SAN JUAN 2:4 - Otomi

⁴ Car Jesús ya bi da̱di, i̱na̱: ―Nuquɛ, me, jiɛgui. Bbʉ xta zøh car hora, xtá nu̱gö ja gu cjajpi‑ca̱.―

SAN JUAN 2:4 Iomraidhean Croise

SAN MATEO 15:28

Diguebbʉ, bi da̱h car Jesús, bi hñi̱na̱: ―Nuquɛ, na̱na̱, rá zö guir hñe̱me̱gui. Da ncja como ngu̱ guí neguɛ.― Cja̱ bi zö cár tti̱xu̱ desde car hora‑cá̱.

SAN MATEO 8:29

Guegue‑cʉ́ bi mahtihui nzajqui car Jesús, bi xijmi: ―¿Te dí cjahquibbe, nuquɛ, Jesús, ʉ́r Ttʉqui ca Ocja̱? ¿Cja huá ya xcú e̱je̱ pa gui fonguiguije, masque jim be i tzʉh car hora pa da ttajquije cam castigoje?― Ncjapʉ gá ma̱n cʉ yojo hñøjø‑cʉ́.

SAN LUCAS 2:49

Bi ma̱n car ba̱jtzi, bbʉ, i̱na̱: ―¿Dyoca̱ xcú dé xcú jionguihui? ¿Cja jin guí pa̱dihui, i nesta gu hmʉjcua jár ngu̱ cam Tzi Ta?― Ncjapʉ gá nda̱di.

SAN JUAN 12:23

Nu car Jesús bi xih quí möxte: ―Ya xí nzøh car hora ca mí nesta di ncja. Nugö dúr cja̱hni xpá bbɛnqui hua jar jöy. Por rá ngue ca xta ncja, da ni̱gui, i ndo i̱zqui cam Tzi Ta.

SAN JUAN 13:1

Bbʉ ya xti ncja car mbaxcjua ca mí tsjifi ʉr Pascua, bi ba̱h car Jesús, ya xquí zʉh car pá pa di bøngua jar jöy, cja̱ pé drí ma pʉ jabʉ bí bbʉh cár Tzi Ta. Desde bbʉ mí mʉdi mí nzoh quí amigo cʉ mí tɛni, mí ma̱di hasta gue bbʉ mí du̱.

SAN JUAN 2:3

Bbʉ már tzijʉ cʉ cja̱hni, bi tjeh car vino. Cja̱ cár me car Jesús bi xifi: ―Ya xí tjeh car vino. ¿Ter bɛh ca̱ da ttun yʉ cja̱hni pa da zijʉ ya?―

SAN JUAN 20:13

Guegue cʉ anxe bi xijmi car María: ―Nuquɛ, na̱na̱, ¿dyoca̱ guí zoni?― Cja̱ bi da̱h car María: ―Porque xí hnu̱htzibi cár cuerpo ca ndom Tzi Jmu̱je, cja̱ jin dí pa̱di jabʉ xí cjöti.―

SAN JUAN 20:15

Ma ya, car Jesús pé bi dyön car María: ―Nuquiguɛ, na̱na̱, ¿dyoca̱ guí zoni? ¿Toca̱ guí joni?― Nu car María bi mbe̱ni má̱s mí gue car hñøjø ca mí föh car huerta, cja̱ bi da̱di: ―Nuquɛ, tada, bbʉ guehquiguɛ xcú tu̱x cam tzi ánimaje, gui xijqui tzʉ jabʉ xcú cöti, cja̱ nugö gu ma tu̱.―

SAN JUAN 7:30

Bbʉ mí ma̱ nʉr palabra‑nʉ car Jesús, mí bbʉh cʉ dda cja̱hni cʉ mí ne di zʉdijʉ pa di gotijʉ födi. Pe jin to gá ngöxi ʉ́r dyɛ, como jí̱ bbe mí tzʉh car hora pa di ttzʉdi.

SAN JUAN 7:6

Nu car Jesús pé bi da̱h bbʉ: ―Jí̱ bbe i tzøh car tiempo pa gu ma grí øti rá ngu̱ milagro pʉ Jerusalén. Nuquɛjʉ, rí ntzöhui gui möjmʉ pʉ car hora ca guí nejʉ,

SAN JUAN 7:8

Nuquɛjʉ, gui möquɛjʉ ya, guír möjmʉ jar mbaxcjua. Nugö, jí̱ bbe i tzøh car pá gu ma pʉ.―

SAN JUAN 8:20

Car Jesús már u̱jti cʉ cja̱hni pʉ jar templo bbʉ mí ma̱n yʉ palabra‑yʉ́. Már bbʉh pʉ jabʉ mí ttzoh cʉ ofrenda. Cja̱ jin to te gá cjajpi, como jim be mí tzʉh car hora ca xquí mbe̱n car Tzi Ta ji̱tzi.

2 CORINTIOS 5:16

Nuya, desde bbʉ ndú cuatigö jár dyɛ car Jesucristo, guegue bi pötigui cʉm mfe̱ni. Ya jin dí cca̱hti yʉ cja̱hni xøtzetjo, ncja ngu̱ ga cca̱hti yʉ to rí dɛn nʉr mundo. Má̱hmɛto ndí mbe̱ngö, múr cja̱hni tjojo car Jesús, jí̱ mír ntzöhui di tti̱htzibi. Pe nuya dí pa̱di mero ʉ́r Ttʉ ca Ocja̱.