SAN JUAN 7:6 - Otomi

⁶ Nu car Jesús pé bi da̱h bbʉ: ―Jí̱ bbe i tzøh car tiempo pa gu ma grí øti rá ngu̱ milagro pʉ Jerusalén. Nuquɛjʉ, rí ntzöhui gui möjmʉ pʉ car hora ca guí nejʉ,

SAN JUAN 7:6 Iomraidhean Croise

SAN MATEO 26:18

Cja̱ guegue bi da̱di: ―Gui möjmʉ pʉ jar jñini Jerusalén, pʉ jár ngu̱ ca hnar hñøjø ca ya xtú xihquijʉ, cja̱ gui xijmʉ: “I ma̱n cam maestroje, ya xta zøh car hora pa da má. I ne guegue, gui ddajquije tzʉ ʉr tsjɛjqui gu tzije car jñu̱ni gá mbaxcjua nuhua ir ngu̱.” Da ncjapʉ grí xijmʉ.―

SAN JUAN 13:1

Bbʉ ya xti ncja car mbaxcjua ca mí tsjifi ʉr Pascua, bi ba̱h car Jesús, ya xquí zʉh car pá pa di bøngua jar jöy, cja̱ pé drí ma pʉ jabʉ bí bbʉh cár Tzi Ta. Desde bbʉ mí mʉdi mí nzoh quí amigo cʉ mí tɛni, mí ma̱di hasta gue bbʉ mí du̱.

SAN JUAN 17:1

Bbʉ mí guadi mí xih quí möxte yʉ palabra‑yʉ, car Jesús bi nøhtze jar ji̱tzi, cja̱ bi nzo Ocja̱, bi xifi: ―Nuquiguɛ, ʉm Tzi Taqui, ya xí nzøh car hora, ya xtrá ma gu tu̱. Gui föxqui tzʉ, pa da tti̱zquigö cja̱ da fa̱di ir Ttʉguigö. Guejtiquɛ, da tti̱zquiguɛ hne̱je̱ bbʉ xtá tu̱.

SAN JUAN 2:4

Car Jesús ya bi da̱di, i̱na̱: ―Nuquɛ, me, jiɛgui. Bbʉ xta zøh car hora, xtá nu̱gö ja gu cjajpi‑ca̱.―

SAN JUAN 7:30

Bbʉ mí ma̱ nʉr palabra‑nʉ car Jesús, mí bbʉh cʉ dda cja̱hni cʉ mí ne di zʉdijʉ pa di gotijʉ födi. Pe jin to gá ngöxi ʉ́r dyɛ, como jí̱ bbe mí tzʉh car hora pa di ttzʉdi.

SAN JUAN 7:8

Nuquɛjʉ, gui möquɛjʉ ya, guír möjmʉ jar mbaxcjua. Nugö, jí̱ bbe i tzøh car pá gu ma pʉ.―

SAN JUAN 8:20

Car Jesús már u̱jti cʉ cja̱hni pʉ jar templo bbʉ mí ma̱n yʉ palabra‑yʉ́. Már bbʉh pʉ jabʉ mí ttzoh cʉ ofrenda. Cja̱ jin to te gá cjajpi, como jim be mí tzʉh car hora ca xquí mbe̱n car Tzi Ta ji̱tzi.

HECHOS 1:7

Nu guegue ya bi da̱di: ―Jin gui tocaquijʉ gui pa̱dijʉ ncjahmʉ da ncja‑cá̱, o ncjahmʉ da zøh car pá gui mandadotsjɛjʉ. Xí ma̱n car Tzi Ta ji̱tzi, ddatsjɛ guegue da ba̱h‑cá̱.