SAN JUAN 3:13 - Otomi

¹³ Jin to i bbʉh ca xtrú mbøx pʉ jar ji̱tzi. Jønguitsjɛgö, dúr mi̱ngu̱ pʉ ji̱tzi, xtú ca̱jcö pʉ. Nugö dúr cja̱hni xpá bbɛnqui hua jar jöy.

SAN JUAN 3:13 Iomraidhean Croise

SAN MATEO 28:20

Nu cʉ cja̱hni cʉ da hñe̱me̱, guejtjo gui u̱jtijʉ göhtjo ca xtú bbɛjpiquijʉ, pa da hmʉpjʉ ncja ngu̱ xtá xihquijʉ. Nuquiguɛjʉ, gu yocöjʉ göhtjo ʉr tiempo, hasta bbʉ xtrí tjej nʉr mundo, jin gu tzoquiquijʉ.― Amén. I ttzɛdi hua na̱r bbede‑ná̱.

SAN MATEO 8:20

Bi da̱j ya car Jesús, bi xifi di mbe̱ni rá zö, ¿cja ntjumʉy mí ne di dɛni? Bi hñi̱mbi: ―Cʉ mi̱hño i pɛhtzi quí ngu̱ mbo nʉr jöy, cja̱ cʉ ttzʉntzʉ i pɛhtzi quí tzi ngu̱, hne̱je̱. Nuguigö, dúr cja̱hni xpá bbɛnqui hua jar jöy, pe jin tema ngu̱ dí pɛhtzigö.―

SAN JUAN 1:18

Jin gui bbʉh hnar cja̱hni ca xtrú cca̱hti car Tzi Ta ji̱tzi. Jøña̱ cár Tzi Ttʉ, ca jin te i bbʉ ʉ́r hñohui, guegue bí ju̱dihui car Tzi Ta ji̱tzi, bí ncca̱htihui. Guegue‑ca̱ xí u̱jtiguijʉ ja i ncja cár Tzi Ta.

SAN JUAN 13:3

Nu car Jesús mí pa̱di xcuí hñe̱ guegue pʉ jabʉ bí bbʉh ca Ocja̱, cja̱ ya pé xti ma drí goh pʉ. Guejtjo mí pa̱di, cár Tzi Ta pʉ ji̱tzi xquí un cár cargo cja̱ xquí uni ʉr tsjɛjqui di dyøti ca te mí ne.

SAN JUAN 17:5

Cja̱ nuya, ʉm Tzi Taqui, gui cuajtigui tzʉ pʉ jabʉ ndí bbʉ ma̱hmɛto, bbʉ jí̱ bbe nguí øti nʉr jöy. Gui ddajqui tzʉ cam cargo ca ndí pɛhtzi bbʉ ndí bbʉbi pʉ, pa pé da tti̱zquigö ncja ngu̱ nguá tti̱zquigö ma̱hmɛto.

SAN JUAN 3:12

Xtú xihquijʉ ja i ncja cʉ cosa cʉ rí hñe̱ ji̱tzi, xtú jɛqui yʉ cosa yʉ i ni̱gui hua jar jöy, pa gui ntiendejʉ. Pe nuquɛjʉ, jin guí e̱me̱jʉ yʉ palabra xtú ma̱. Xi bbʉ gua xihquijʉ cʉ dda cosa cʉ bí ncja pʉ jar ji̱tzi, cʉ jí̱ bbe i fa̱jcua jar jöy, meno gri hñemejʉ bbʉ́.

SAN JUAN 3:31

I bbʉh cʉ dda cja̱hni cʉ i u̱jtiguijʉ, i xijquijʉ ja i ncja cʉ cosa hua jar jöy. Guegue‑cʉ i tti̱htzibijʉ hua jar mundo. Pe como mi̱ngu̱tjojʉ hua jar mundo, jin gui pa̱dijʉ ter bɛh ca̱ bí ncja pʉ jar ji̱tzi. Guejtjo i bbʉ ca hnar cja̱hni xcuá hñe̱ ji̱tzi cja̱ i nzojquijʉ. Más rá zö guegue ni ndra ngue cʉ ddaa cʉ i tti̱htzibi.

