1 JUAN 4:5 - Otomi

⁵ Jí̱ í ba̱jtzi ca Ocja̱ cʉ jiöjte cʉ i dyo, i cønijʉ car Jesús. Gueguejʉ í ba̱jtzi ca hnáa ca i mandado hua jar mundo, gue ca Jin Gui Jo. Guejti car palabra ca i ma̱n cʉ cja̱hni‑cʉ́, rí hñe̱h ca Jin Gui Jo. Cʉ cja̱hni cʉ rí dɛn nʉr mundo, i e̱me̱ ca i ma̱n cʉ jiöjte‑cʉ́, como i bbʉjtijʉ ʉ́r dyɛ ca Jin Gui Jo.

1 JUAN 4:5 Iomraidhean Croise

SAN LUCAS 16:8

Bi dyøj ya cár patrón te xquí dyøti car jiöjte mɛfi, cja̱ bi ma̱: “Nʉm mɛgui mɛfi, i pɛhtzi mfe̱ni rá zö. Macja̱ ya xta mfongui, pe xí jioni ja drí wejqui algo pa da bøni rá zö.” Ncjapʉ gá ma̱n car rico. Nu car Jesús bi xih quí möxte: ―Yʉ cja̱hni yʉ jí̱ í ba̱jtzi ca Ocja̱ i pa̱di ja drí dyøtijʉ pa da ntzixihui rá zö quí hñohuijʉ hua jar mundo. Nu yʉ cja̱hni yʉ i tɛn nʉr jiahtzi, jin tza i pa̱dijʉ ja drí cjajpi quí hñohuijʉ pa da ntzixihui rá zö.

SAN JUAN 17:14

Yʉ cja̱hni yʉ xí ndɛngui, ya xtú xijcö quer tzi palabra. Nu cʉ cja̱hni cʉ jin gui e̱me̱gui, jin gui ne da nú̱jʉ rá zö‑yʉ, como ya jí̱ í mɛjti nʉr mundo yʉm cja̱hnigö, ncja ngu̱guigö, jí̱ ʉ́r mɛjtigui nʉr mundo hne̱je̱.

SAN JUAN 17:16

Como jí̱ ʉ́r mɛjtiguigö nʉr mundo, guejti yʉ to xí hñemegui, jí̱ í mɛjti nʉr mundo, hne̱je̱.

SAN JUAN 3:31

I bbʉh cʉ dda cja̱hni cʉ i u̱jtiguijʉ, i xijquijʉ ja i ncja cʉ cosa hua jar jöy. Guegue‑cʉ i tti̱htzibijʉ hua jar mundo. Pe como mi̱ngu̱tjojʉ hua jar mundo, jin gui pa̱dijʉ ter bɛh ca̱ bí ncja pʉ jar ji̱tzi. Guejtjo i bbʉ ca hnar cja̱hni xcuá hñe̱ ji̱tzi cja̱ i nzojquijʉ. Más rá zö guegue ni ndra ngue cʉ ddaa cʉ i tti̱htzibi.

SAN JUAN 8:23

Car Jesús pé bi xijmʉ: ―Nuquiguɛjʉ, guí cja̱hnitjojʉ. Nuguigö, xtá ca̱jcö nʉ jar ji̱tzi. Nuquiguɛjʉ, guí mi̱ngu̱tjojʉ hua jar mundo. Nuguigö, jin dúr mi̱ngu̱ hua.

2 TIMOTEO 4:3

Gui mpɛgui, gui xij yʉ cja̱hni nʉ́r palabra ca Ocja̱, menta i cjadi tiempo. Como ya xpa e̱h car tiempo bbʉ ya jin da ne yʉ cja̱hni da dyødejʉ car palabra ca cierto. Da gustabijʉ da dyødejʉ bbɛtjri, hasta da jionijʉ rá ngu̱ maestro cʉ da xijmʉ hnahño mfe̱ni cja̱ co hnahño hñu̱ pa da tzøpi gueguejʉ.

APOCALIPSIS 12:9

Bi mfongui car dragón, yojmi quí ángele cʉ mí tɛnijʉ. Car dragón, guegue ʉr cci̱ña̱ ca ya xi mí bbʉy ya má yabbʉ. I ju̱ cár tju̱ju̱ ʉr Satanás. Guejtjo i tsjifi ca Jin Gui Jo. Guegue ʉr ndo jiöjte, i dyo, i ne da ta̱tetjo. Bú ttɛngua jar jöy, yojmi quí möxte cʉ mí tɛnijʉ.