SAN JUAN 7:12 - Otomi

¹² Guejti cʉ cja̱hni már ngu̱ cʉ xquí jmuntzi pʉ jar mbaxcjua mí ña̱tsjɛjʉ digue car Jesús. Nucʉ, mí ntøxtijʉ. Cʉ ddaa mí ma̱: “Rá zö car hñøjø‑ca̱.” Nu cʉ pe ddaa mí ma̱: “Ji̱na̱, i jöti yʉ cja̱hni.”

SAN JUAN 7:12 Iomraidhean Croise

SAN MATEO 10:25

Bbʉ da ttøhtibi nʉr möxte ncja ngu̱ xcá ttøhtibi nʉ́r maestro, da jojtjo. Guejti yʉ muzo co nʉ́r jmu̱jʉ, bbʉ da jnu̱ parejo, da jojtjo. Nugö, ya xí tsjijqui dúr jefe cʉ nda̱ji̱ cʉ jin gui tzö. Nuquiguɛjʉ, como guí ncjajʉ ncja ʉm ba̱jtziquijʉ, hne̱hquitjoguɛjʉ, da tsjihquijʉ ttzonda̱ji̱ hne̱je̱.

SAN MATEO 21:46

Cja̱ bi ña̱jʉ, bi mbe̱nijʉ ja drí zʉdijʉ‑cá̱. Pe nde̱jma̱ mí tzu̱jʉ te di cjajpijʉ car Jesús, como már ngu̱ cʉ cja̱hni cʉ mí i̱htzibi. Mí ma̱jmʉ, múr jmandadero ca Ocja̱, mbá ja̱ cár palabra guegue‑cá̱.

SAN MATEO 27:63

Cja̱ bi xijmʉ: ―Nuquɛ, tada, dí mbe̱nije ca hnar palabra mí ma̱n car jiöjte‑cá̱ bbʉ mí bbʉjtjo. Mí ma̱, bbʉ xtrí cja jñu̱jpa, pé di jña̱ ʉ́r jña̱ guegue.

SAN LUCAS 18:19

Car Jesús bi xifi: ―¿Te rá nguehcá̱ guí xijqui rá ndo zöguigö? Jin te i bbʉ cja̱hni drá ndo zö. Ddatsjɛ ca Ocja̱, ntero rá zö cár hmʉy.

SAN LUCAS 23:47

Ca hnar sundado múr capitán, már mföh pʉ. Bi cca̱hti ya ja ncja gá ndu̱ car Jesús, cja̱ bi ba̱di, guegue‑cá̱ de vera xcuí hñe̱h pʉ jar Tzi Ta ji̱tzi. Cja̱ bi ma̱: ―Cierto múr jogui cja̱hni nʉr hñøjø‑nʉ. Jin te mí ndu̱jpite‑nʉ́.―

SAN LUCAS 23:50

Mí bbʉh hnar hñøjø, mí tsjifi múr José. Múr jogui cja̱hni, mí tzu̱ ca Ocja̱. Guegue mí pɛhtzi cár cargo, mí pertene pʉ jar junta cʉ tita cʉ mí mandado pʉ jár ni̱cja̱ cʉ judio. Nʉr José múr mi̱ngu̱ car jñi̱ni Arimatea, pʉ jar estado Judea.

SAN LUCAS 6:45

Hnar jogui cja̱hni i mbe̱ngui jogui mfe̱ni, eso i ma̱n ca rá zö hne̱je̱. Hnar cja̱hni rá nttzo i mbe̱ngui nttzomfe̱ni, eso, i ma̱ngui palabra jin gui tzö hne̱je̱. Ca te xí mbe̱ni mbo ʉ́r mʉy hnar cja̱hni, guehcá̱ da ma̱.