SAN JUAN 6:33

Cja̱ nuya, guegue xí ddahquijʉ na̱ mero ʉr tju̱jme̱, guejna̱ da ddahquijʉ car nzajqui ca rí hñe̱ ji̱tzi, da un yʉ cja̱hni göhtjo yʉ i bbʉjcua jar jöy.―

SAN JUAN 6:38

Nugö, jí̱ xtá ca̱h pʉ ji̱tzi pa gu øti ca dí mbentsjɛgö. Xtá e̱jcö pʉ pa gu øti ca i ne cam Tzi Ta ca xpá mɛnqui.

SAN JUAN 6:42

Bbʉ mí dyøj nʉr palabra‑nʉ cʉ cja̱hni, bi ma̱jmʉ: ―¿Cja jin gui gue nʉr Jesús, ʉ́r ttʉ car José? Hni̱, cuando dí meyajʉ cár ta ʉ́r me. ¿Dyoca̱ i ma̱m bbʉ, guegue xpá nga̱h pʉ jar ji̱tzi?―

SAN JUAN 6:46

Jin to i bbʉh ca xtrú cca̱hti car Tzi Ta ji̱tzi, jønguitsjɛgö xtú cca̱hti, como xtá e̱jcö pʉ jabʉ bí bbʉy.

SAN JUAN 6:51

Guejquigö, mero dúr tju̱jme̱ xtá e̱ ji̱tzi, como guejquigö dí un yʉ cja̱hni car nzajqui ca rí hñe̱ ji̱tzi. Gue nʉm cuerpo gu ddahquijʉ ncja ngu̱ dá ún cʉ tju̱jme̱ cʉ cja̱hni rá ngu̱. Gu dö cam vida pa da mɛhtzi car nzajqui ca jin da tjegue, yʉ cja̱hni hua jar jöy.― Ncjanʉ gá ma̱n car Jesús.

SAN JUAN 6:62

Bbʉ xtí cca̱jtiguijʉ pé xtár pøxcö pʉ jabʉ ndí bbʉ ma̱hmɛto, nubbʉ, cja xquí ntiendejʉ nʉr palabra nʉ xtú ma̱. Guejquigö dúr cja̱hni xpá bbɛnqui hua jar jöy.

SAN JUAN 8:42

Nubbʉ́, bi da̱h car Jesús: ―Nu bbʉ dir taguɛjʉ ca Ocja̱, nubbʉ́, güi neguigöjʉ, como guegue bú pɛnquigö hua, eso dú e̱je̱. Jin dá mbe̱ntsjɛgö gua e̱je̱. Guegue bú cu̱jqui.

HECHOS 2:34

Car tzi salmo ca xtú xihquijʉ, jin gui ña̱ digue car David, como jin gá mbøx pʉ ji̱tzi‑cá̱. Pe guegue pé bi jñu̱xi pé hnar tzi palabra i ma̱ ncjahua: Bi ma̱n car Tzi Ta ji̱tzi, bi xih cam Tzi Jmu̱gö, i̱mbi, “Bú e̱j ya, gui mi̱jcua jam jogui dyɛ,

HECHOS 20:28

Nuya, gui ndo mfödijʉ. Gui tɛnijʉ ca xtú u̱jtiquijʉ cja̱ gui födijʉ cʉ pé dda hermano cʉ xí tti̱ti jer dyɛjʉ pa gui nú̱jʉ. Gue car Espíritu Santo xí ddahquijʉ car cargo‑cá̱. Nuquɛjʉ, gui ncjajʉ ncja ngu̱ mödi. Gui wi̱nijʉ quí tzi dɛti cam Tzi Jmu̱jʉ Jesús. Nucá̱ bi dön‑cʉ́, bi gu̱ti co cár tzi cji.

ROMANOS 10:6

Pe hnahño ga xijquijʉ car tzi ddadyo jña̱ ca dí e̱me̱jʉ. Car jña̱‑ca̱ i xijquijʉ, jin gui nesta gu hñöntsjɛjʉ: “¿Toca̱ da bøx pʉ ji̱tzi pa du tzí ca hnáa ca da salvaguijʉ?”

1 CORINTIOS 15:47

Ca bbɛto ʉr hñøjø bi ttøte gá jöy pa di hmʉjcua jar jöy. Nu car hñøjø ca rí cja yojo, gue cam Tzi Jmu̱jʉ Jesús, ca xcuí hñe̱ ji̱tzi.