SAN JUAN 12:34 - Otomi

³⁴ Nu cʉ cja̱hni cʉ már ødejʉ bi da̱jtijʉ: ―I xijquije cʉ maestro cʉ xí nxöh cʉ Escritura, bbʉ xtu e̱h car Cristo ca da hñi̱x ca Ocja̱ pa da mandadoguije, guegue‑cá̱ da hmʉy göhtjo ʉr tiempo, jin da du̱. Nuquiguɛ, ncjahmʉ hnahño gri xijquije. Como guí xijquije i nesta da ddøti pʉ ña̱ ca hnar cjahni ca guí ma̱nguɛ, xpá bbɛjni hua jar jöy. Xijquije tzʉ, ¿to car cja̱hni‑ca̱?―

SAN JUAN 12:34 Iomraidhean Croise

SAN MATEO 16:13

Diguebbʉ ya car Jesús bi ma jar jöy ca mí nzøtitjohui car jñini Cesarea de Filipo, cja̱ bi dɛn quí möxte. Nupʉ, car Jesús bi dyön‑cʉ́, bi hñi̱mbijʉ: ―¿Ter bɛh ca̱ i ma̱n yʉ cja̱hni diguejcö? ¿Tema cargo dí ja̱gö?―

SAN MATEO 21:10

Bbʉ mí ñʉti car Jesús jar jñini Jerusalén, göhtjo cʉ mi̱ngu̱ pʉ, bi ndo hño ʉ́r mʉyjʉ, cja̱ bi hñönijʉ: ―¿To ya nʉ xí nzøjø?―

SAN MATEO 8:20

Bi da̱j ya car Jesús, bi xifi di mbe̱ni rá zö, ¿cja ntjumʉy mí ne di dɛni? Bi hñi̱mbi: ―Cʉ mi̱hño i pɛhtzi quí ngu̱ mbo nʉr jöy, cja̱ cʉ ttzʉntzʉ i pɛhtzi quí tzi ngu̱, hne̱je̱. Nuguigö, dúr cja̱hni xpá bbɛnqui hua jar jöy, pe jin tema ngu̱ dí pɛhtzigö.―

SAN JUAN 10:34

Bi da̱j ya car Jesús, bi xijmʉ: ―I bbʉh ca hnar tzi palabra i ju̱x pʉ jar ley ca guí nxödijʉ, guehpʉ jabʉ i ña̱ digue cʉ nzöya. I ma̱ ncjahua: “Nuquiguɛjʉ, guí jñɛjmʉ cjá̱a̱.”

SAN JUAN 12:32

Cja̱ nugö, bbʉ xta ddøjtigui pʉ ña̱ pʉ jabʉ da jiantigui cʉ cja̱hni, gu nzojtibi quí tzi mʉy göhtjo cʉ cja̱hni, sa̱nta̱ du e̱jmʉ pa da ba̱dijʉ toguigö.―

SAN JUAN 15:25

Xí dyøtijʉ ncjapʉ pa di ncumpli car palabra ca i ju̱x pʉ jar Escritura, pʉ jabʉ i ma̱: “Gueguejʉ xí ʉguigö, cja̱ u̱jtjo jin tema du̱muy.”

SAN JUAN 8:28

Car Jesús pé bi xijmʉ, bbʉ́: ―Nuquɛjʉ, bbʉ xta zøh car pa bbʉ ya xcrú tu̱gö, nubbʉ́, cja xquí pa̱dijʉ, bbʉ́, nugö xtú xihquijʉ ntjumʉy toguigö. Nubbʉ, xquí pa̱dijʉ hne̱je̱, jin dí øtigö ca dí mbe̱ntsjɛ. Dí øte cja̱ dí ma̱ ncja ngu̱ ga xijqui cam Tzi Ta. Guejquigö, dúr cja̱hni, xpá mɛnqui hua jar jöy.

ROMANOS 3:19

Dí pa̱dijʉ, guejcöjʉ dí judiojʉ, i nzojquijʉ ya palabra‑ya, como guejcöjʉ bi ttzoguiguijʉ cʉ Escritura. Tzʉdi, göhtjo yʉ cosa rá nttzo yʉ i ju̱xcua, dí øtigöjʉ‑yʉ hne̱je̱. Jin gui jøña̱ cʉ hnahño cja̱hni cʉ jin gui judio i øtijʉ ncjapʉ. Eso, bbʉ xta jña̱nquijʉ ʉr huɛnda ca Ocja̱, jin to da ma̱: “Jin te dí ndu̱jpitegö.” Göhtjo nʉr mundo parejo da ttʉhtibi ʉr huɛnda cja̱ da tsjifi, i ndu̱jpite.

ROMANOS 5:18

Car Adán bi mʉdi bi dyøti ca már nttzo, cja̱ cár hmʉy guegue xí tzɛjpiguijʉ nʉm hmʉyjʉ, eso dí göhtjojʉ dí øtijʉ ca rá nttzo hne̱je̱. Rí ntzöhui gu bbɛdijʉ. Nu car Jesucristo bi dyøjti cár Tzi Ta ji̱tzi, göhtjo ʉ́r vida, cja̱ bbʉ mí du̱, bi gu̱ti ca rá nttzo ca xtá øtijʉ. Eso, ya xqui nu̱guijʉ ca Ocja̱ ncjahmʉ jin te gri tu̱jʉ, cja̱ ya xí ngʉzquijʉ car castigo ca di ttajquijʉ. Nuya, da ddajquijʉ car nzajqui ca jin da tjegue. Bi tja̱jquibi car Adán ca mír yojmi ca Ocja̱, como jin gá ne gá dyøjte, cja̱ bi ttzon cár hmʉy. Nugöjʉ, bbʉ dí cuatijʉ jár dyɛ car Jesucristo, guegue‑ca̱ pé i pötigui cam hmʉyjʉ pa pé da jogui gu cuatijʉ ca Ocja̱ cja̱ gu yojmʉ‑ca̱.

HEBREOS 7:24

Nu car Tzi Jesús, ya jin gui tu̱, cja̱ jin to pé i döjti cár cargo, siempre i pɛhtzi‑cá̱.