SAN JUAN 5:13 - Otomi

¹³ Nu car hñøjø jin gá mba̱di te múr ju̱ cár tju̱ju̱ car cja̱hni ca xquí jojqui, como már dʉdi pʉ cʉ cja̱hni, cja̱ ya xquí wem pʉ car Jesús.

SAN JUAN 5:13 Iomraidhean Croise

SAN LUCAS 24:31

Nubbʉ, bi hna wen ca mí cojtibi quí döhui cʉ yojo hñøjø, cja̱ bi meyahui car Jesús, bbʉ. Nu car Jesús, bi hna bbɛjti pʉ.

SAN LUCAS 4:30

Nu car Jesús ya, xní bböti nttzɛdi, bi hui̱x cʉ cja̱hni, bi wem pʉ.

SAN JUAN 14:9

Car Jesús pé bi da̱jti, bbʉ: ―Nuquɛ, Felipe, ya xná ngu̱ tiempo xtú hmʉpjʉ. Ya xquí pa̱dijʉ ja dí ncjagö. ¿Cja jí̱ bbe guí pa̱di te ʉm ncjagöbbe car Tzi Ta ji̱tzi? Car cja̱hni ca xí cca̱jtigui, ncjahmʉ ya xí cca̱hti cam Tzi Ta hne̱je̱. ¿Sá guí ma̱nguɛ bbʉ́: “Ujtiguije tzʉ car Tzi Ta ji̱tzi”?

SAN JUAN 5:12

Nubbʉ, quí jefe cʉ judio pé bi dyönijʉ car hñøjø, bi hñi̱mbijʉ: ―¿Toca̱ xí xihqui gui cjʉx quer mfi̱di cja̱ gui hño?―

SAN JUAN 5:14

Diguebbʉ ya, bbʉ mí hna rato, car hñøjø pé bi ntjɛhui car Jesús pʉ jar templo. Cja̱ car Jesús ya bi xifi: ―Cca̱htijma̱, ya xcú zö. Gui jiɛj ya ca rá nttzo ca nguí øte, pa jim pé da zʉhqui pé hnar cosa más drá ʉ́.―

SAN JUAN 8:59

Diguebbʉ ya, bi ndo uni ʉr cuɛ cʉ judio cʉ már ña̱hui car Jesús. Bi gʉxjʉ me̱do pa di ccajnijʉ guegue, drí möhtijʉ, por rá ngue nʉr palabra xquí ma̱, como mí ma̱jmʉ, car Jesús mí ne di cjatsjɛ ca Ocja̱. Nu car Jesús bi hui̱ti madé cʉ cja̱hni, bi wem pʉ jar templo, bi ma.