1 JUAN 4:16 - Otomi

¹⁶ Nugöje, ndí yojme car Jesucristo, eso, dú ntiendeje ja ncja ga ma̱jquijʉ car Tzi Ta ji̱tzi, cja̱ ncjapʉ dá e̱me̱bije cár Ttʉ ca Ocja̱. Ca Ocja̱ i ma̱jte. Car cja̱hni ca i ma̱h quí mi̱nga̱‑cja̱hnijʉ, i yojmi ca Ocja̱, cja̱ guegue‑cá̱ i bbʉ mbo ʉ́r tzi mʉy.

1 JUAN 4:16 Iomraidhean Croise

SAN JUAN 6:69

Nugöje dí meyaquije cja̱ dí e̱me̱je, guehquiguɛ xí hñi̱xqui car Tzi Ta ji̱tzi, cja̱ xpá mɛngui hua jar mundo.―

SAN JUAN 9:3

Bi da̱j ya car Jesús, bi hñi̱na̱: ―Jí̱ ʉ́r nttzojqui nʉr hñøjø‑nʉ. Guejtjo jí̱ ʉ́r nttzojqui cár ta co cár me. Exque i ncjanʉ gá hmʉ guegue pa gu xojquibi yí dö, cja̱ da ni̱gui te tza rá nzɛdi car Tzi Ta ji̱tzi ca xpá mɛnquigö.

1 CORINTIOS 2:9

Nugöjʉ, yʉ xtú e̱me̱jʉ car Jesucristo, ya xtí pa̱dijʉ ja ncja mír mbe̱n car Tzi Ta ji̱tzi. Ncja ngu̱ ga ma̱ nʉ́r palabra ca Ocja̱, i̱na̱: Ca Ocja̱ xí xij yʉ cja̱hni yʉ i joni guegue, da ttunijʉ ca rá ndo zö, Masque jin to xcá cca̱hti ja i ncja pʉ ji̱tzi, Masque jin to xcá dyøde te bí cja pʉ, Nim pa to di mbe̱ni mbo ʉ́r mʉy ja di ncja.

1 JUAN 3:1

Gui mbe̱nguɛjʉ ya, te tza i neguijʉ car Tzi Ta ji̱tzi, como ya xqui xijquijʉ í ba̱jtziguijʉ. Cierto hne̱je̱, como ya xtú cjajʉ í ba̱jtziguijʉ ya. Nu cʉ cja̱hni cʉ rí dɛn nʉr mundo jin gui pa̱di to í ba̱jtziguijʉ. Guegue‑cʉ́ guejtjo jí̱ mí pa̱dijʉ to múr Ttʉ car Jesucristo bbʉ mí dyo hua jar jöy.

1 JUAN 3:16

Bbʉ dí ne gu pa̱dijʉ ja ncja grá ma̱h cʉm hñohuijʉ, i nesta gu mbe̱nijʉ ja ncja gá ma̱jquijʉ car Jesucristo. Guegue bi dötsjɛ cár vida por rá nguejcöjʉ. Hne̱quigöjʉ, i nesta gu ma̱dijʉ cʉ pé dda cja̱hni cʉ i e̱me̱jʉ car Jesucristo. Gu ma̱dijʉ cja̱ gu föxjʉ según ca i nesta, hasta gu dö yʉm vidajʉ. Jin gu jiøjquijʉ yʉ dí ja̱jʉ, ni digue nʉm nzajquijʉ, jin gu jiøjquijʉ hne̱je̱.

1 JUAN 3:24

Cʉ cja̱hni cʉ i øjtibi quí mandamiento ca Ocja̱, nucʉ́ i yojmʉ car Jesucristo, cja̱ guegue‑cá̱ i bbʉ mbo í mʉyjʉ. Dí pa̱dijʉ, i bbʉ mbo ʉm tzi mʉyjʉ car Jesucristo, como i xijquijʉ ncjapʉ car Espíritu Santo. Guegue car Jesús xpá mɛnquijʉ cár Tzi Espíritu, cja̱ dí yojmʉ‑cá̱.

1 JUAN 4:7

ʉm tzi hñohuiquijʉ, gu ma̱jtsjɛjʉ, dí göhtjojʉ, como rí hñe̱h ca Ocja̱ car jma̱jte. Nʉr cja̱hni nʉ i ma̱jte, i pɛhtzi car ddayo nzajqui rí hñe̱h ca Ocja̱, cja̱ i pa̱di ja i ncja ca Ocja̱.