SAN LUCAS 13:4 - Otomi

⁴ Xí cʉ dieciocho hñøjø cʉ mí mi̱ngu̱ Jerusalén, nu cʉ bi zɛhmi car ntorre pʉ Siloé bbʉ mí yøte, ¿cja guí ma̱nguɛjʉ, más mí ndo ndu̱jpite‑cʉ́ ni digue cʉ pé dda mi̱ngu̱ Jerusalén?

SAN LUCAS 13:4 Iomraidhean Croise

SAN MATEO 18:24

Hna‑hnáa gá nzofo pa di dyʉhtibi ʉr huɛnda. Bbɛto bú e̱h hnar muzo ca mí tu̱jpi hnar tjöy rá ndo ngu̱. Mí tu̱jpi cár jmu̱ ddɛtta mil cʉ domi cʉ mí tsjifi talento.

SAN MATEO 6:12

Cja̱ gui perdonaguije ca rá nttzo ca xtú øtije, como ngu̱göje, dí perdonabije cʉm mi̱nga̱‑cja̱hnije ca te xí dyøjtiguije.

SAN LUCAS 11:4

Cja̱ gui perdonaguije ca rá nttzo ca xtú øtije, ncja ngu̱göje, dí perdonabije ca to te i tu̱jquije. Gui nú̱guije tzʉ pa jin da ttøjtiguije prueba rá pa ya, Cja̱ jin gui jiɛh ca Jin Gui Jo da da̱guije. Da ncjapʉ grí nzojmʉ car Tzi Ta ji̱tzi.―

SAN LUCAS 13:3

Nugö, dí xihquijʉ jí̱na̱. Dí xihquijʉ guehquitjoguɛjʉ, parejo guí ndu̱jpitejʉ co cʉ ddaa cʉ xí bböhti. Cja̱ pé dí xihquijʉ, bbʉ jin gui repentijʉ, xquí hna tu̱jʉ ncjapʉ hne̱je̱.

SAN LUCAS 13:5

Ji̱na̱ hne̱je̱. Dí xihquijʉ, bbʉ jin gui repentijʉ, da ncjadipʉ drí zʉhqui quer castigojʉ hne̱je̱, ncja ngu̱ gá nzʉh cár castigo guegue‑cʉ́.― Bi ma̱ ncjapʉ car Jesús.

SAN JUAN 9:11

Cja̱ bi da̱j ya car hñøjø ca múr godö jma̱ja̱: ―Car hñøjø ca i tsjifi ʉr Jesús bi dyøti bøjöy, bi pɛbigui yʉm dö, cja̱ bi xijqui: “Gui ma pʉ jar tanque Siloé, ma bú xʉdö.” Eso, dú ma xʉjqui yʉm dö, cja̱ bi xogui.―

SAN JUAN 9:7

Diguebbʉ ya bi xifi: ―Gui ma bú xʉdö jar tanque ca i tsjifi Siloé.― (Mí bbʉh pʉ hnar pøtje, mí pøxi deje rá ngu̱, mí ñu̱x car tanque.) Nʉr tju̱ju̱ Siloé i ne da ma̱: “Guejna̱ xpá mɛnquijʉ ca Ocja̱.” Car godö ya, bi ma nttzɛdi, bi ma bú xʉjqui quí dö, cja̱ bbʉ mbú coji, ya xquí xoh quí dö.

HECHOS 28:4

Cʉ mi̱ngu̱ pʉ, bbʉ mí cca̱htijʉ car cci̱ña̱ már hna̱x pʉ jár dyɛ car Pablo, bi ma̱jmʉ: ―Pe ntoja ʉr möhtite nʉr hñøjø‑nʉ́. Xí mbøx nʉ jar deje, nu car Ndo Nzöya pʉ jar ji̱tzi nde̱jma̱ jin da jiɛgui da hmʉy.― Ncjapʉ gá ma̱n cʉ cja̱hni‑cʉ́.