SAN JUAN 21:3 - Otomi

³ Bi ma̱n car Simón Pedro, bi xih cʉ pé ddaa: ―Gu ma pamöy.― Bi da̱j ya cʉ ddaa hne̱je̱: ―Guejquitjogöje, gu möjö.― Bi möjmʉ bbʉ, bi ñʉtijʉ hnar barco, bi jaxi ʉr xu̱y, bú pamöyjʉ, pe jin te gá nzʉdijʉ.

SAN JUAN 21:3 Iomraidhean Croise

SAN LUCAS 5:5

Bi da̱h car Simón, bi xifi: ―Nuquɛ, Maestro, ya xtú pɛjme, xtú jaxje hua má̱nxu̱y, cja̱ jin te xtá tzʉdije cʉ möy. Pe nuya gu pøti nʉr hmamöy, porque guehquɛ guí ma̱.―

SAN JUAN 21:4

Bbʉ ya xní ni̱gui, bi jiantijʉ hnar hñøjø, már bböj nʉ jár nttza̱ni car mar. Nu cʉ hñøjø cʉ már pamöyjʉ jin gá mba̱dijʉ, ¿cja gue car Jesús‑ca̱?

HECHOS 18:3

Cja̱ car Aquila co cár bbɛjña̱ bi za̱mihui car Pablo pa di hmʉjti pʉ, como mí hnadi cár bbɛfijʉ. Bi gojti pʉ, cja̱ mí mfö́xijʉ, mí pɛh cár bbɛfijʉ. Mí wɛtijʉ xifani pa mí øtijʉ carpa.

HECHOS 20:34

Al contrario, guí pa̱dijʉ, nugö ndí pɛjtsjɛgö pa gua töti göhtjo ca ndí nesta. Hasta cʉ to ndí yojme, cjabbʉ ndí pɛfi pa gua föx‑cʉ́ hne̱je̱.

1 CORINTIOS 3:7

I tzʉdi, ncjahmʉ jin te i mu̱hui na̱ hnáa na̱ i pon car semilla, ni ndra ngue ca hnáa ca i hñu̱ntje. Jøña̱ ca Ocja̱ i mu̱hui, como guegue i cjajpi da ngu̱jqui cár palabra.

1 CORINTIOS 9:6

Nugö co car Bernabé, ¿cja jønguitsjɛgöbbe dí nesta gu seguebbe gu pɛbbe cʉm bbɛfibbe pa da ni̱gui te gár tzibbe? Hni̱xjma̱ja̱ cʉ pe dda hermano cʉ i predica nʉr evangelio, i ttundi ca da zijʉ.

1 TESALONICENSES 2:9

Nuquɛjʉ, cjua̱da̱, guí mbe̱nijʉ ja ncja ndí pɛbbe pá ʉr xu̱y pa gua pɛhtzibbe te gua tzibbe cja̱ pa pé di ttajquibbe lugar gua u̱jtiquijʉ cár palabra ca Ocja̱. Jí̱ ndí ne pa to di wi̱nguitjobbe gá grati.