SAN JUAN 19:6 - Otomi

⁶ Nu quí jefe cʉ möcja̱, co cʉ nzʉttabi, bbʉ mí cca̱htijʉ car Jesús, bi ncötijʉ, bi majmʉ nzajqui: ―¡Da ddøti jar ponti! ¡Da ddøti jar ponti!― Car Pilato ya bi xijmʉ: ―Nuquɛjʉ, bbʉ guí ne gui tzixjʉ ya, cja̱ gui tøtijʉ jar ponti, gui cjajpijʉ ya. Nugö, jin te xtá töhtibi ca már nttzo.―

SAN JUAN 19:6 Iomraidhean Croise

SAN MATEO 26:58

Nu car Pedro bi dɛn car Jesús, tzi yanʉ, hasta bbʉ gá nzøti pʉ jár patio cár ngu̱ car Caifás. Nupʉ, bi gojti pʉ, bi mi̱bi cʉ nzʉttabi pa di cca̱hti te di ncjajpi car Jesús.

SAN MATEO 27:22

Ma ya, car gobernador pé bi dyön cʉ cja̱hni: ―Nubbʉ́, ¿te gu cjajpi nʉr Jesús nʉ guí xijmʉ ʉr Cristo nʉ xpá mɛjni ca Ocja̱?― Cja̱ göhtjo cʉ cja̱hni bi ncötijʉ, bi ma̱jmʉ: ―¡Da ddøti jar ponti!―

SAN MATEO 27:24

Bbʉ mí cca̱hti car Pilato, jí̱ mí ne cʉ cja̱hni di dyøjmʉ ca mí ma̱ guegue, pe ya xi mí ne di contrabi, bi mandado bú hnu̱ hnar lavamano ʉr deje, cja̱ bi xʉjqui quí dyɛ pʉ jabʉ már janti göhtjo cʉ cja̱hni. Cja̱ bi xijmʉ, bbʉ: ―Jin gu ja̱gö ʉr huɛnda bbʉ da bböhti nʉr hñøjø‑nʉ́. Nugö dí ma̱ngö, jin te i tu̱. Nuquɛjʉ, bbʉ guí nejʉ da bböhti, guehquɛjʉ, xquí tu̱xi ir nttzojquijʉ, bbʉ.―

SAN LUCAS 23:4

Nubbʉ, car Pilato bi xih cʉ möcja̱ cʉ mí mandado co cʉ cja̱hni rá ngu̱ cʉ xquí jmu̱ntzi, bi hñi̱mbijʉ: ―Nunʉ́, jin te dí töhtibi ca xtrú dyøti ca rá nttzo.―

SAN JUAN 18:3

Diguebbʉ ya, car Judas bi ma bú tzí hnar compañía cʉ sundado, mbá yojmi cʉ dda nzʉttabi cʉ xcuí gu̱h quí jefe cʉ möcja̱ cja̱ co cʉ fariseo. Mbá tu̱jʉ linterna co za mbá zø, mír yojʉ‑cʉ. Guejtjo mbá cʉjʉ espada cja̱ co pé dda arma.

SAN JUAN 18:31

Diguebbʉ ya car Pilato bi xijmʉ: ―Nuquɛjʉ, rí ntzöhui gui tzixjʉ cja̱ gui juzgajʉ ncja ngu̱ ga ma̱n quer leyjʉ.― Cja̱ pé bi da̱h cʉ judio, bi hñi̱na̱jʉ: ―Jin gui jɛguije car ley gu castigaje hnar cja̱hni ca i nesta da bböhti.― Como jí̱ mí tjɛh cʉ judio di möhtijʉ hnar cja̱hni ca xquí njuzga, quí jefe cʉ judio bi döjʉ car Jesús pʉ jár dyɛ car gobernador romano pa di un car sentencia gá du̱.

SAN JUAN 18:38

Cja̱ pé bi ma̱n car Pilato, bbʉ: ―¿Ter bɛh car palabra ca ncjua̱ni?― Nu car Pilato, bbʉ ya xquí dyön nʉr nttöni‑nʉ, pé bi bøm pʉ jabʉ mí tøhmi cʉ judio, cja̱ bi xih‑cʉ́: ―Jin te dí töhtibi ca rá nttzo xtrú dyøti car cja̱hni ca xcú döjquijʉ.―

SAN JUAN 19:15

Nu cʉ judio pé bi ndo majmʉ nzajqui: ―¡Da bböhti‑nʉ! ¡Da bböhti‑nʉ! ¡Da ddøti jar ponti!― Car Pilato ya pé bi dyöni: ―¿Cja guí nejʉ da ddøti jar ponti nir reyjʉ?― Cja̱ bi da̱h cʉ möcja̱ cʉ mí mandado: ―Jin tema rey dí pɛhtzije, jøndi car César.―

SAN JUAN 19:4

Ma ya, pé bi bøn car Pilato pʉ jabʉ mí bbʉh cʉ judio, bi gʉjqui car Jesús pa di jianti cʉ cja̱hni. Cja̱ bi xijmʉ: ―Tji nʉr hñøjø nʉ xcú döjquijʉ. Pé xtú tziji pa gu xihquijʉ, ya xtú juzga, cja̱ jin te dí töhtibi ca rá nttzo ca xtrú dyøte.―

HECHOS 2:23

Nu car Jesús, bi ndö jer dyɛjʉ, ncja ngu̱ gá mbe̱n car Tzi Ta ji̱tzi, como ya má yabbʉ, ya xquí mbe̱ni guegue‑ca̱ ja di ncja göhtjo. Nuquɛjʉ, guí hñøjøjʉ, guí mandadobijʉ yʉ cja̱hni israelita, guehquɛjʉ gú tzʉdijʉ car Jesús cja̱ gú döjtijʉ jáy dyɛ cʉ cja̱hni cʉ jin gui tzu̱ ca Ocja̱, pa bi ddøti pʉ jar ponti, bi bböhti.

HECHOS 7:52

Qui ndor titajʉ dé mí øhtibijʉ tu̱jni quí jmandadero ca Ocja̱. Guegue‑cʉ mí ma̱jmʉ, di hñe̱h ca hnar hñøjø ca di hñi̱x car Tzi Ta ji̱tzi pa di möxquigöjʉ. Nucá̱ jin te di tu̱‑ca̱. Nu qui ndor titajʉ mí pöhti quí mɛfi ca Ocja̱ cʉ mí nzojmʉ. Cja̱ bbʉ mí zøh ca hnáa ca xquí jma̱ di hñe̱je̱, nuquɛjʉ, gú döjʉ jáy dyɛ cʉ cja̱hni cʉ bi möhtijʉ.