lɩbrani 8:1 - ŋuɽun ŋun ŋiya ŋun ŋikaiilo elo 1966

¹ na ŋuɽun ŋun ŋiro lɽa gi loro ŋun ŋarɩlŋe dino: iləṯi gwelɩnya gweḏi jɩsis gwun gwaṯijiga gi ḏi ḏun ḏiro ḏiŋir ḏeḏi elo kanyin,

lɩbrani 8:1 Iomraidhean Croise

markus 16:19

na gwune nal gwele uməḏɩjo dino nudiɽi kanyin nujiga gi ḏi ḏun ḏiro ḏiŋir ḏeḏi elo.

awisus 6:20

na gwan ŋeno nyi gwiro ḏuwəjo nyikanano ga ajirɩjir ye, kani ilteije ga puɽəny gi gwune ŋideleḏo ŋiluma.

kulusi 3:1

na dino ḏa nyalmadiɽi kɩrisṯoŋale, bunyɩl ŋuɽuna ŋun ŋijo kanyin, kalo gun gijɩne kɩrisṯo ŋi ḏi ḏun ḏiro ḏiŋir ḏeḏi elo.

lɩbrani 1:13

na əḏi gwiro gi liji leḏi kanyin gaja gədi nuarno, jiga gi ḏi ḏinyi ḏun ḏiro ḏiŋir, kəbe nyiduji liji lun lɩkiḏiḏianyale gɩḏoɽ geḏi ŋwara ŋwuŋa?

lɩbrani 1:3

ŋu gwiro bure gwe ḏoɽeḏa ḏeḏi elo, na ŋau ŋɩwəɽənu, na ŋɩdi wei ŋo gi ḏi ganu ḏuŋun ŋuɽun ŋe ŋeḏi ŋɩma ŋuŋun. na gwune ŋu ŋwijimudɩjo ŋuɽuna ganu ŋage ŋun ŋɩki, nujiga gi ḏi ḏun ḏiro ḏiŋir ḏeḏi elo kanyin,

lɩbrani 10:12

namɩni kɩrisṯo, gwune nugele ḏiḏugɩno ḏetɩdo ḏeḏi ŋuɽun ŋun ŋɩki gi gɩḏilio, nujiga gi ḏi ḏun ḏiro ḏiŋir ḏeḏi elo.

lɩbrani 12:2

ilaŋalaḏe ḏi yecu gwun gwiro gwele gwe ḏɩməṯo na ḏiṯɩmio ḏuŋun, gwun gwuməṯi ḏugwore kalo geḏi luɽi lun lɩmalɩḏo ganu gi gwune ḏidila ganu kɩɽelo lugwun, nuabɩlaṯe ḏare ki nudijiga gi ḏi ḏun ḏiro ḏiŋir ḏeḏi gɩḏoɽ geḏi elo.

lɩbrani 2:17

na ŋiro dino arram gwaro gi lɩmegin ŋuɽun ŋe wei, kani ŋwuro gwele gweḏi jɩsis gwəṯi ŋino na gwiŋir gwuḏuḏɩnu ga ḏi elo ŋɩdi ŋe ŋuŋun, kani nugele ḏouwɩɽiḏa gwan ŋuɽun ŋeḏi liji ŋun ŋɩki.

lɩbrani 3:1

na ŋiro dino lɩmagəri lun lɩpiḏo pɽul, dija kal gete ḏorniḏa ḏeḏi kanyin, iril jei galo gwan yecu gwun gwuwəjɩnu gwiro gwele gweḏi jɩsis gwe diteijo ga dage,

lɩbrani 4:14

na gi gwune iləṯi gwelɩnya gweḏi jɩsis gwun gŋwubuṯano gwuməḏi kanyin, yecu gwun gwiro ŋaɽe ŋeḏi elo, ouwɩricije ilməṯo muma ḏɩteijo ga ḏage.

ŋuɽun ŋun ŋaŋinu 3:21

ŋu gwun gwaḏamɩḏe na gwiḏəḏə gwanagwijiga kɩḏoɽ ŋeḏi ŋele ŋinyi, gi gwune ḏamɩḏi anajiŋa baba gwi gwe kɩḏoɽ geḏi ŋele ŋuŋun.