu̱ Jerusalén, nu cʉ bi zɛhmi car ntorre pʉ Siloé bbʉ mí yøte, ¿cja guí ma̱nguɛjʉ, más mí ndo ndu̱jpite‑cʉ́ ni digue cʉ pé dda mi̱ngu̱ Jerusalén?

SAN LUCAS 7:40

Diguebbʉ, bi ma̱n car Jesús, bi xih car hñøjø: ―Nuquɛ, Simón, dí ne gu xihqui hnar razón.― Cja̱ bi da̱j ya‑cá̱: ―Ma̱nguɛ ya, Maestro.―

SAN LUCAS 7:47

Eso, dí xihqui, i ma̱jqui rá ngu̱ nʉr bbɛjña̱‑nʉ, como i pa̱di, már ngu̱ ca mí ndu̱jpite cja̱ nugö dí xifi, ya xí mperdonabi. Pe nʉr cja̱hni nʉ i mperdonabi tchʉtjo, tchʉtjo i ma̱jte hne̱je̱.―

ROMANOS 3:23

Porque dí göhtjojʉ, xtú øtijʉ ca rá nttzo, nim pa hnaaguigöjʉ xcrú jöti gua øtijʉ ca rá zö göhtjo ʉr tiempo, pa di jogui gua cuatijʉ car Tzi Ta ji̱tzi. Como guegue rá nttzu̱jpi cja̱ jin te i tu̱.

ROMANOS 5:20

Bbʉ jí̱ bbe mí ttun cʉ cja̱hni car ley, mí øtijʉ ca már nttzo, pe jí̱ tza mí cjajʉ ndumʉy. Eso, bi tsjijmʉ car ley, pa di tja̱mpi ʉr huɛnda digue ca mí øtijʉ. Nubbʉ, bi ba̱dijʉ, cierto már nttzo ca mí øtijʉ. Bi ncjapʉ gá ngu̱jqui ca mír ndu̱jpite cʉ cja̱hni. Nu ca Ocja̱, i ndo jui̱guiguijʉ. Guegue nde̱jma̱ bi jion car manera pa bi möxquigöjʉ.