SAN JUAN 12:13 - Otomi

¹³ Nubbʉ́, bi bønijʉ du tja̱jmʉ car Jesús, cja̱ bú tʉjquijʉ quí xi cʉ dɛntji, mí pøjmʉ pʉ jar hñu̱ pʉ jabʉ mbá e̱h car Jesús. Guejtjo mí ndo majmʉ nzajqui, mí i̱na̱jʉ: ―Dí xöjtibijʉ car Tzi Ta ji̱tzi. Guegue da bendecibi nʉr hñøjø nʉ ba e̱je̱, como xpá mɛjni cja̱ xí un cár ttzɛdi. ʉm reygöjʉ‑nʉ, nugöjʉ dí cja̱hni israelitajʉ.―

SAN JUAN 12:13 Iomraidhean Croise

SAN MATEO 23:39

Nuya dí xihquijʉ, desde rá pa yá, ya jin gui ma gui cca̱jtiguijʉ hasta gue bbʉ xtí pønijʉ, gui má tja̱jquijʉ, cja̱ xtí ma̱jmʉ: “Car Tzi Ta ji̱tzi da bendeci nʉr hñøjø nʉ xpá mɛjni pa da mandadoguijʉ.”― Ncjapʉ gá ma̱n car Jesús.

SAN MATEO 27:42

Mí ma̱jmʉ: ―Nʉr hñøjø‑nʉ́, xí ungui í nzajqui cʉ dda cja̱hni, pe guegue ya, jin gui pa̱di ja drí untsjɛ cár nzajqui ya. Xí ma̱ntsjɛ, guegue ʉm reyjʉ, dí israelitajʉ. Da ga̱jtsjɛ ya jar ponti pa gu pa̱di̱jʉ, ¿cja cierto xpá mɛjni ca Ocja̱?

SAN JUAN 1:49

Cja̱ pé bi ma̱n car Natanael, bbʉ: ―Nuquɛ, Rabí, cierto ʉ́r Ttʉqui ca Ocja̱. Guehquiguɛ xquí hñe̱je̱ pa gui mandadoguije, dí israelitaje.―

SAN JUAN 12:14

Car Jesús ya bi döti hnar tzi burrotjo, cja̱ bi tøgue. Ncjapʉ gá nzʉh car palabra ca i ma̱m pʉ jar Escritura:

SAN JUAN 12:15

Dyo guí ntzu̱jʉ, guí mi̱ngu̱jʉ Jerusalén, Jiantijma̱jʉ, ya xpa e̱j nir reyjʉ, ba tøh hnar tzi burrotjo.

SAN JUAN 19:15

Nu cʉ judio pé bi ndo majmʉ nzajqui: ―¡Da bböhti‑nʉ! ¡Da bböhti‑nʉ! ¡Da ddøti jar ponti!― Car Pilato ya pé bi dyöni: ―¿Cja guí nejʉ da ddøti jar ponti nir reyjʉ?― Cja̱ bi da̱h cʉ möcja̱ cʉ mí mandado: ―Jin tema rey dí pɛhtzije, jøndi car César.―

APOCALIPSIS 15:3

Cja̱ mí xöjmʉ ca hnar tsjödi, gue car tsjödi ca bi dyøti ca ndor Moisés, ca mí pɛjpi ca Ocja̱. Gue car tsjödi ca i xöh car Tzi Dɛti hne̱je̱. Mí ma̱ ncjahua car tsjödi: Nuquɛ, gú Ocja̱, ʉm Tzi Jmu̱quije. Rá nzɛhqui, ddatsjɛquiguɛ guí mandado. Rá ndo zö cja̱ rá ndo ntji̱ yʉ xcú dyøte, eso i dyo ʉm mʉyje. Nuquiguɛ, guí øti jujticia, cja̱ guí cumpli ca xcú ma̱. Más rá ji̱tzi quer cargo. Guí mandadobi göhtjo yʉ nación.

APOCALIPSIS 19:16

Car tøgue‑ca̱, i ju̱xi hnar tju̱ju̱ jár da̱jtu̱, pʉ jabʉ i cohmpi cár xintje. Gue ná̱r tju̱ju̱‑na̱: “Gue na̱r Rey i mandadobi cʉ pé dda rey. Gue na̱r Tzi Jmu̱ i mandadobi göhtjo cʉ to i pɛhtzi quí cargojʉ.”

APOCALIPSIS 7:9

Bbʉ ya xquí guaj nʉr bbede, dú janti hnar ndo jmu̱ndo cʉ cja̱hni, már ndo ngu̱tsjɛ, jin to di jiöti di mede, xcuí hñe̱jmʉ göhtjo tema nación, co göhtjo tema raza. Mí mi̱ngu̱jʉ göhtjo tema jöy, cja̱ mí ña̱jʉ göhtjo tema jña̱. Mír hmöh pʉ mír ncca̱htihui car Tzi Ta ji̱tzi pʉ jabʉ mbí ju̱tzi co hne̱h ca hnaá ca mí ncja ngu̱ hnar tzi dɛti. Mí jejʉ da̱jtu̱ rá nttaxi, cja̱ mí ca̱jʉ dɛntji.