lɩbrani 8:3 - ŋuɽun ŋun ŋiya ŋun ŋikaiilo elo 1966

³ na lele leḏi jɩsis wei lɩməṯɩnu lagele ŋɩdio ga dino na ḏiḏuga; na ŋiro dino arram gɩsis keno gəṯi ŋɩdio ŋulgele dino.

lɩbrani 8:3 Iomraidhean Croise

yuwana 6:51

nyi gwiro gia gun gɩmiḏo gun gugwulu kanyin. ḏa gwiji gwete maʼe gia keno gwəmɩḏe gi gɩḏilio; na gia gun giḏəḏə giro aŋɩnu yinyi yun yiḏəḏi yan ḏɩmiḏa ḏeḏi liji leḏi gɩḏilio.

rumiya 4:25

gwun gwiḏəḏinijo ḏaiya gwan ŋuɽun ŋage ŋun ŋɩki, nudiɽi nuŋwijiduji liŋir gi jei ganu jeḏi elo.

rumiya 5:6

gi gwune jilo gwerre ilmumɩḏo namɩni kaja gun gɩdeleḏo kɩrisṯo mai gwan liji lun lɩki,

rumiya 5:8

namɩni elo maŋiḏi ḏəmɩnyo ḏuŋun lage gi gwune iljɩre lɩki kɩrisṯo mai gwan liŋə.

galaṯia 2:20

anmaɽinyini kɩrisṯo gwe gi luɽi lun lɩmalɩḏo ganu, na nyi gwədu gwun gwəmɩḏo no namɩni kɩrisṯo gwəmɩḏe lugwi, na ḏɩmiḏa ḏun ḏimiḏi gwunnɩno kaŋɩnu, nyi gwəmɩḏe ḏɩməṯo ḏe ḏeḏi ŋaɽe ŋeḏi elo, ŋun ŋamɩnyinyi nuḏəḏə gwula gwuŋun gwan nyi.

awisus 5:2

na aṯanyawewele gi ḏəmɩnyo ganu gi gwune əmɩnyijine kɩrisṯo dino, nuḏəḏə gwula gwuŋun ḏaiya gwan liŋə gi ŋɩdi ŋun ŋiḏəḏɩlo elo ga dino na ḏiḏugɩno ḏun ḏəṯi ŋɩḏini.

ṯitusŋ 2:14

gwun gwiḏəḏi gwula gwuŋun ḏaiya gwan liŋə nuŋwijeḏɩla ŋuɽuna ŋage ŋun ŋɩki wei, nuŋwijiwei nilro liji luŋun, ilɩɽijo ganu ilape ŋɩru ŋiŋir. o,

lɩbrani 2:17

na ŋiro dino arram gwaro gi lɩmegin ŋuɽun ŋe wei, kani ŋwuro gwele gweḏi jɩsis gwəṯi ŋino na gwiŋir gwuḏuḏɩnu ga ḏi elo ŋɩdi ŋe ŋuŋun, kani nugele ḏouwɩɽiḏa gwan ŋuɽun ŋeḏi liji ŋun ŋɩki.

lɩbrani 3:1

na ŋiro dino lɩmagəri lun lɩpiḏo pɽul, dija kal gete ḏorniḏa ḏeḏi kanyin, iril jei galo gwan yecu gwun gwuwəjɩnu gwiro gwele gweḏi jɩsis gwe diteijo ga dage,

lɩbrani 5:1

na lele wei leḏi jɩsis lɩməṯɩnu gi liji nalɩduji jɩsis nalape ŋɩru ŋeḏi elo gwan liji, nalɩḏəḏə ŋɩdio ga dino na ŋɩdi ŋe ḏiḏuga ŋuɽun ŋun ŋɩki.

lɩbrani 7:27

ŋu gwate gwəṯi ŋuɽuna gwaɽe ŋɩdio ŋe ḏiḏuga bubruṯ gwerre gwan ŋuɽun ŋuŋun ŋun ŋɩki no, na gɩdo gwan ŋuɽun ŋun ŋɩki ŋeḏi liji, ŋiro gi lele leḏi jɩsis cono; na ŋu ŋarrulo lamtɩdo gwune ḏəḏu gwula gwuŋun.

lɩbrani 8:4

na ḏa ŋu gwijo kɩḏilio gwate gwaŋar gɩsis no, gi gwune jɩsis jo jun jaṯɩgele ŋɩdio ga dino ŋuɽun ŋe ŋun ŋigelijɩlo elo musaŋ.

lɩbrani 9:14

namɩni ŋiro gada ŋutəno ŋuwən ŋeḏi kɩrisṯo, gwun gwugelijo eloŋu gwula gwuŋun gwate gwətɩn ŋuɽuna ŋədi ŋun ŋɩki no, gwuɽɩwə gwe gwun gwɩpiḏo pɽul gweḏi uro gwerre kəbe gi gɩḏilio, ŋawei dugwor dalo ŋɩru ŋun ŋaiyo kani nyapijo eloŋu ŋɩru gwun gwumiḏo?