SAN JUAN 9:24 - Otomi

²⁴ Diguebbʉ ya, cʉ fariseo pé bi nzojmʉ car hñøjø ca múr godö jma̱ja̱, bi xijmʉ: ―Nuya, gui xijquije göhtjo ca ncjua̱ni, pa da tti̱htzibi car Tzi Ta ji̱tzi. Nugöje dí pa̱dije i ndu̱jpite car hñøjø ca guí ma̱nguɛ xí xoquiqui yir dö. Xiquiguɛ, ¿te guí ma̱nguɛ digue car hñøjø‑ca̱?―

SAN JUAN 9:24 Iomraidhean Croise

SAN MARCOS 15:27

Guejtjo hne̱je̱, bi ddøti já ponti yojo be̱, hnanguadi pʉ jabʉ mí ddøti car Jesús. Ca hnaa gá ddøti pʉ jár jogui dyɛ, cja̱ ca hnaa ya pʉ jár nccuarga.

SAN LUCAS 15:2

Bbʉ mí nú̱ ya‑ca̱ cʉ fariseo, co cʉ maestro cʉ mí nxöh car ley, bi zohmijʉ car Jesús, bi ma̱jmʉ: ―Nʉr Jesús i ntzixihui yʉ cja̱hni rá nttzo, hnadi pʉ i tzihui‑yʉ.―

SAN LUCAS 19:7

Bi nú̱ ya cʉ cja̱hni, cja̱ bi zohmijʉ car Jesús. Bi hñi̱na̱jʉ: ―Nu nʉr Jesús, xí ma du cʉti pʉ́r ngu̱ nʉr cja̱hni ʉr jiöjte.―

SAN LUCAS 7:39

Bi cca̱hti‑ca̱ car fariseo ca xquí mvitabi car Jesús, cja̱ bi mbe̱ni ncjahua: “Nʉr hñøjø‑nʉ, bbʉ xtrú mɛjni ca Ocja̱, di pa̱di ja i ncja nʉr bbɛjña̱ nʉ i tjöni, como rá ndo nttzo cár vida.”

SAN JUAN 14:30

Ya jim pé gu dé gu ña̱jʉ, como ya xpa̱ e̱h ca hnáa ca i mandado hua jar mundo. Nucá̱, da dyøhtibi cár jmandado ca Jin Gui Jo, pe jin te i pɛhtzi ʉ́r ttzɛdi pa da mandadogui. Nugö, gu jñɛgui da dyøjtigui ca xí ttuni ʉr tsjɛjqui da dyøjtigui, pa ncjapʉ drí ni̱gui, dí ndo ne cam Tzi Ta, cja̱ dí øte ncja ngu̱ xcá bbɛjpigui. Bböpjʉ ya, gu wenijʉ hua.―

SAN JUAN 16:2

Ba e̱h car pa bbʉ xta mfonquiquijʉ jáy templo cʉ judio. Guejtjo da zøh car pa bbʉ xta möjtiquijʉ cʉ cja̱hni, porque ga ma̱jmʉ, ncjapʉ ga tzøjmʉ ca Ocja̱.

SAN JUAN 18:30

Cja̱ bi da̱jmʉ gueguejʉ: ―I ndu̱jpite. Bbʉ jí̱ xtrú dyøti ca rá nttzo, jí̱ xcrú tzije hua.―

SAN JUAN 19:6

Nu quí jefe cʉ möcja̱, co cʉ nzʉttabi, bbʉ mí cca̱htijʉ car Jesús, bi ncötijʉ, bi majmʉ nzajqui: ―¡Da ddøti jar ponti! ¡Da ddøti jar ponti!― Car Pilato ya bi xijmʉ: ―Nuquɛjʉ, bbʉ guí ne gui tzixjʉ ya, cja̱ gui tøtijʉ jar ponti, gui cjajpijʉ ya. Nugö, jin te xtá töhtibi ca már nttzo.―

SAN JUAN 5:23

I ne guegue parejo da tti̱zquibbe dí yobbe. Yʉ cja̱hni yʉ i despreciaguigö, ʉ́r Ttʉgui ca Ocja̱, nuyʉ́ i despreciajʉ hne̱je̱ car Tzi Ta ji̱tzi, como nucá̱ xpá mɛnquigö.

