SAN JUAN 3:23 - Otomi

²³ Guejti car Juan mí xix cʉ cja̱hni pʉ jar lugar ca mí tsjifi Enón, como már cja deje rá ngu̱ pʉ. Car lugar Enón mí nzøtihui car lugar Salim. Mbá e̱h cʉ cja̱hni pʉ jabʉ már bbʉh car Juan, cja̱ guegue mí xitzi.

SAN JUAN 3:23 Iomraidhean Croise

SAN LUCAS 3:7

Már ngu̱ cʉ cja̱hni bi guatijʉ car Juan, mí ne di xixtjejʉ. Car Juan ya, mí nzojmʉ, mí xijmʉ: ―¿Toca̱ xí xihquijʉ gui xixtjejʉ? Rá nttzo quir mʉyjʉ. Guí ncjajʉ ncja ngu̱ cci̱ña̱. ¿Cja guí i̱na̱jʉ, bbʉ jøntjo gui xixtjejʉ, nubbʉ, jin da zʉhquijʉ car castigo drá ndo ʉ́ ca xtu pɛnquijʉ ca Ocja̱?

SAN JUAN 3:22

Diguebbʉ ya, car Jesús bi bøm pʉ jar jñini Jerusalén, bi ma gá ma jar estado Judea. Bi mɛhui quí amigo cʉ mí tɛni. Bú hmʉpjʉ pʉ Judea tengu mpa, cja̱ mí xixjʉ cʉ cja̱hni.

SAN JUAN 3:24

Como jí̱ bbe mí cjoti födi car Juan.

APOCALIPSIS 1:15

Mí zø quí hua hne̱je̱, mí jñɛjmi ncja hnar ttɛgui yʉ rá tzi nccaxti ga nzø bbʉ i mpahti jar tzibi. Cár jña̱ mí jia ncja hnar nzøjtje.

APOCALIPSIS 14:2

Ma ya, dú øh hnar jña̱ mbí ña̱ pʉ ji̱tzi, mí ndo jia ncja yʉ nzøjtje, cja̱ mí ndo ñʉntzi. Guejtjo mí zʉni ncja ʉr bbida gá arpa bbʉ ga ntoca.

APOCALIPSIS 19:6

Cja̱ diguebbʉ ya, pé dú øde már ña̱ hnar ndo jmundo cʉ cja̱hni. Mí ni̱gui quí jña̱jʉ ncja bbʉ i jia cʉ nzøjtje, guejtjo mí ni̱gui ncja bbʉ i ñʉntzi nzajqui car dye. Mí ma̱jmʉ: ¡Aleluya! Nuya xí jña̱ cár cargo car Tzi Ta ji̱tzi. Ya xí mʉdi, ya xqui mandado. Guegue ʉr Rey i pɛhtzi cár cargo más rá ji̱tzi, cja̱ i mandado göhtjo co cár ttzɛdi.