APOCALIPSIS 1:3 - Otomi

³ Da ndo mpöh cʉ cja̱hni cʉ da nøn na̱r libro‑na̱, co hne̱h cʉ cja̱hni cʉ da dyøh bbʉ xta jnøni. Da ndo mpöh cʉ to da jñu̱hpi ndu̱mʉy ya palabra ya i cuati hua, porque ya xqui guebbʉ da ncja cʉ i ju̱xcua.

APOCALIPSIS 1:3 Iomraidhean Croise

SAN MATEO 24:15

Nuquɛjʉ, ya xcú cca̱htijʉ jar Escritura te bi ma̱n car profeta Daniel. Ca to da cca̱hti car palabra‑cá̱, da mbe̱ni ja ncja drí ncumpli ca bi ma̱n car Daniel. I ju̱x pʉ jar libro ca bi dyøti‑cá̱, øde, bbʉ ya xti guejti pʉ da guaj nʉr mundo, xta ni̱gui ca hnar hñøjø ca da mandado. Nuca̱, jin da zu̱ ca Ocja̱, cja̱ jin da zu̱jpi nʉ́r templo. Da ñʉti pʉ jabʉ jin gui tjɛj yʉ cja̱hni, da hmöh pʉ mbo, cja̱ da dyøti ca jí̱ rí ntzöhui. Nuquɛjʉ, bbʉ xquí cca̱htijʉ car hmɛtzö‑cá̱, xtí pa̱dijʉ, bbʉ, ya xní zʉh car tiempo.

SAN LUCAS 11:28

Nu car Jesús bi da̱di, bi hñi̱mbi: ―Yʉ cja̱jni yʉ i øj nʉ́r palabra ca Ocja̱ cja̱ i øjte, guejyʉ́ da ndo möx car Tzi Ta ji̱tzi.―

ROMANOS 13:11

Gui mbe̱nijʉ göhtjo yʉ palabra yʉ xtú xihquijʉ, Guejtjo gui mbe̱nijʉ ja ncja na̱r tiempo na̱ dí bbʉpjʉ. Ya xí nzʉh car hora pa gui tzöjʉ cja̱ gui ntzohmijʉ ja ncja grí hmʉpjʉ. Ya jin gui hmʉpjʉ ncja ngu̱ nguír hmʉpjʉ bbʉ cja nguí fʉdi nguí e̱me̱jʉ. Gu mbe̱nijʉ, ya xta ni̱gui car pa bbʉ xtu e̱h cam Tzi Jmu̱jʉ. Nubbʉ́, cja xtá nu̱göjʉ ca dí tøhmijʉ.

ROMANOS 13:12

Ya xní tjoj nʉr xu̱y, ya xní ma da ni̱gui. Ya xní ntzöhui gu jɛguijʉ cʉ cosa rá nttzo cʉ ndí øtijʉ bbʉ ndí bbʉpjʉ jar bbɛxu̱y. Nuya, gu hmʉpjʉ jár tzi jiahtzi ca Ocja̱. Gu mfödijʉ ncja ngu̱ hnar sundado ca i ntujnihui cár contra, cja̱ i mföjtsɛ pa jin da hna̱pi.

1 PEDRO 4:7

Pe nuya, ya xta tjej nʉr mundo. Ya pé xtu e̱h car Jesucristo. Eso, i nesta gui mfödijʉ cja̱ gui pɛnti quir mfe̱nijʉ pa da jogui gui nzojmʉ ca Ocja̱ göhtjo mbo ir mʉyjʉ.

2 PEDRO 3:8

Cierto, ncjahmʉ ba dé cam Tzi Jmu̱jʉ pa du e̱je̱. Pe i nesta gui ntzohmijʉ, ʉm tzi cjua̱da̱quijʉ, dí cja̱hnitjogöjʉ, jin dí mbe̱nijʉ ncja ngu̱ ga mbe̱n ca Ocja̱. Pa guegue i jñɛjtihui hnajpa, hnar mil año. Jin gui tzöjpi chi tchʉ hnar pa, cja̱ jin gui tzöjpi rá ma hnar mil año.

APOCALIPSIS 22:10

Cja̱ pé bi xijqui car ángele: ―Gui xij yʉ cja̱hni te i ma̱ na̱r libro‑na̱, pa da fa̱di, como ya xqui guejti pʉ car pa bbʉ xta ncja.

APOCALIPSIS 22:12

Diguebbʉ ya pé bi ma̱n car Jesucristo: ―Dyøjma̱jʉ, nguetica̱ xtá ma pʉ, cja̱ bbʉ xtá tzøti pʉ, gu rayaquijʉ. Gu un yʉ cja̱hni cada hnaa según ca xí dyøte.

APOCALIPSIS 22:20

―Nugö, dúr Jesús. Cierto ya palabra ya xtú ma̱. Cja̱ pé dí xihquijʉ, nguetica̱ xtá ma pʉ jar jöy.― Cja̱ i tja̱j yʉ to xí dyøde: ―Ja̱a̱, ʉm Tzi Jmu̱quije Jesús, gu e̱h tzʉ nttzɛdi.―

APOCALIPSIS 3:11

Ya xtár magö pʉ. Eso, gui zɛdijʉ, jin gui ma gui jiɛjmʉ ca rá zö ca guí øtijʉ, sa̱nta̱ gui jña̱jʉ car tja̱ja̱ dí ne gu ddahquijʉ.