SAN JUAN 8:46

¿Cja i bbʉy tema cosa drá nttzo xcrú øtigö? Bbʉ te xtú øtigö, gui ma̱nguɛjʉ ya. Cja̱ bbʉ dí ma̱ngö ca ncjua̱ni, ¿dyoca̱ jin guí e̱me̱guijʉ bbʉ́?

SAN JUAN 8:49

Nu car Jesús bi da̱di: ―Jin dí yojcöbbe hnar ttzonda̱ji̱. Bbʉ dí nzohquijʉ, dí xihquijʉ ca xí bbɛjpigui cam Tzi Ta, como dí i̱htzibi‑ca̱ cja̱ dí øjti ca i ma̱. Nuquɛjʉ, jin guí ne gui hñi̱zquijʉ, como jin guí e̱me̱jʉ, ¿cja ʉ́r Ttʉguigö‑ca̱?

SAN JUAN 9:16

Diguebbʉ ya, bi ma̱n cʉ dda fariseo, bi hñi̱na̱jʉ: ―Jí̱ xcuá hñe̱h ca Ocja̱ car hñøjø‑ca̱, porque jin gui tzu̱jpi nʉr pa gá nttzöya.― Nu cʉ pe dda cja̱hni ya bi ma̱jmʉ: ―Hnar cja̱hni ca di ndu̱jpite, ¿cja di jogui di dyøti milagro ncja ngu̱ ga dyøti guegue?― Cja̱ bi weguejʉ por rá ngue car Jesús.

SAN JUAN 9:25

Bi da̱j ya car hñøjø, bi hñi̱na̱: ―¿Ja̱di̱? Jin dí pa̱cö ¿cja i ndu̱jpite guegue cja huá ji̱na̱? Guejnʉ́ dí pa̱j‑nʉ́, bbɛto ndúr godö, cja̱ nuya dí cca̱hti. Guejtjo dí pa̱di guegue bi xoguigui yʉm dö.―

ROMANOS 8:3

Rá zö ca i ma̱n cár ley ca Ocja̱. Bbʉ di jogui di cumpli yʉ cja̱hni göhtjo ca i ma̱m pʉ jar ley, nubbʉ́, di dötijʉ car salvación por rá ngue nʉr ley. Pe jin dí jötijʉ gu cumplijʉ. Eso, car Tzi Ta ji̱tzi bú pɛjni cár Tzi Ttʉ, bi cja ʉr cja̱hni, mí bbʉh cár cuerpo ncja nʉm cuerpojʉ. Bú e̱je̱ bi gu̱ti ca rá nttzo ca xtá øtijʉ cja̱ bi gʉzquijʉ cam castigojʉ. Ncjapʉ gá nzɛjquibi cár ttzɛdi ca bbɛto ʉm hmʉyjʉ ca mí ɛgui gua øtijʉ ca rá nttzo.

2 CORINTIOS 5:21

Jin te gá dyøti cosa rá nttzo car Jesucristo, pe bi jnu̱ ncjahmʉ mí tu̱ cʉ rá nttzo cʉ xtá øtijʉ, bi bböhti pa bi gu̱ti göhtjo‑cʉ. Ca ya xtá cuatijʉ jár dyɛ guegue, nuya bí jantiguijʉ car Tzi Ta ji̱tzi ncjahmʉ ya jin te gri tu̱jʉ, como ncjahmʉ ya xtú mbödijʉ ca hnaa ca jin te i tu̱.

APOCALIPSIS 11:13

Gue car hora‑ca̱, xta ncja hnar ndo hña̱mijöy, cja̱ xta yøte rá ngu̱ cʉ ngu̱ cja̱ co quí cjoti car jñi̱ni Jerusalén. Bbʉ xta yøti‑cʉ́, xta du̱ yojto mil cʉ cja̱hni. Nu cʉ pé ddaa cʉ da huete, nttzɛditjo da ndo ntzu̱jʉ, cja̱ da ma̱jmʉ te tza rá nttzu̱jpi ca Ocja̱ ca i mandado pʉ ji̱tzi.