SAN LUCAS 7:16

Cja̱ bi ntzu̱jʉ göhtjo cʉ már cca̱htijʉ, bi ma̱jmʉ te tza rá nzɛh ca Ocja̱. Bi hñi̱na̱jʉ: ―Cierto rá nzɛdi nʉ hnár jmandadero ca Ocja̱ nʉ xí nzøcua.― Mí bbʉh cʉ ddáa cʉ bi ma̱jmʉ: ―Cierto xí mbe̱nguigöjʉ cam Tzi Tajʉ ji̱tzi, cja̱ xí ndo möxquijʉ, yí cja̱hniguijʉ.―

SAN JUAN 6:14

Nu cʉ cja̱hni, bbʉ mí cca̱htijʉ nʉr milagro nʉ bi dyøti car Jesús, bi ma̱jmʉ: ―Nʉr Jesús, mero gue ca hnár jmandadero ca Ocja̱ ca ndí tøhmijʉ di hñe̱cua jar mundo.―

SAN JUAN 7:32

Bi dyøh cʉ fariseo te mí ma̱n cʉ cja̱hni digue car Jesús. Nubbʉ, gueguejʉ co cʉ möcja̱ cʉ mí mandado bú pɛjni nzʉttabi pa di zʉdijʉ.

SAN JUAN 7:47

Diguebbʉ ya bi dyön cʉ fariseo, bi hñi̱na̱jʉ: ―¿Cja guehquitjoguɛjʉ hne̱ xí jiöhquijʉ? Guehca̱ jin te xquí nxödijʉ.

SAN JUAN 7:52

Cja̱ pé bi da̱h cʉ pe dda fariseo, bi xijmʉ car Nicodemo: ―Hne̱hquitjoguɛ, ¿cja guí ne gui tɛn car Jesús hne̱je̱, ncja ngu̱ cʉ mi̱ngu̱ Galilea? Gui nxödi rá zö pa gui pa̱di te i ma̱n cʉ Escritura. I ma̱n‑cʉ, jin da hmʉh hnár jmandadero ca Ocja̱ ca dur mi̱ngu̱ Galilea.―

SAN JUAN 9:16

Diguebbʉ ya, bi ma̱n cʉ dda fariseo, bi hñi̱na̱jʉ: ―Jí̱ xcuá hñe̱h ca Ocja̱ car hñøjø‑ca̱, porque jin gui tzu̱jpi nʉr pa gá nttzöya.― Nu cʉ pe dda cja̱hni ya bi ma̱jmʉ: ―Hnar cja̱hni ca di ndu̱jpite, ¿cja di jogui di dyøti milagro ncja ngu̱ ga dyøti guegue?― Cja̱ bi weguejʉ por rá ngue car Jesús.

HECHOS 11:24

Múr jogui hñøjø car Bernabé, mí ndo yojmi car Espíritu Santo, cja̱ por rá nguehca̱, mí ndo pa̱di ja drí nzoh cʉ cja̱hni. Guejtjo, mí ndo e̱me̱ ca Ocja̱, göhtjo mbo ʉ́r mʉy. Már ndo ngu̱ cʉ cja̱hni cʉ bi ttzofo, bi guatijʉ car Jesucristo cʉ pa‑cʉ́.

ROMANOS 5:7

Jin gui bbʉh hnar cja̱hni ca di ma̱h cár mi̱nga̱‑cja̱hnihui hasta di jñɛgui di bböhti por rá nguehcá̱. Masque drá zö cár vida cár hñohui, pe jin di dö cár vida por rá ngue guegue. Tal vez di ni̱gui hnar cja̱hni ca di jñɛgui di bböhti por rá ngue cár hñohui, bbʉ di hñi̱na̱, i ndo mu̱hui ca hnáa.

FILIPENSES 2:14

Göhtjo ca da tocaquijʉ gui dyøtijʉ, gui pöjpijʉ. Gui mbe̱nijʉ, bí pa̱h ca Ocja̱ göhtjo ca dí tjojmʉ. Eso, ca te i hmɛjpiquijʉ, gui dyøtijʉ cor pöjö, cja̱ jin gui tøxtijʉ ca Ocja̱ o gui huɛnijʉ co quir mi̱nga̱‑cja̱hnijʉ.